အနက်ရောင် ကောင်းကင်
🌸pann
Part (8)
" အာ...အီး အီး "
ရိုးမယ် အရမ်းအေးနေလို့ ကုတင်ပေါ်မှာ တောင်လှည့်မြောက်လှည့် လုပ်နေမိတာ ဘယ်နှကြိမ်မြောက်ရှိနေပြီမှန်း မပြောတတ်တော့ပါ.. ။
စောင်နဲ့ခေါင်းအုံး ပြန်မရသေးတော့ ရိုးမယ်မှာရှိတဲ့ အနွေးထည် ဝတ်ထားရသည်.. ဒါလည်း အခန်းထဲမှာရှိတဲ့ အအေးဓာတ်ကို မကျော်နိုင် ။
အတော်အေးလွန်းနေလွန်းလို့ လူလည်း ပုဇွန်တုပ်သဖွယ်ကွေးထားမိသည်.. အခန်းတံခါးလည်း မဖွင့်ထားမိပါဘဲနဲ့ ဘာလို့အေးနေမှန်းမသိ ။
ရိုးမယ်တို့အိမ်မှာဆို အခုလို တစ်ခါမှမအေးပါဘဲနဲ့ အခုတော့ ဒီအခန်းကအရမ်းအေးလွန်းတယ်.. ဘေးမှာ ကြီးကြီးရှိရင် သိပ်ကောင်းမှာ ။
ကြီးကြီးနဲ့အတူ အိပ်ရင် ကြီးကြီးနားကပ်ပြီးအနွေးဓာတ် ယူလို့ရအုံးမယ်.. အရမ်းလွမ်းတာပဲ ကြီးကြီးရယ် ။
အစောအိပ်တတ်တဲ့ ရိုးမယ် အစောအိပ်ယာဝင်ခဲ့ပေမယ့် အခုထိတစ်ရေးမှမအိပ်နိုင်သေး..
အအေးဓာတ်ကို အံတုနေရင်း အိပ်မပျော်နိုင်ရတဲ့ကြားထဲ ညဉ့်သန်းခေါင်အချိန်ရောက်ပြီဆိုရင် မျက်လုံးက အလိုလို ပြူ းကျယ်ကာ နိုးတတ်တဲ့ အကျင့်ရှိနေတော့... ။
ရိုးမယ် ကုတင်မှ ကိုယ်လေးကိုကျုံ့ထားရင်း ဆင်းကာ ပြတင်းပေါက်နားတိုးသွားမိသည်..
ပြတင်းပေါက် နားတိုးသွားတိုင်း ကားတစ်စီးမဟုတ်တစ်စီးထဲကနေ ဆင်းလာတတ်တဲ့ အမေ့ကို တွေ့ရတတ်ပေမယ့်.. အခုဒီမှာတော့ အဲ့လိုမတွေ့ရပါ ။
ပြတင်းပေါက်နားတိုးကပ်ပြီးရပ်လည်း တိတ်ဆိတ်နေတဲ့ အရာတွေကပဲ ရှိနေလျက်..
' အမေ.. ရိုးမယ်ကို ဘယ်တော့လာခေါ်မှာလဲ '
ရိုးမယ် စိတ်ထဲကနေ တီးတိုးလေး အမေးစကားထုတ်မိသည်.. ။
အမေ.. ရိုးမယ်ကို လာခေါ်ပါအုံးမလား ။
ရိုးမယ်ကို လိုက်သွားရမယ်လို့ပဲ အမေက ပြောခဲ့တာ.. ဘယ်တော့လောက် ပြန်လာခေါ်ပါ့မယ်လို့ အမေမပြောခဲ့ ။
YOU ARE READING
အနက်ရောင် ကောင်းကင် (Unicode)
Romance" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
