အနက်ရောင် ကောင်းကင်
🌸pann
Part (42)
ရိုးမယ် ရှေ့နေရဲ့လိပ်စာကတ်လေးကို ကြည့်နေတာ ဘယ်အချိန်လောက်ရှိနေပြီမှန်းမသိတော့..။
စာတောင်မကြည့်ဖြစ်သေးပါ.. ကောင်းရန်နိုင်ရှင်း ရိုးမယ်ကိုလာကြိုတဲ့ချိန်ကတည်းက အခန်းထဲ အောင်းနေခဲ့တာ ။
စိတ်တွေလည်း မတည်ငြိမ်နေ.. အမေ့ဆီကိုပဲစိတ်ရောက်နေတာ ။
ရိုးမယ်အတွက် အမေလိုလေသေးမရှိ ပြင်ဆင်ပေးခဲ့တာ.. မျက်လုံးမှိတ်သွားတာတောင် ရိုးမယ်အတွက်ပဲ အမေ လုပ်ပေးခဲ့တာ ။
ဒါတောင် အမေ့ကို ရိုးမယ် တလွဲအမြင် တလွဲအကြည့်နဲ့ကြည့်မြင်ခဲ့မိသေးတာ.. အမေ့အပေါ် ကို ရိုးမယ် မထားသင့်တဲ့စိတ် ထားခဲ့သေးတာ ။
ရိုးမယ်.. ရိုးမယ် တောင်းပန်ပါတယ် အမေရယ်။
နောက်ဘဝကျ အမေ့သမီးအဖြစ် ရိုးမယ်နေခွင့်ရပါရစေ.. အမေ့သမီးအဖြစ် ရိုးမယ်ကိုလက်ခံပေးပါနော် ။
သမီးတစ်လှည့် အမေ့ကို လုပ်ကျွေးပြုစုစောင့်ရှောက်ပါရစေ..
.
ကောင်းရန်နိုင်ရှင်း အခန်းထဲဝင်ပြီး စိတ်ကို ချုပ်တည်းနေရသည်.. ။
ဒီနေ့စာမေးပွဲဖြေပြီးတာနဲ့ သူငယ်ချင်း တွေနဲ့တောင်အဖြေမတိုက်နိုင်ဘဲ တန်းထွက်လာခဲ့တာ.. ရိုးမယ်ဘွဲ့ ကို အမြန်ကြိုချင်ခဲ့တာ ။
ရောက်တော့ အရင်နေ့တွေလို ကျောင်းပေါက်ဝမှာစောင့်ရပ်မနေတော့ မပြီးသေးဘူး အောင့်မေ့ပြီး ကားထဲမှာပဲထိုင်စောင့်နေခဲ့တာ.. ။
ကားထဲမှာထိုင်နေရင်း မျက်လုံး ကစားပြီးလျှောက်ကြည့်တော့ မြင်နေရတဲ့အရိပ်လေးက တော်တော် ရင်းနှီးပါတယ်တွေးနေတာ.. ။
သေချာ စိုက်ကြည့်တော့ ရိုးမယ်ဘွဲ့.. သူနဲ့အတူထိုင်နေတဲ့ ကောင်တစ်ယောက် လည်းရှိသေးတယ် ။
ဘယ်ချိန်ကတည်းက သိလို့ ဆိုင်တောင်အတူထိုင်နိုင်တဲ့အဆင့်ရောက်သွားရတာလဲ.. ကိုယ် သူ့ဘေးနား မရှိလိုက်နဲ့ အချိန်ပိုင်းခြားလေးသူ့ဘေးကိုယ်မရှိရင် ကောင်တစ်ကောင် အမြဲသူနဲ့တွဲတွေ့နေရတယ်.. ။
DU LIEST GERADE
အနက်ရောင် ကောင်းကင် (Unicode)
Romantik" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
