နန်းတွင်းညီလာခံတွင် လူများစွာရှိနေသော်ညား အံ့သြစရာကောင်းလောက်အောင် တိတ်ဆိတ်ငြိမ်သက်နေသည်။ ကြောက်မတ်ဖွယ်ကောင်းလွန်းတဲ့ဧကရာဇ်ရဲ့ ဒေါသတွေကို သူတို့အားလုံးအပေါ်သို့မကျရလေအောင် အသက်တောင်ပြင်းပြင်းမရှူရဲကြပေ။ ထိုစဥ်မှာပင် တကိုယ်လုံးကိုအေးခဲသွားစေနိုင်သော ဧကရာဇ်ရဲ့အသံကိုကြားရသည်။
" ထန် -လျှန် နယ်စပ်မှာဒီလိုတွေဖြစ်ပျက်နေတာကို မောင်မင်းတို့မသိလေဘူးလား !! "
သို့သည့်တိုင်အားလုံးကမည်သည့်စကားတစ်ခွန်းမှမပြောရဲပေ။ခေါင်းကိုသာမြဲမြဲအောက်စိုက်ချထားသည်။
" ငါကိုယ်တော်သာ ချန်မင်ဝေ့ကိုစစ်ဆေးဖို့ မလွှတ်လိုက်ဘူးဆိုရင် ဒီလိုကိစ္စတွေကိုသိရမှာမဟုတ်ဘူး !!! မင်းတို့က ငါကိုယ်တော်ရဲ့ နားတွေမျက်စိတွေကိုပိတ်ပြီး ချုပ်ကိုင်ချင်နေကြတာလား!!!! ဟမ်!!! "
ဒုန်းးးးးး
" ပြောလေ !! ဘာလို့တိတ်နေကြတာလဲ ? "
ထန်ချင်းဟောင်သည် ပြောနေရင်းဒေါသထွက်လွန်းတာကြောင့် ထိုင်ခုံရဲ့လက်ရန်းကိုထုချလိုက်သည်။
သူသည်ခုနှစ်ပြည်ထောင်ပြည့်ရှင်ဖြစ်ဖို့အတွက် နယ်မြေတွေကိုသိမ်းပိုက်လာခဲ့ရာ နောက်ဆုံးသောတိုင်းပြည်ဖြစ်တဲ့လီတိုင်းပြည်ကိုသိမ်းပိုက်ရာတွင် လီတိုင်းပြည်သည် အင်အားကြီးပြီး စစ်ဗျူဟာကောင်းမွန်လှတဲ့ ချူးဟန်ရဲ့စစ်တပ်နဲ့ထိပ်တိုက်ရင်ဆိုင်ရမည့်အတွက်ကြောင့် များစွာအင်အားစိုက်ထုတ် ရသည်။ ထို့အပြင် ထန်တိုင်းပြည်သို့ပြန်ရောက်လာချိန်မှာလည်း မင်္ဂလာပွဲနဲ့ တရားရုံးကိစ္စတွေရှုပ်နေတာကြောင့် နယ်စပ်လုံခြုံရေးကိုစစ်ဆေးဖို့အနည်းငယ်ပေါ့လျော့သွားခဲ့သည်။
သူသတိလက်လွှတ်ဖြစ်သွားတဲ့ခနအတွင်းမှာပင် ဒီလို ပုန်ကန်မှုမျိုးဖြစ်လာသည်။ထို့အပြင် လျှန်စစ်တပ်ဟာ ပြည်သူတွေဆီက အခွန်တွေအဆမတန်ကောက်ခဲ့ပြီး နယ်စပ်တွင်ဖြတ်သန်းသွားလာသော ကုန်သည်များကိုလည်း အကြိမ်များစွာလုယက်ခဲ့သည်။
YOU ARE READING
Blue eye (system)
General FictionStart Date - 21.1.2022 End Date -???????? တေးရတုဟာအောင်မြင်ကျော်ကြားတဲ့သရုပ်ဆောင်တစ်ယောက်ဖြစ်တယ်။သူချစ်မြတ်နိုးတဲ့အလုပ်ကိုစွန့်လွှတ်ကာချစ်ရသူကိုအလုံးစုံထောက်ပံ့ပေးခဲ့တယ်။အချိန်တစ်ခုကြာတဲ့အထိသူဟာထိုလူအတွက်ဟာသဖြစ်နေမှန်းမသိခဲ့ဘူး။သူလှည့်စားခံခဲ့ရတယ်။...
