အနက်ရောင် ကောင်းကင်
🌸pann
Part (14)
" ကျွတ်... "
မကြည်ပါ.. မကြည်တော့ပါ ။
ကိုယ်အိမ်မှာမရှိတဲ့ နှစ်နှစ်ဆိုတဲ့အတောအတွင်းထဲမှာ ရိုးမယ်ဘွဲ့နဲ့ အဖေ ခင်ခင်မင်မင် ဆက်ဆံနေကြပြီ.. နေရာတကာမှာ ရိုးမယ်ဘွဲ့ ပဲပါနေတာ ။
အဖေအလုပ်သွားရင် အလုပ်သွားဖို့ပြင်ဆင်ပေးတာကလည်း သူ.. ပြန်ရောက်လာရင် အပြုံးတွေနဲ့ရေခပ်တိုက်ရတာနဲ့ ထမင်းခူးခပ်ကျွေးရတာနဲ့ မျက်စမွှေးကိုစူးလာပြီ ။
စိတ်ထဲအမြင်မကျနေတာက ပိုပိုပြီးဒီရေနှုန်းတွေအလျင်တွေနဲ့ တက်နေတာ ပြန်ကျဖို့လမ်းတော့မမြင်သေး..
စိတ်ထဲမှာ မေးခွန်းတွေ အရမ်းများလာတဲ့အခါ မနေနိုင်တော့ဘဲ ပွင့်ပေါက်ထွက်ချင်လာတဲ့အခါ အမေ့ဆီ အပြေးသွားမိသည်.. ။
" အေမ.. "
အမေက ဧည့်ခန်းကခုံမှာ ခြေတုတ်ထိုင်ရင်း စာဖတ်နေတာမြင်တော့ လှမ်းခေါ်မိသည်..
" ဪ သား.. လာလေ "
ကောင်းရန်နိုင်ရှင်း အမေ့ဆီ ကပ်သွားလိုက်သည်..
" သား.. အပြင်မထွက်ဘူးလား ဒီနေ့ "
" ဒီနေ့ စိတ်မပါလို့ မထွက်တော့ဘူး.. သား အမေ့ကို မေးစရာရှိလို့ "
" အင်.. ဘာများလဲ မေးစရာရှိတာသာမေး ဘာတွေများသိချင်နေရတာလဲ "
" ဟို.. ရိုးမယ်ဘွဲ့ကို ဒီလိုပဲအိမ်မှာ ဆက်ထားနေအုံးမှာလား "
" ဟင်.. ဘယ်လို သား "
ဒေါ်ကောင်းမျိုးမြင့် သားရဲ့အမေးစကားကြောင့် သားကို တစ်ချက် စူးစိုက်ကြည့်မိသည်..
" ရိုးမယ်ဘွဲ့ကို သူ့အမေဆီပြန်ပို့လိုက်ပါလား.."
အင်.. သားက ပြောလာပြီ ရိုးမယ်ဘွဲ့ကိုပြန်ပို့လိုက်ပါလားတဲ့ ။
အဲ့ဒီ့အမေးစကားကို ကိုယ်ကိုယ်တိုင်ကလည်း သိချင်သည်.. ရိုးမယ်ဘွဲ့ကို သူ့အမေဆီဘယ်တော့ပြန်ပို့ဖို့ အိမ်ကယောကျာ်းက စဉ်းစားထားလည်းမသိ ။
YOU ARE READING
အနက်ရောင် ကောင်းကင် (Unicode)
Romance" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
