အနက်ရောင် ကောင်းကင်
🌸pann
Part (28)
ဦးလေးနဲ့ဒေါ်ကြီးက အမေ့စျာပနပွဲအတွက် လိုအပ်တာတွေ ပြင်ဆင်လုပ်နေကြပြီ.. ။
ဘေးပတ်ဝန်းကျင်အသိတွေကို ဖိတ်ဖို့ဖိတ်စာကို ဦးလေးကပဲသွားရိုက်ပေးသည် ။
ဒေါ်ကြီးကတော့ ရပ်ကွက်လူကြီးတွေနဲ့ဘေးတိုက်ခန်း သားချင်းတွေကိုလိုက်ပြီးအသိပေးဖို့ထွက်သွားသည်.. ။
ရိုးမယ်ကတော့ အမေ့ရဲ့ဘေးနားမှာ ကျောက်ရုပ်လေးအတိုင်း ထိုင်နေတာ.. အမေတကယ်သေသွားပြီဆိုတာ ရိုးမယ်လက်မခံနိုင်သေး ။
အမေနေမကောင်းဘူးဆိုတာ သာမန်ဖျားနာရုံလောက်ပဲထင်ထားခဲ့တာ.. အခုလို အခြေနေဆိုးမယ်လို့မထင်ထားခဲ့ဘူး ။
ဒီလိုမှန်းသိရင် အမေ ရိုးမယ်ကိုတွေ့ချင်တယ်လို့ ပြောကတည်းက ရိုးမယ်လာတွေ့ခဲ့မှာပေါ့..
အခုတော့ ရိုးမယ်အမေ့ရဲ့နောက်ဆုံး မျက်လုံးမှိတ်ချိန်လေးတောင် မမှီခဲ့ရဘူး.. ရိုးမယ်အမေဆုံးပြီကြားတော့ ရိုးမယ်ခြေလက်တွေရိုက်ချိုးခံလိုက်ရသလိုပင် ။
အမေမရှိ အမေမသိ ဆွေချင်းသားချင်းဆိုတာလည်းကင်းမဲ့.. လောကကြီးအလယ်မှာ ရိုးမယ်တစ်ကောင်ကြွက်ဂုဏ်ပုဒ်ကို ထပ်ဆွတ်ခူးနိုင်ခဲ့ပြန်ပြီ ။
သွားပြီ.. အခုကစ ရိုးမယ်မှာဘာဆိုဘာမှမရှိတော့ပါ ရိုးမယ်တစ်ယောက်ထဲ ဘယ်လိုဆက်နေသွားရတော့မှာလဲ ။
ဘယ်လိုခွန်အားမျိုးနဲ့ အားတင်းထားနိုင်အုံးမှာလဲ..။
" မယ်.. ကံကိုမယုံနဲ့ ယောကျာ်းတွေကိုမယုံနဲ့ "
အဟွန့်.. အမေပြောတဲ့လက်ဆောင်နှစ်ခုလုံးကို ရမယ့်ရတော့လည်း တစ်ပြိုင်နက်တည်းပဲလား ။
အခုလိုအမေ ရုတ်တရက် သေမယ်လို့ရိုးမယ်မထင်ထားခဲ့ဘူး.. ဟန်နေကိုလည်း အဆုံးမဲ့ယုံမိခဲ့သေးတာ ။
အမေကဒါတွေကိုကြို မြင်နေခဲ့တာလား..
ဒါတွေ ကြို မြင်နေခဲ့လို့ လွန်ခဲ့တဲ့ ခုနစ်နှစ် ရှစ်နှစ်ကတည်းက ရိုးမယ်ကိုလက်ဆောင်အဖြစ်ပေးတာပေါ့.. ။
CZYTASZ
အနက်ရောင် ကောင်းကင် (Unicode)
Romans" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
