روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الخامس عشر

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

كمل ضاري بهدوء وقلبه يرقع اما يزن اللي ما تطمن لوجود ضاري بس استبعد انه ممكن يعرف شي عن نور وكمل وركب سيارته وحرك ضاري كان يراقب من بعيد راح لبيتهم رمى الاغراض جوا وانطلق يركض بكل سرعته لبيت عزام وصل وصار يدق الباب بقوووه

عند عزام اللي كانو حاطين حليب ومتجمعين ع نار بسيطه عشان تدفيهم ونور معاهم فز عزام اول ماسمع الباب بأرتباك وهو يرجف ومتوتر استغربوا امه وحور حالته ونور خافت
بالقوه قام عزام وهو يحس رجوله ميب شايلته تقدم للباب وفتحه بخوف وزفر بضيقه اول ماشاف ضاري : هذا انت كان تكلمت
سحبه ضاري :مو وقت الكلام هذا تعال في مصيبه
عزام طلع وسكر الباب : اخو نور هنا صح
ضاري ببلاهه: كيف عرفت
عزام : كنت اتمشى بالحاره شفته من بعيد وهربت عشان كذا خايف وش صار معك انت
ضاري قاله كل شي جلس عزام بتعب : شكلنا بندخل في دوامه مابنطلع منها
ضاري: تتوقع ليش جاء هنا
عزام: مدري بس الله يستر
سامي اخو ضاري كان جاي ركض : ضاري ابوي يقول تعال
ضاري : زين اسمع عزام بروح وانت انتبه
عزام : زييين

راح ضاري وابتداء هو بعد يخاف من ذا الامر
ابو ضاري : وش فيك رميت الاغراض كذا وانتحشت
ضاري بتصريف : كنت اتمازح انا وعزام وركضت وراه
ام ضاري : وعزام من متى وهو يراكض بسم الله عليه عاقل
ريما: ما تدخل الراس عزام يراكض
ضاري بتوتر: ليه مو انسان والا مكتوب علينا نشقى حتى باللعب
ابوضاري : ماصار شي وش بك عصبت
ضاري: ولا شي
سكت بتوتر وهو يحاول يهدي
...

عزام اللي رجع دخل وجلس بهدوءه المعتاد
ام عزام: شفيه ضاري كسر الباب
عزام: ولا شي طفاقته المعتاده
حور همست لنور: اعطيني كوبك احط لك حليب
نور: لا بس مابي بس مين ضاري هذا
حور: هذا ولد جيرانا صديق عزام بس مرجوج شوي
نور: اها
رعد: بابا اليوم لعبت انا وعمه نور لعبه حلوه
عزام التفت على ولده بصدمه: مين
رعد : عمه نور ي بابا هاذي الجديده
عزام ما صدق ان ولده تقبلها وصار يقول لها عمه بالعاده ما يتقبل احد بسهوله
رعد: ألعبك اللعبه بابا
عزام ابتسم بخفيف : زين ي بابا
ابتداء رعد يلعب عزام بطريقة نور ونور وحور مبتسمين لاشكالهم
...

عند تركي اللي صحى على صوت سامر : تركي قوم يزن تحت يبيك
تركي : شيبي
سامر: مدري
تركي قام وهو يسحب نفسه سحب ونزل ليزن اللي كان جالس بالمجالس الجانبيه
تركي : يزن شفيك
يزن : تعال صار معي شي غريب
جلس تركي وابتداء يزن يحكي له اللي صار
يزن: تتوقع لهم علاقه بنور
تركي : مدري جايز بس هو قالك انه بيودي اغراض لأسر محتاجه
يزن: مدري قلبي قارصني
تركي : لا ي شيخ شيبون فيها اكيد صدفه وانت تقول الحاره متهالكه
يزن: اتمنى انهم يعرفون عنها شي
تركي : خلني بكره اسألهم شرايك
يزن: ايه سألهم
تركي : زين تشرب شي تأكل شي
يزن: لا مابي بروح انام تعبان
تركي : زين موفق
وقفوا تركي ويزن وتقدموا بيطلعون بس وقفهم نزول سميه اللي كانت تكلم السواق بغضب اللي روح عليها بحثها بالزباله لما نسته معاه بالسياره تنح يزن بشكلها كانت مرتبه حييل رغم انها في بيتهم (اووف هاذي سميه من زمااان والله )
رفعت راسها سميه بصدمه لما سمعت صوت تركي : شبلاك انتي تصارخين
اتسعت عيونها بصدمه ولفت بسرعه وهي تركض لغرفتها ابتسم يزن ونزل راسه وطلع اما تركي رجع يناام
...

في بيت ابو يزن جو التوتر مخيم عليهم من بعد هروب نور ام يزن اللي كانت ما تعرف النور ودموعها ما جفت
ياسر اللي ضايق من فعلة نور اللي مهما كانت الاسباب مالها مبرر
اما يارا اللي كانت جالسه عندهم هالفتره وهي ودها نور ترجع
وابو يزن قايمه قيامته هو ابوه وماخلو ولا بقوا مكان ما دوروا فيه بس من غير جدوى
الجد بغضب : وين راحت يعني وين راحت
ابو يزن: مدري يبه مدري
ابو تركي : يبه هدي الموضوع مايجي كذا انت الله يهديك بديت بالغلط كيف بتزوجها صايع هذا ي حرام اصلا
الجد: اسكت انت مالك شغل خلك مع عيالك احسن لك
ابو يزن: سعود وراء هذا كله يبه سعود
ماجد اللي دخل بوضع مزري : هاااه مالقيتوا بنتكم والا بتلزقونها في بعد ......
ابو تركي : ماجد شهالكلام ما تستحي على وجهك انت ما تستحي كيف تتكلم كذا عن بنت عمك وقبل تتكلم عنها شوف حالك اللي يسد النفس
ماجد:هههههههه مين بنت عمي مالي شرف تصير بنت عمي معليش بنت حتى لو لقيتها خلها عندك محد يبي وحده .....
تقدم ابو يزن وضربه كف: تخسي الا انت تاخذها
الجد: بببببببببسسسسسس
سكتوا الكل وطلع ابو تركي اللي مو راضي ابد عن ذا الحال
اما ماجد طلع وهو مو هامه اللي صار واتجه لتفاهاته ابو يزن اللي ضاق من كلام ماجد وقرر انه مايزوج نور ماجد لو يتبرى ابوه منه ...