အနက်ရောင် ကောင်းကင်
🌸pann
Part (30)
" မေ.. သမီး ကျူ ရှင်သွားတော့မယ်နော် "
သဉ္ဇာမိုးဇော် အိမ်နောက်ဖေးမှာ အဝတ်လျှော်နေတဲ့အမေ့ကိုလှမ်းအော်ပြောလိုက်သည်.. ။
" သွားတော့မလို့လား.. ဘယ်အချိန်တောင်ရှိနေပြီလဲ "
" ဆယ်နာရီထိုးဖို့ ဆယ့်ငါးမိနစ်လိုသေးတယ်.."
" ဪ အေအေး.. အချိန်တောင်နီးနေပြီပဲ သွားတော့ သွား "
" ဟုတ်ကဲ့.. "
သဉ္ဇာမိုးဇော် လွယ်အိတ်ကြိုးလေးကိုင်ကာ အိမ်ကနေပေါ့ပေါ့ပါးပါးလေး ထွက်လာခဲ့လိုက်သည်.. ။
ကျူ ရှင်လမ်းအချိုးကွေ့လေးအရောက်မှာ..
" အေမ့.. "
ကိုယ်ကို ဆွဲမြှောက်ပင့်ချီခံလိုက်ရတော့ လန့်သွားမိသည်.. ။
" ဟင် အေးမင်း.. နင်ဘာလုပ်တာလဲ "
မေးလည်းမေးရင်း သူ့လက်ထဲကနေ ကိုယ်ကိုရုန်းထွက်နေမိသည်.. ။
သူကလည်း အလျှော့မပေးဘဲ ပွေ့ချီဖက်ထားတာ.. ။
" ငါနင့်ကို ခိုးပြေးမလို့လေ.. "
" ဘာ.. "
မျက်နှာကြောတင်းတင်းနဲ့ လူကို အတင်းပွေ့ချီဖက်ထားတာ.. ။
သူကတကယ်ကို ပွေ့ချီခေါ်နေတော့လူကလန့်သထက်ပိုလန့်လာမိသည်.. ။
" အေးမင်း.. နင်လွှတ်စမ်း ဘုတ် ဘုတ် "
အေးမင်းကို အတင်းထုရိုက်ကာ လွှတ်ချခိုင်းရသည်.. ။
" ကျွတ်.. "
အေးမင်းက သဉ္ဇာ့ကိုချပေးတော့ အားသွန်ခွန်စိုက် ပြေးဖို့ခြေလှမ်းလိုက်ပေမယ့် လက်ကနေကိုင်မြှောက်ကာ ပခုံးမှာဇောက်ထိုးထမ်းခံလိုက်ရတယ်.. ။
" အေးမင်း နင်လွှတ်စမ်း.. "
အသံတွေအော်ပြောနေပေမယ့် ရောက်နေတဲ့နေရာက လူပြတ်တယ်.. ။
ဒါတွေ ဆက်စပ်တွေးမိပြီးပိုပြီးထိတ်လန့်ကြောက်မိလာသည် ။
ဟင့်အင်း.. မဖြစ်ဘူး ။
လူတစ်ယောက်စ နှစ်ယောက်စ ကြားကောင်းကြားနိုင်ပါရဲ့.. ။
STAI LEGGENDO
အနက်ရောင် ကောင်းကင် (Unicode)
Storie d'amore" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
