အနက်ရောင် ကောင်းကင်
🌸pann
Part (1)
ရိုးမယ် လှေကားထစ်တစ်ထစ်ချင်းစီတိုင်းကို ပေါ့ပါးသွက်လက်မှု မရှိတဲ့ခြေလှမ်းတွေနဲ့ တစ်လှမ်းချင်း တက်လာခဲ့မိသည်.. ။
ရိုးမယ်က ခေါင်းလည်းမော်ကြည့်နေခြင်း အလျဉ်းမရှိဘဲ အမြဲ ခေါင်းငိုက်စိုက်အနေထားနဲ့.. သွားလာနေတတ်သူ ပီပီ အခုလည်း ခေါင်းငိုက်စိုက်အနေထားနဲ့ပဲ ဖိနပ်ကို ရှပ်တိုက်ကာ လမ်းလျှောက်နေတာ.. ။
ရိုးမယ် နေတဲ့တိုက်ခန်းအထပ်ဆီ ရောက်တော့ ကိုယ့်အခန်းတံခါးဝကိုယ်စီမှာ ခေါင်းပြူ တစ်ပြူ တစ်တွေနဲ့ .. စူးစမ်းစပ်စုလိုမှုအပြည့်အိုင်လျှံနေတဲ့ မျက်လုံးတွေက ရိုးမယ်တို့အခန်းမှာ စိတ်ဝင်တစား.. ထင်ထင်ရှားရှား ကြည့်နေတဲ့သူကကြည့်.. မသိမသာလေးနဲ့ ချောင်းကြည့်လို့ချောင်းကြည့် ၊ အခန်းဝရှေ့လည်း သို့လောသို့လောနဲ့ ယောင်ခြောက်ဆယ်လုပ်နေကြတဲ့သူကလုပ်နဲ့..
ဒီမြင်ကွင်းကြီးကို စိတ်ညစ်ညူ းစွာနဲ့ ရိုးမယ်အကုန်စိုက်ကြည့်ငေးနေလိုက်သည်.. ။
ဒီလိုနေ့ရက်တွေကို စိတ်ကုန်နေပေမယ့် အမြဲရောက်ရောက်လာတတ်ပြန်တာပဲလေ.. ရိုးမယ်အတွက် အနေထားအခြေနေတွေက ရိုးအီနေပေမယ့် အမြဲစိတ်ညစ်ညူ းနေရတာ အမြဲကြုံဆုံတွေ့မြင် နေရပေမယ့် အခုထိ ကျင့်သားမရသေးတာလည်း ရိုးမယ်ဘွဲ့ဆိုတဲ့ ကျွန်မသာ.. ။
" ဟူး... "
ရိုးမယ် တိတ်တခိုးလေး သက်ပြင်းမောလေး ခိုးချကာ အားလုံးကို မျက်ကွယ်ပြုရင်း ရိုးမယ်နေတဲ့ တိုက်ခန်းရှေ့ဆီ တစ်လှမ်းချင်း တိုးကပ်လာလိုက်သည်.. ။
" ချွမ်.. ဒုန်း ဒုန်း ခလွမ်း ခလွမ်း.. "
ရိုးမယ် တံခါးဘုလေးလှည့်ပြီး တံခါးဟနေတုန်းရှိသေး ကျယ်လောင်နေတဲ့ အသံမျိုးစုံကြားနေရသည်..
ပန်းကန်အိုးခွက်တွေ သောင်းပြန်းလှန်လှောခွဲနေတဲ့ အသံတွေကြားရတာက ဘယ်လောက် ပြင်းထန်နေကြလဲ တွေးကြည့်နေစရာတောင် မလို.. ။
ပြီးတော့ လှိုက်ထွက်လာတဲ့ အော်ဟစ်ဆဲဆိုနေကြတဲ့ စကားလုံးတွေက နားထဲအပြည့်ပြေးဝင်လာတာက ကြမ်းတမ်းရမ်းတမ်းစွာ.. ။
YOU ARE READING
အနက်ရောင် ကောင်းကင် (Unicode)
Romance" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
