အနက်ရောင် ကောင်းကင်
🌸pann
Part (10)
ရိုးမယ် အဖျားတွေ ပိုတက်လာရသည်.. ဆရာဝန်က ဆေးတွေနဲ့အားရှိအောင် အထောက်ပံ့ပေးပေမယ့် ရိုးမယ်အခြေနေက ပိုဆိုးခဲ့တာက ညကအမေနဲ့စကားပြောပြီး ကတည်းက ပိုဆိုးခဲ့တာ.. ။
စိတ်ထောင်းလို့ကိုယ်ကျေ ပြီး အဖျားရှိန်တွေတက် ခေါင်းတွေ အရမ်းထိုးကိုက်ကာ မလှုပ်ချင်မကိုင်ချင်ဖြစ်ပြီး အိပ်ရာထဲကနေမထနိုင်တဲ့ ထိဖြစ်ခဲ့ရသည်..
အခုမနက်ထိ ခေါင်းတောင်မဖော်နိုင်သေး.. မနေ့ကထက်ကို ပိုပြီးအားအင်နုံးချိနေခဲ့ရပြီ ။
" ကလေးမ ကလေးမ.. "
ပခုံးကို အသာလှုပ်ကိုင်ပြီး နှိုးနေတဲ့အသံသဲ့သဲ့လေး ကြားရတော့ ရိုးမယ်အားယူပြီးမျက်လုံးဖွင့်ကြည့်မိသည်.. ။
" ဆရာရောက်နေပြီ.. ဆေးသွင်းမလို့တဲ့ "
" ဟင့် အင်း.. ရိုးမယ် မသွင်းချင်ဘူး "
အသံလေး တိမ်တိမ်နဲ့ခေါင်းကိုဖွဖွရမ်းခါနေတဲ့ ရိုးမယ်ကြည့်ပြီး ဘေးကလူတွေတောင် အားအင်ပြတ်သလိုခံစားနေရပြီ.. ။
" သမီး.. ဆေးမသွင်းလို့မရဘူး ဆေးပုလင်းချိတ်မှရတော့မယ် သမီးကျောင်းစာမေးပွဲလည်း သဘက်ခါဆို ရောက်ပြီလေ နေကောင်းမှရမှာပေါ့ "
စိုးတင့် ကုတင်မှာ နွဲ့နွဲ့လေးလှဲအိပ်နေတဲ့ ကလေးမကို ကြည့်ပြီး စိတ်မချမ်းသာစွာတီးတိုးပြောရသည်..
" နေကောင်းမှရမှာပေါ့.. သမီးစာတွေလည်း ပြန်ကျက်ရအုံးမယ်လေ မဟုတ်ဘူးလား "
ဒီလိုပြောတော့လည်း ဟုတ်နေပြန်တာမို့ ရိုးမယ်အသာငြိမ်လိုက်ရပြန်သည်.. ။
ဒါပေမယ့် ရိုးမယ် အတွက် စာမေးပွဲဆိုတာက အရေးပါတော့သည်လား.. အားလုံးရဲ့အပယ်ခံဖြစ်နေတဲ့ ရိုးမယ်အတွက် နေရာလည်းမရှိဘူး သွားစရာလည်းမရှိဘူး လာလမ်းလည်းမရှိဘူး..
ရိုးမယ်အတွက် စာမေးပွဲ ဆိုတဲ့အရာကလိုနေသေးသည်လား.. ။
" ဆေးပုလင်းချိတ်ပေးမယ်နော်.. "
ВЫ ЧИТАЕТЕ
အနက်ရောင် ကောင်းကင် (Unicode)
Любовные романы" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
