အနက်ရောင် ကောင်းကင်
🌸pann
Part (51)
ရိုးမယ် စာသာသင်နေရတယ်.. စိတ်ကတော့ နာရီဆီမှာအပြည့် ရောက်နေတာ ။
ဒီနေ့ ကြီးကြီးက သာသနာ့ဘောင်ထဲအပြီးဝင်မယ့်နေ့.. ။
ရိုးမယ်ကမဝင်ပါနဲ့အုံး..ရိုးမယ်တို့နဲ့အတူတူနေပါလို့တောင်းပန်လည်းမရ ။
" ကြီးကြီး ဝတ်ချင်နေတာ ကြာပြီ.. သမီးအမေထွက်သွားကတည်းက ကြီးကြီးသာသနာ့ဘောင်ထဲအပြီးဝင်လိုက်ချင်ခဲ့တာ.. သမီးရှိနေလို့သာဒီနေ့ထိ မဝတ်ဖြစ်နေတာ သမီးလည်းအိမ်ထောင်နဲ့ဖြစ်သွားပြီ ကြီးကြီးစိတ်မချစရာနောက်ဆံတင်းစရာတွေလည်း မရှိတော့ဘူး.. အာ့ကြောင့် ကြီးကြီးကို မတားပါနဲ့ သမီးရယ် "
" ရိုးမယ် အိမ်ထောင်ကျလည်း ဒီအိမ်လေးမှာပဲနေဖို့လုပ်ထားတာ.. ကောင်းရန်နိုင်ရှင်းကိုဒီအိမ်မှာလာနေဖို့ ပြောကြည့်ဖို့ထိရိုးမယ်စဉ်းစားထားတာ "
" ဒီမှာတော့ မနေနေပါနဲ့သမီးရယ်.. မောင်စည်သူနိုင်တို့အိမ်ကိုပဲလိုက်နေ လူကြီးမိဘလည်းရှိတော့ ပိုကောင်းတာပေါ့.. ဒီအိမ်လေးကိုသံယောဇဉ်မဖြတ်နိုင်ရင်လည်း တစ်ခါတလေ တော့လာလည်ပြီးနေလည်းဖြစ်တာပဲ .. "
ရိုးမယ်နဲ့ကြီးကြီး လက်မထက်ခင်တစ်ရက်အလိုထိ ဒီအကြောင်းပဲဆွေးနွေးဖြစ်ခဲ့တာ.. ။
နောက်ဆုံး ပြောမရတဲ့အဆုံးတော့ရိုးမယ်ပဲလက်လျှော့ပေးခဲ့ရတယ်.. ။
ရိုးမယ်လက်ထပ်ပြီးတစ်ရက်နှစ်ရက်နေပါအုံး..လို့ပြောထားတာကို နည်းနည်းတော့ စောင့်အုံးပေါ့ ။
ခုတော့ မနေ့ကပဲလက်ထပ်ပြီးတယ်.. ဒီနေ့မနက်ဆယ်နာရီလောက် သွားတော့မယ် တဲ့ ။
ဒီသတင်းကို ကျောင်းရောက်မှသိရတဲ့ရိုးမယ်အဖြစ်.. ။
ကောင်းရန်နိုင်ရှင်း က သူကျူ တိုရှိနေသေးလို့ဖြေပြီးတာနဲ့ ရိုးမယ်ကိုလာခေါ်ပါ့မယ်လို့ ပြောထားတာမို့စောင့်နေရတာ.. ။
အချိန်ကရွေ့နေတာမို့ သိပ်တော့ မစောင့်ချင်နေတော့ဘူး.. ။
" ခဏနော်.. ဖုန်းပြောလိုက်အုံးမယ် "
ဆရာမက ဖုန်းလာလို့ အပြင်ခဏထွက်သွားသည်.. ။
ESTÁS LEYENDO
အနက်ရောင် ကောင်းကင် (Unicode)
Romance" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
