Unicode
ညနေကျောင်းဆင်းတော့တံခွန်လေးကိုပိုက်ကာမြို့ထဲပတ်ပြီးမုန့်မျိုးစုံကိုလျှောက်စားပစ်ပြီးမှအိမ်ပြန်လာသည်။အမေနဲ့အဖေကတော့အခုညနေတွင်ခရီးသွားမှာဖြစ်တာကြောင့်အိမ်မှာသူနဲ့ဒုတိယဇာတ်လိုက်သာရှိတော့သည်။
ဗိုက်ပြည့်နေတာကြောင့်အစေခံတွေကိုညစာမစားတော့ဘူးဟုပြောကာအပေါ်ထပ်ကကိုယ်ပိုင်အိပ်ခန်းထဲသို့သာလျှောက်လာသည်။ ရေမိုးချိုးပြီးအဝတ်အစားလဲကာတံခွန်အလုံးလေးနဲ့ထိုင်ဆော့နေသည်။
မိုးချုပ်တော့ ဇေကမ္ဘာ အလုပ်ကပြန်လာသည်။အပေါ်ထပ်ကိုတက်လာရင်း ကောင်လေးအခန်းဘက်တစ်ချက်ကြည့်ပြီးသူ့အခန်းထဲသို့ဝင်ကာရေမိုးချိုးအဝတ်အစားလဲသည်။
ညစာစားဖို့အောက်သို့ဆင်းလာတော့ထမင်းစားပွဲမှာ ကောင်လေးကိုမတွေ့သဖြင့် ဇေကမ္ဘာမျက်မှောင်ကြုပ်လိုက်မိသည်။
"ဇွဲရော ညစာစားပြီးပြီလား? ဘာလို့ဆင်းမလာတာလဲ?"
"ဟို... အကိုလေးကညစာဆင်းမစားတော့ဘူးလို့ပြောထားပါတယ်"
"ဘယ်လို! နေမကောင်းလို့လား?"
"အဲ့ဒါတော့ကျွန်မလည်းမသိပါဘူးရှင့် အကိုလေးအိမ်ပြန်ရောက်တည်းကသူ့ဖို့ညစာမပြင်နဲ့လို့မှာခဲ့တာပါ.."
'ကျစ်! ဒီကလေးကတော့ ကိုယ့်ကိုကိုယ်ဘယ်လိုဂရုစိုက်ရမှန်းမသိဘူးဘဲ'
ပြင်ထားတဲ့ဟင်းပွဲတွေကို ဖယ်ခိုင်းလိုက်ပြီး
ကောင်လေးသောက်ဖို့အတွက်နွားနို့ကိုအိုးထဲထည့်ကာကျိုနေလိုက်သည်။အနေတော်ရတော့မှဖန်ခွက်ထဲထည့်ကာကောင်လေးအခန်းသို့သွားပြီးအခန်းတံခါးခေါက်လိုက်သည်။ခနအကြာမှာတော့တံခါးပွင့်လာပြီးအနက်ရောင်အဆင်းများပါတဲ့ညဝတ်အင်္ကျီကိုဝတ်ထားကာကြောင်လေးတစ်ကောင်ကိုပိုက်ပြီးရပ်နေတဲ့ကလေးလေးကိုတွေ့ရသည်။
ခရမ်းရောင်ဆံနွယ်လေးများကမျက်နှာပေါ်သို့ဟိုတစ်စဒီတစ်စနဲ့ ကပိုကရိုကျနေသည်။အပြာရောင်မျက်ဝန်းလေးတွေကသူ့ကိုစိုက်ကြည့်လာတဲ့အခါမှာတော့သူ့ရဲ့နှလုံးဟာတဒုန်းဒုန်းနဲ့ခုန်ပေါက်နေသည်မှာအပြင်ကတောင်ကြားရလုနီးနီးပင်။
YOU ARE READING
Blue eye (system)
General FictionStart Date - 21.1.2022 End Date -???????? တေးရတုဟာအောင်မြင်ကျော်ကြားတဲ့သရုပ်ဆောင်တစ်ယောက်ဖြစ်တယ်။သူချစ်မြတ်နိုးတဲ့အလုပ်ကိုစွန့်လွှတ်ကာချစ်ရသူကိုအလုံးစုံထောက်ပံ့ပေးခဲ့တယ်။အချိန်တစ်ခုကြာတဲ့အထိသူဟာထိုလူအတွက်ဟာသဖြစ်နေမှန်းမသိခဲ့ဘူး။သူလှည့်စားခံခဲ့ရတယ်။...