Unicode
အထပ်ပေါင်းများစွာရှိတဲ့အဆောက်အဦးရဲ့ထိပ်ဆုံးအလွှာကCEOရုံးခန်းထဲမှာဇေကမ္ဘာဟာသူ့အရှေ့ကဖိုင်တွေကိုကြည့်ကာသက်ပြင်းချလိုက်သည်။လက်ကနာရီကိုကြည့်လိုက်တော့၃နာရီထိုးနေပြီဖြစ်သည်။
ဘာဘဲဖြစ်ဖြစ်သူ့ကလေးလေးကအရေးကြီးဆုံးဘဲ !!ဒီအလုပ်တွေကသူ့ကလေးကိုမယှဉ်နိုင်ပေ!!
ဖတ်လက်စဖိုင်ကိုအမြန်လက်စသတ်ပြီးကားသော့ဆွဲကာ ရုံးခန်းထဲကထွက်လိုက်ပြီးသူ့ကလေးလေးကိုသွားကြိုတော့သည်။
"CEO ရုံးဆင်းတော့မလို့လား? အလုပ်တွေကျန်သေးတယ်လေ"
"မင်းလုပ်လိုက်! မနက်ကျမှ ငါပြန်စီစစ်ပေးမယ်"
'......'
အတွင်းရေးမှူးလေးဟာအမြဲတမ်းနောက်ဆုံးမှရုံးဆင်းတတ်တဲ့သူတို့CEOကြီးဟာအခုလိုအစောကြီးရုံးဆင်းသွားတာကြောင့်ပါးစပ်အဟောင်းသားဖြစ်သွားသည်။မျောက်အုံးသီးရသလိုမြောက်ကြွမြောက်ကြွနဲ့ထွက်သွားတဲ့CEOကိုကြည့်ပြီးသူရဲ့ရွှေရောင်မျက်မှန်ကိုင်းလေးကိုပင့်တင်လိုက်ရင်းတွေးလိုက်မိသည်။
ငါ့ဘောစ့်ရည်းစားရနေပြီလား? ဖြစ်နိုင်တယ် !! မဟုတ်ရင် အလုပ်ကိုဘဝကြီးလို့သဘောထားတဲ့ bossက သူ့အလုပ်တွေကို ပစ်ပြီးသွားမှာမဟုတ်ဘူး!!
ရွှေအိုရောင်ပတ်ဖြန်းထားတဲ့ညနေဆည်းဆာရဲ့နေရောင်ခြည်နဲ့လိုက်ဖက်စွာ တန်ဖိုးကြီးမားလှတဲ့အနက်ရောင်ဇိမ်ခံကားတစ်စီးဟာ ကျောင်းဂိတ်ဝသို့ ဝင့်ကြွားစွာမောင်းနှင်လာသည်။ဇေကမ္ဘာကကားကိုရပ်လိုက်ပြီး ကျောင်းဝန်းထဲသို့တစ်ချက်ကြည့်လိုက်သည်။
တစ်ခြားကျောင်းသားတွေကတစ်ယောက်ပြီးတစ်ယောက်ထွက်လာပေမယ့်သူ့ကလေးလေးကမထွက်လာသေးပေ။ထိုင်မစောင့်နိုင်တာကြောင့်ကားပေါ်မှဆင်းကာအပြင်ဘက်သို့ထွက်ပြီးရပ်စောင့်နေသည်။
"ညကျရင် လာဖြစ်အောင်လာနော်... မေ့နေဦးမယ် "
"အေးပါကွာ မင်းသာဘာမှရှုပ်မထားနဲ့!!"
ဇိုင်းဟာအရက်ကြိုက်ပြီးမိန်းကလေးလည်းပွေတတ်သူဖြစ်သည်။တစ်ခါတုန်းကသူများရည်းစားကိုသွားပွေပြီးဟိုဘက်ကလူကိုလည်းရန်စလာခဲ့သေးသည်။ရလဒ်အနေနဲ့အိမ်ပြန်လမ်းမှာအဖွဲ့လိုက်အဝိုင်းခံရသည်။
YOU ARE READING
Blue eye (system)
General FictionStart Date - 21.1.2022 End Date -???????? တေးရတုဟာအောင်မြင်ကျော်ကြားတဲ့သရုပ်ဆောင်တစ်ယောက်ဖြစ်တယ်။သူချစ်မြတ်နိုးတဲ့အလုပ်ကိုစွန့်လွှတ်ကာချစ်ရသူကိုအလုံးစုံထောက်ပံ့ပေးခဲ့တယ်။အချိန်တစ်ခုကြာတဲ့အထိသူဟာထိုလူအတွက်ဟာသဖြစ်နေမှန်းမသိခဲ့ဘူး။သူလှည့်စားခံခဲ့ရတယ်။...
