" မင်းက ဆံနွယ်ဖြူရှင် မိန်းကလေးလား ? "
ရေခဲစွမ်းအင်ထုတ်သုံးရုံလေးနဲ့တင် မှတ်မိနေတဲ့ ရှောင်အန်းကျစ်ကိုတော့ လေးစားမိပါရဲ့။သို့ပေမယ့် ဝမ်လီဖးသည် သူ့ကိုယ်သူထုတ်ဖော်ပြဖို့အစီအစဥ်မရှိပေ။
" ငါ့မှာမိန်းခလေးနဲ့တူတဲ့အရာကိုတွေ့မိလို့လား ? အဟက် !ရယ်စရာဘဲ ရှုံးသွားတာကိုလက်မခံချင်လို့သွေးရူးသွေးတန်းတွေပြောနေတာလား? "
/ ဒီတစ်ယောက်ကဘယ်သူလဲ ? သူ့ဆီမှာဘဲရှိတဲ့စွမ်းအားတွေက ဘာလို့ ဒီတစ်ယောက်ဆီမှာတွေ့နေရတာလဲ ? /
ရှောင်အန်းကျစ်သည် သူ့ကိုယ်ထဲက ဝိဥာဥ်၏ စိတ်လှုပ်ရှားစွာပြောလာတဲ့အသံကို ပထမဆုံးအကြိမ် လျစ်လျူရှုကာ သူ့စွဲလမ်းနေတဲ့သူက ရန်သူလို့ သတ်မှတ်ထားတဲ့သူဖြစ်နေတာကိုအံ့သြမဆုံးဖြစ်လို့နေသည်။
" ကိုယ်သွေးရူးသွေးတန်းလျှောက်ပြောတာမဟုတ်ဘူး ....သေချာတယ် မင်းကအဲ့ဒီမိန်းကလေးဘဲ "
စောနကလိုအထက်စီးဆန်ခြင်းမျိုးမရှိတော့ဘဲချက်ချင်းအပြောအဆိုနူးညံ့သွားတဲ့ ရှောင်အန်းကျစ်ကို အားလုံးကတအံ့တသြငေးကြည့်နေကြသည်။
ထိုအချိန်တွင် အစီအစဥ်ကြီးကြပ်ရေးမှူးကလည်း အနိုင်အရှုံးကိုကြေငြာပြီးတာကြောင့် ဝမ်လီဖေးသည် ရှောင်အန်းကျစ်ကိုအရေးမလုပ်တော့ဘဲ ပြိုင်ပွဲစင်ပေါ်မှဆင်းကာ ကောင်းကင်တိမ်တိုက်ဂိုဏ်းသားတွေရပ်နေတဲ့နေရာကို၍ဦးတည်ပြီး လျှောက်သွားသည်။ထို့နောက် သူ့ဆရာကိုနှုတ်ဆက်ပြီး ရင်ထဲမှာလွှမ်းမိုးနေတဲ့ခံစားချက်တွေကြောင့် သူ့ရဲ့ခြေလှမ်းတွေဟာ ဦးတည်ရာမရှိရွေ့လျားနေသည်။
[ host အဆင်ပြေရဲ့လား ?]
' အင်း ပြေပါတယ် '
[ host. .မလိမ်နဲ့ ! hostလုံးဝအဆင်ပြေမနေဘူး ဆိုတာကျွန်တော်သိတယ်]
' တံခွန် ..မင်းပြောကြည့် ...မောင်ကငါ့အပေါ်ကိုရက်ရက်စက်စက်ဆက်ဆံခဲ့ပြီးမှ အခုဘာလို့ငါ့နောက်ကိုအတင်းလိုက်လာတာလဲ ?'
[ အဲ့ဒါက .....]
' ငါ့ကမ္ဘာကိုပြန်သွားရင် မောင်ကအရင်လိုဘဲငါ့ကိုလျစ်လျူရှုတော့မှာ.....ငါခံစားရအောင်လုပ်မှာ ငါသိနေတယ်'
YOU ARE READING
Blue eye (system)
General FictionStart Date - 21.1.2022 End Date -???????? တေးရတုဟာအောင်မြင်ကျော်ကြားတဲ့သရုပ်ဆောင်တစ်ယောက်ဖြစ်တယ်။သူချစ်မြတ်နိုးတဲ့အလုပ်ကိုစွန့်လွှတ်ကာချစ်ရသူကိုအလုံးစုံထောက်ပံ့ပေးခဲ့တယ်။အချိန်တစ်ခုကြာတဲ့အထိသူဟာထိုလူအတွက်ဟာသဖြစ်နေမှန်းမသိခဲ့ဘူး။သူလှည့်စားခံခဲ့ရတယ်။...
