روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت التاسع والعشرون

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

ويسلمون عليه ولا يرد على احد كان باين ان فيه شي راح له وهو يناديه مارد عليه قرب وهو يقول :عزاام شفيك
عزام فز : نعم
تركي : شفيك تعبان فيك شي
عزام كان يناظر بتركي وهو مايدري وش يقول يشوفه يتكلم بس باله مو مع تركي ابدااااااا
تركي : عزاام صاير معك شي
عزام غمض بقوه وهو يحاول يركز مسح وجهه : هلا تركي
تركي : تعبان وش فيك
عزام: لا لا
تركي : ي رجل شوف وجهك كييف تعال معي شصاير فيك
عزام كان نفسه يصرخ في وجهه موب وقته ابد : لا لا عندي حاجه ضروري اسويها مره ثانيه
تركي اصر على عزام انه يجي معه بس عزام ما كان طايق اصلا يتحرك بيروح يشوف حل للمصيبه اللي طاحت على راسه
قاطعهم ضاري : عزوو وش بك
عزام ناظر فيه وهو يحاول يفهمه انه يبعد تركي ضاري فهم ان فيه مصيبه من عيون عزام وحاول يبعد تركي
ضاري :تركي من شوي ينادونك في الطوارئ مدري شفيه
تركي : ليش
ضاري : مدري اتوقع في حادث
تركي : زين شوف ذا مدري شفيه
ضاري : زين
راح تركي والتفت ضاري : شفييك
عزام :تعال برا مصيبه ي ضاري مصيبه
ضاري : وش صاير
عزام : تعال برا انا انخنقت من الجلسه هنا تعال
طلعوا برا وجلسوا بالحديقه ضاري : عزام تكلم عليت قلبي
عزام بالقوه نطق وقال لضاري
ضاري: نعم
عزام: مو وقتك وربي
ضاري : تستهبل انت كيف صورت معك وانت نايم ولا حسيت فيها معليش عزام دور مقلب جديد
عزام صرخ عليه : اي مقلب انت و وجهك
ضاري: لا تصارخ الناس يناظرون
عزام: احسن اقوله مصيبه يقول مقلب
ضاري : بالله عليك بالعقل يعني كيف صورت معك وانت تقول الصوره انت فيها عاري وبحال مشين وهي بحاله مزريه كيف تجي معك هاهه وبعدين انت ما عمرك نمت برا بيتكم ولو نقول نمت انت نومك خفيف كيف ماحسيت فيها يمكن فوتشوب
عزام: استغفر الله العظيم وان قلنا فوتشوب صدري بعد فوتشوب
ضاري : ايه ترا كل الرجال عندهم صدور وقفت عليك
عزام هبده في ظهره: ضاااري لا تستهبل انا اعرف صدري واعرف الحرق اللي فيه
ضاري تذكر : بسم الله هاذي كيف جات عزام لايكون مخربط وتستهبل علي
عزام وقف وهو يشد شعره: انت حمار بتذبحني انا وين والخربطه وين
ضاري : والله انه شي يحط العقل بالكف يا ان احد مصورك وهي مضبطتها فوتشوب او مدري صراحه
عزام قام يلف مثل المجنون : لو قلنا ان احد صورني ما بتزبط عمري بحياتي ما نمت وصدري عاري
ضاري : كيف سوتها طيب
سكتوا وعزام يلف ويلف ويلف بيموت خلاص ما همه الصور كثر ما همه كيف صورتها صرخ ضاري اللي قال :مين هي
عزام: هاله انهلوا عليها الجن
ضاري غصب ضحك على الدعوه : طيب اسمع انا بشوفها
عزام: انا وين وانت وين
ضاري : بشوفها واذا تأكدت من اللي في بالي نقدر نحلها
عزام: وش اللي في بالك
ضاري : وريني اياها انت
عزام : تعال
راحوا و وقفوا بعيد وقال لعزام: وربي انها هاذي
عزام : وش فيك قول
ضاري سحب عزاام ورجعوا لمكانهم
عزام: وش فيك
ضاري : بما ان كل الاحتمالات مرفوضه فالاكيد ان مافيه الا هذا الاحتمال
عزام : اللي هو
ضاري : شوف تذكر قبل ثلاث ايام تعبت وارتفعت حرارتك جبتك هنا وعلى حزة الفجر كانت هاذي هي وصاحبتها ماسكين الشفت ودخلتك جوا ورحت اصلي وشكلها استغلت الفرصه لانها قالت بتنزل تيشيرتك عشان تنزل حرارتك
عزام ضرب راسه وهو يقول : الله يلعنها ويهديك وين عيونك كيف ماحسيت
ضاري: والله ماحسيت كان الوضع هادي وحزتها كنت دايخ نوم ولا دققت
عزام: اااااااااااه ي ربي وش نسوي الحين من وراء دوختك
ضاري : اسف بس ما عمرك قلت لي عنها عشان انتبه منها
عزام : الحين قلي وش اسوي وش ازين بنفسي
ضاري : والله مدري موضوعك صعب ي تتزوجها والا بتودع كل شي حبه حبه
عزام : يالله ساعدني ضاري ضروري نسرق جوالها ضروري
ضاري :مجنون انت والا مجنون تحسبها هبله هذا اول شي بتفكر انك بتسويه ومابتخليه ومالك الا تشتكي عليها
عزام فتح فمه بصدمه: ضاري الله يخليك انا ما امزح فتح عقلك شووي تكفى وش اشتكي عليها الصور ضدي مو معي اللي يشوفها يقول في فندق مو مستشفى وبيحطوني زاني وخذلك مصيبه جديده
ضاري : حسبي الله عليها وشلون زبطت معها بس ابي اعرف
عزام : ي رب ساعدني والله مصيبه
ضاري : اسمع تزوجها واذا مسحت الصور طلقها
عزام : يالله مرره بسيطه اكيد حاسبه حساب ذا الشي ومحتفظه بنسخ
ضاري: حاول تخليها تعترف وسجلها وهددها بالتسجيل تمسح كل شي غصب عليها
عزام : ليت كل شي بسيط
ضاري :وش بنسوي
عزام: مدري
جاء تركي : سلام شباب وش فيكم صاير معكم شي اشوفكم تحوسون
ضاري : حنا بخير ماعليك
تركي : لا لا مستحيل وجه عزام يقول فيه مصيبه
ضاري :هههه لا عادي هو وجهه كذا
عزام ابتسم بالغصب وهو واضح ان وراه مصيبه التفتوا لما سمعوا احد ينادي تركي وكان يزن: تركي ..