📖 روايـــــــــــــة ✍🏼
{ كئيب الليل ياطفلة يغيب الكل لا غبتي }
عزام حاول ياخذ نفس وقال لضاري كل شي
ضاري : لا ي رب وش ذا الحظ قلت لك انها في رقبتك افترض انها ما جات هنا
عزام : وش اسوي ي ضاري ساعدني
ضاري : مايبيلها روح انثبر عندها لين تصحى وبعدين خذها لبيتكم حرام عليك
تركه عزام اللي رجع ركض لنور اللي كانت فاقده للوعي.
جلس وهو يراقبها ( ملامحها البريئه تقول انها صادقه )
صد وهو يستغفر ربه ونادى الممرضه وقال اول ما تصحى ناديني وطلع يكمل شغله
...
عند يزن صحى من بدري وطلع وهو يكمل دوارته على اخته شاف الزحمه وقرب شاف ناس مجتمعين وشكله فيه هوشه
يزن فهم من كلامهم انهم يتهاوشون على شنطه دقق في الشنطه كأنه يعرفها بعد الناس وركض وسحب الشنطه قرى الاسم اللي محفور تحت كان نور (Nor) ماصدق فتح الشنطه وهو يدور اي شي شاف بطاقتها الاحوال وفلوس وملابسها وشوية اكل مسك الرجال من ثوبه بعد ما اخذ الشنطه : وينها نور وينها
مسكه احد الحاضرين : تعرفها
يزن : قول وينها
الرجال: قبل شوي صار عليها حادث وبقت شنطتها هنا وصاروا يتهاوشون على فلوسها
يزن: نعم وش صار لها وين راحت اي مستشفى
الرجال : مدري بس دور بالمستشفيات القريبه
رمى يزن الشنطه واخذ البطاقه وراح ركض لسيارته ركب واسرع باتجاه اقرب مستشفى ..
٠
٠
عند عزام نادته الممرضه تقول ان المريضه صحت دخل بعد مادخل الباب سمع صوتها تبكي
دخل : السلام عليكم
نور: تكفى دكت.... عزااام
عزام كان منزل راسه : الحمدلله على سلامتك ماتشوفين شر
نور: شتسوي هنا
عزام : انا طبيبك ي نور
نور: احنا بأي مستشفى
عزام : بمستشفى ال ..................
نور صرخت: لااااااا
عزام انفجع : شفيك يوجعك شي
نور بكت بأنهيار : لا ي عزام تكفى تكفى ساعدني واللي يخلي لك ولدك طلعني من هنا تكفى والله ما اجي بيتكم والله بس طلعني من هنا عزام
قامت بتنزل بس مسكها عزام : وين رايحه ي مجنونه وليش بتروحين من هنا
نور ما حست ومسكت يده وتبكي بطريقه تقطع القلب : تكفى عزام ولد عمي هنا لو حصلني بيرجعني لابوي ويزوجني ماجد الصايع تكفى الله يستر اختك تطلعني
عزام: بس انت تحتاجين رعايه
نور: الله يخليك طلعني تكفى عزااام عشان خاطر اهلك ساعدني
حن عليها عزام وضاق صدره : زين قومي هاذي هي عباتك لبسيها على ما اسجل خروجك على مسؤليتك وأوديك البيت وضعك مايسمح تظلين برا
نور بكت: الله يسعدك ويوفقك وينولك مرادك
عزام : نور استعجلي
راح عزام يسوي اوراق الخروج بأستعجال وجابها لنور وخلاها توقع وسلمهم الاوراق وخلا نور تطلع قبله ولحقها
عند نور كانت مغيره طريقه حجابها كانت واقفه تستنى عزام اللي جاء من بعيد بس صقع فيه يزن اللي يركض
يزن: اسف اسف
عزام قام :معليش
راح يزن يركض للاستقبال وراح عزام لنور اللي مسكته وهي تبكي : تكفى بسرعه
عزام : شفيك امشي عدل بلاش تسحبيني
نور وهي تشهق: اللي صقع. فيك تو اخوي اكيد عرف عني اركض ي عزام
مايدري عزام كيف طاوعها وركض وهم يتوجهون لسيارة ضاري وركبوا وطلعوا
....
اما يزن ركض للاستقبال وهو يمسح دموعه خايف على نور
يزن : لو سمحت دخل عندكم اسعاف قبل ساعتين تقريبا بنت عمرها ١٩ اسمها نور خالد الجابر حادث مرور
موظف الاستقبال : بذا الاسم ما وصل لنا احد
يزن: طيب يمكن حاله مجهوله من ساعتين
تركي : يزن شعندك هنا
يزن مسك تركي : نور صار عليها حادث وهذا اقرب مستشفى لمكان الحادث قلت احتمال جابوها هنا
تركي : وشوووووو نوووور
يزن بعبره: ايه
تركي : كيف عرفت
يزن: بعدين اقولك دورها لي
الموظف : دكتور تركي لي حاله مجهوله دخلت من ساعتين احتمال هي مريضتكم
اخذوا رقم غرفتها وركضوا لها فتحوا الباب ماحصلوا احد رجعوا للاستقبال
تركي : يونس المريضه مو بغرفتها عندها اي اشعات تحاليل فحوصات اي شي
يونس: لا في الاصل هي سوت خروج على مسؤليتها
يززن: اييييييش
تركي : من الطبيب
يونس : عزام ال ...
يزن: حالتها كيف
بلغهم يونس بحالتها وركضوا يدورون على عزام ..
أنت تقرأ
روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة
Fanficََرواية مميزة وأحداثها جديدة .. في أحد الأيام يجمع الجد أولاده وأحفاده ليقرر مصير كل فرد من أحفاده ليجبرهم على الزواج ولكن بطلتنا جاء نصيبها ابن عمها انسان ليس له هدف في الحياة لا يخاف الله فتقرر ليلة ملكتها الهرب بعد ضرب والدها لها ورفض جدها العدول...
