နူးညံ့နွေးထွေးသောနေရောင်ခြည်လေးသည် အခန်းပြတင်းပေါက်နေ ကုတင်ပေါ်မှာအိပ်နေတဲ့လူသားနှစ်ယောက်ဆီသို့ ဇာကန့်လန့်ကာကနေဖြတ်ပြီးကျရောက်လာသည်။
ထန်ချင်းဟောင်က ရီဝေနေသောသူ့ရဲ့စိတ်ကိုကြည်လင်အောင် ခေါင်းကိုလက်နဲ့အနည်းငယ်ဖိနှိပ်ရန်ပြင်လိုက်သည်။သူလက်လှုပ်ရန်ပြင်လိုက်ပေမယ့် သူကတစ်စုံတစ်ယောက်ကိုတင်းတင်းကြပ်ကြပ်ဖက်တွယ်ထားသည်။
ရင်ခွင်ထဲက အဖြူလုံးလေးကို ငုံ့ကြည့်ပြီး သူ့ရဲ့အေးစက်တဲ့မျက်နှာသေပေါ်မှာ နွေးထွေးသော အပြုံးလေးတစ်ခုပေါ်လာသည်။
ကောင်းလိုက်တာ ......ချူးဟန်ကိုသူအပိုင်သိမ်းနိုင်ခဲ့ပြီ !!!!!
ချူးဟန်ကသူ့အပိုင် !!သူတစ်ယောက်တည်းပိုင်တဲ့လူသားလေး !!!
ကိုယ်ကိုအနည်းငယ်စောင်းလိုက်ပြီး ချူးဟန်ရဲ့နဖူးလေးကို ညင်ညင်သာသာလေးနမ်းရှိုက်လိုက်သည်။ ထို့နောက်သူသိပ်သဘောကျရတဲ့ ကြည်ပြာရောင်မျက်ဝန်းလေးတွေက မှိတ်ထားပေမယ့် သူနှုတ်ခမ်းလေးတွေနဲ့ နူးညံ့စွာဖိကပ်လိုက်သည်။ ပြီးတော့အိစက်နုထွေးနေတဲ့ ပါးပြင်လေးနှစ်ဖက် ထို့နောက် နီရဲပြီးဖောင်းအိနေတဲ့နှုတ်ခမ်းသားလေးကိုအပေါ်တစ်လှည့် အောက်တစ်လှည့် နမ်းရှိုက်နေမိသည်။
မျက်နှာတစ်ခုလုံးစိတ်ကြိုက်နမ်းပြီးမှ ထပ်မံပြီး ရင်ခွင်ထဲသို့တင်းကြပ်စွာဖက်ထားလိုက်သည်။
" အင်း .....ဘာလို့အရမ်းဖက်ထားတာလဲ အသက်ရှုကြပ်တယ် "
ထန်ချင်းဟောင်က လီချူးဟန်ရဲ့အသံလေးကို ပြုံး၍နားထောင်နေပြီး အသက်ရှူကြပ်တယ်လည်းဆိုရော အထိပ်တလန့်ဖြစ်သွားကာ ကမန်းကတန်းနဲ့ သူ့လက်ကိုဖြေလျှော့လိုက်သည်။
" အာ ..... မောင်တောင်းပန်ပါတယ် ...အခုလျှော့လိုက်ပြီ နော် "
" အင်း "
" အချစ်လေး ...."
" ဟင် "
" နာသေးလား ?? "
ထိုတော့မှ လီချူးဟန်သည် အိပ်ချင်မူးတူးဖြစ်နေရာမှ ခေါင်းကို ဆတ်ခနဲထောင်လိုက်သည်။ထို့နောက် ထန်ချင်းဟောင်ရဲ့ ရင်ခွင်ထဲကနေ ရုန်းထွက်လိုက်ပြီး နှုတ်ခမ်းကိုဆူကာ တစ်ဖက်ခြမ်းသို့လှည့်သည်။
YOU ARE READING
Blue eye (system)
General FictionStart Date - 21.1.2022 End Date -???????? တေးရတုဟာအောင်မြင်ကျော်ကြားတဲ့သရုပ်ဆောင်တစ်ယောက်ဖြစ်တယ်။သူချစ်မြတ်နိုးတဲ့အလုပ်ကိုစွန့်လွှတ်ကာချစ်ရသူကိုအလုံးစုံထောက်ပံ့ပေးခဲ့တယ်။အချိန်တစ်ခုကြာတဲ့အထိသူဟာထိုလူအတွက်ဟာသဖြစ်နေမှန်းမသိခဲ့ဘူး။သူလှည့်စားခံခဲ့ရတယ်။...