အနက်ရောင် ကောင်းကင်
🌸pann
Part (46)
ကောင်းရန်နိုင်ရှင်း ကုတင်မှာ လူးလိမ့်နေမိတာ အကြိမ်ကြိမ်အခါခါ.. ငြိမ်သက်ပြီးတည်တည်လေးနေဖို့ စိတ်ကခွင့်မပြု ။
ရိုးမယ်ဘွဲ့ကို မနက်က သွားတောင်းရမ်းတာ.. သီတာဒေဝီထိပ်ထားက ခေါင်းချည်းခါလွှတ်နေတော့ ဒီကကောင်ရင်မှာအပူမီးတောက်လောင်နေတာ.. အခုမှ မျောက်မီးခဲကိုင်သလို ဖြစ်နေပြီ ။
ဒီကကောင် ချစ်ပါတယ် လို့ ရင်ဖွင့်တာတောင် မယုံနိုင်ပါဘူးတဲ့ မရွှေချောက.. ။
ရေမရှိတဲ့ကန်မှာ နှာခေါင်းဖော် သေပစ်လိုက်ချင်တော့တယ်..
ကိုယ့်အပူနဲ့ကိုယ် လောင်မြိုက်နေပါတယ်ဆိုမှ ဖုန်းကောလ်ကဝင်လာသည်.. ။
တောက်.. ကိုယ့်ဘာသာကိုယ်တောင် အေးဆေးမဆွေးရဘူး ။
စိတ်ထဲကနေကြိတ်ဆဲပြီး ဖုန်းယူကြည့်တော့ ဘယ်သာသနာဖျက်လည်းအောက်မေ့တယ်.. သုခဆိုတဲ့ကောင် ။
နာမည်ကသာ သုခ.. ကိုယ့်အတွက် တော့ အခုချိန် ဒုက္ခ လို့ပဲမြင်သည်
" ပြော.. "
စိတ်ကညစ်ထွေးနောက်ကျိနေတာမို့ စကားကောင်း မထွက် ။
" ဟ.. ဘယ်လိုဖြစ်လို့ လေစိမ်းဇွတ်တိုက်နေတာလဲ "
" သုခ ငါ့ကိုအရစ်ရှည်တဲ့စကားပြောနေမယ်ဆို ငါအချိန်မပေးနိုင်ဘူး.. ပြောစရာရှိတာဒဲ့ပဲပြော "
" အံမယ်.. လေသံကိုက မကြည်ဓာတ်အပြည့်ပါနေတယ် "
" ကျွတ် ရှည်ဆိုကွာ.. မင်း ပြောစရာ မရှိရင် ငါဖုန်းချလိုက်တော့မယ် "
စိတ်ကတစ်ဆစ်မပြောနဲ့ တစ်မီလီမီတာလောက်တောင် မရှည်ချင်နေပါ.. ဒါကို မိကျောင်းသားကလာလာကလိနေတာ ။
" ဟ.. နေပါအုံးကွာ မင်းကလည်း အခုငါနဲ့အတူ မွန်မြတ်နဲ့အလတ်ပါရှိနေတယ် မင်းထွက်လာခဲ့လိုက် "
" ငါ မလာတော့ဘူး.. မင်းတို့ဘာသာပဲ လည်ကြ"
" မင်းက အိမ်မှာပဲ ခွေလိမ်နေမလို့လား ဒါမှမဟုတ် မင်းမဟေသီဆီ သွားဖို့ကြံထားလို့လား "
CZYTASZ
အနက်ရောင် ကောင်းကင် (Unicode)
Romans" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
