روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الرابع والعشرون

روايـــــــــــــة ✍🏼
{  كئيب الليل ياطفلة يغيب الكل لا غبتي }

ضاري ( ايه حبيته والله انك وصخ قال حبيته ما كأنك تراقبه وناشب له صرت حتى تطلع له بأحلامه ) : حبك ربك ومن ما يحب عزام
تركي ابتسم: من متى تعرف عزام باين علاقتكم كويسه تقربون لبعض
ضاري التفت له وابتسم : حنا اخوان دنيا ي تركي
تركي سكت وهو معجب بصداقتهم وتكلم بعد فتره : اسألك سؤال صريح
ضاري : قول
تركي : عندكم خبر عن البنت اللي عالجها عزام لكم علاقه فيها شي
ضاري التفت لتركي :انت ليش مصر على هالبنت وتسأل عنها كثير وضعك بدى يشككني فيك قلنا لك ما تعرف ي تركي
تركي : ولا شي اسأل لأن اخوها اقلقني
ضاري بنظرات حاده: اخوها ما قالك انه قابل عزام بالممشى وقاله انه ما سمع عنها شي
تركي سكت وقال : عالعموم الله يستر عليها
ضاري لف : امين
قام تركي :انا استئذن
ضاري :الله معك
راح تركي لما حس ان ضاري عصب وضاري اللي فعلا صار يكره تركي قام واتجه لطواري سمع احد يناديه :نعم
هاله: بسألك عن الدكتور عزام كيفه
ضاري : كويس
هاله: يعني ليش ماداوم
ضاري :شي مايخصك
راح ضاري اللي كان معصب وسحب على هاله اللي زاد حقدها
....

عند يزن راح لبيت عمه دخل وسلم على عمه
ابو تركي : وينك ي ابوي غاط علينا
يزن: ادور على نور ي عمي
ابو تركي نزل راسه:الله يهديها على اللي سوته مدري وش استفادت
يزن: الله يكون معها يرب كله بسبب ذا الشايب
ابو تركي شد على يد عزام : اترك الخلق للخالق
سكت بهدوء وبعدها قال: ابي اشوف سميه بتكلم معها شوي
ابو تركي وقف : ان شاء الله
راح ابو تركي ينادي سميه اللي نزلت وراحت ليزن : سلام عليكم يزن وقف : عليكم السلام هلا سميه كيفك
سميه :تمام وانت
يزن: مو بخير لكن كويس
جلست سميه وهي ما تدري شتقول نست كل شي سبقها يزن وقال :سميه قولي كل شي عندك مخاوفك ترددك السلبيات اللي انتي خايفها تكلمي بكل شي يا نتفق ي نفترق واللي بيصير يصير
سميه : يزن انا مدري كيف اتكلم معك بس من جد  خجلانه منك انا ما ارفضك عيب فيك لا بس انا انسانه ابي اكمل حياتي بطموح ابي اوصل لمناصب كبيره أطمح يكون لي اسم معروف انا اذا تزوجت مقدر اسوي اي شي من احلامي هاذي قناعه عندي
يزن : فاهم النقطه هاذي زين بس انا مابوقف بطريقك بدعمك اذا احتجتي دعم
سميه : يزن انت تبي زوجه تجلس معك تحاكيك تهتم فيك ترجع تحصلها تستقبلك تبي تعيش حياه مستقره انا مو كذا انا ماشوف اهلي عشان اذاكر وادرس واروح واحضر واجي راضي بهالحال والا لا ماعندي وقت لاي شي انت تبييه ي يزن
نزل راسه يزن وقال: وش الحل برايك
سميه : انت قلتها ي نتفق ي نفترق
يزن اخذ طرف شماغه وهو يمسح عيونه وقال : الوضع ذا لا انا اقبله ولا انتي تقبلينه لكن مافيه حل الا نفترق
غصت سميه بدموعها وقالت: الله يوفقك
قام يزن وهو مايبي لان ابوه هدده بأمه بس بيدور طريقه يتخلص فيها من ذا المشكله رفع راسه وهو يقول : بكره او بعده بتوصلك ورقتك وانا اسف
طلع وتركها تبكي ماكان ودها تخسره بس غصب عليها طلعت لغرفتها وهي تبكي تذكرت كلامه وان جدها بيزوجها واحد اردى من يزن بس قالت لا مابتزوج وكابرت على نفسها وخسرت يزن ... مرت يومين كئيبه كآبه محد يتخيلها في بيت عزام اللي ما داوم
من يومين ونفسيته زفت كان جالس بالحوش وبيده زقارته اللي من يومين ما فارقته كان يفكر وش يسوي مع طلال
اما طلال اللي محبوس من يومين ومايطلع ولا يدخل عليه احد الا اكله وام عزام ضايقه على حاله وتبكي بداخلها عليه وحور ضايقه من حالتهم اما نور اللي اختفى صوتها من بعد كل اللي صار وصارت طول الوقت بالغرفه وحتى اكلها اللي جابته من البقاله باقي بالثلاجه محد مسكه
كان عزام جالس وجنبه رعد وامه وحور والجو كئيب حس عزام بأحد واقف فوق راسه ورفع راسه: وش طلعك مو قلت مابي اشوفك وجهك ولا تطلع
طلال نزل بسرعه وهو يبوس راس عزام ويبكي : عزام انا اسف والله ماكان قصدي جروني عيال الحرام ماحسيت بنفسي انا اسف اوعدك ما اكررها عزام سامحني والله اسف ادري اني قليل ادب ولا احترمتك انا اسف الله يخليك سامحني
ام عزام وهي تبكي : عزام تكفى سامحه هذا هو اعتذر منك وبيستقيم ويتوب
طلال وهو يبوس يده : عزام انا اخوك تكفى سامحني بس انا كنت اشوف الحياه اللي برا ابي مثلها مارضيت وقبلت بحياتي انا اسف
عزام ماكان ناوي يسامحه لولا دموع امه : الكلاب اللي كنت تمشي معهم تنساهم طلعه من هالبييت مافيه شيلها من بالك سامعني من بكره تنزل تدور لك شغل يلمك وتصرف على نفسك منه
طلال :ابشر بس انت سامحني
ام عزام: عزام لا يصير قلبك قاسي
سكت عزام وبعدها قال: الله يسامحك
طلال: وانت
عزام ابتسم على خفيف وضمه : وانا مسامحك بس لا تعيدها لا تكسر ظهري من جديد ..