Unicodeတောစပ်သို့ရောက်သောအခါမှာ ချာဝီဆင်ကတစ်စုံတစ်ခုကိုပြောရခက်နေဟန်ဖြင့် အားတုံ့အားနာလှည့်ကြည့်လာသည်။
" ကျွန်တော့်ကိုတစ်မျိုးတော့မထင်ပါနဲ့ ...ဟို ...."
" အကိုပြောစရာရှိတာကိုပြောပါ ..."
" စစ်သူကြီးနဲ့တွေ့ဖို့ကျတော့ အမှတ်အသားတစ်ခုခုပါမှဖြစ်လိမ့်မယ် ....မဟုတ်ရင် တွေ့ရတာခက်ခဲလိမ့်မယ် "
စစ်သူကြီးကားလ်ဘယ်က အင်အားကြီးခံတပ်ကိုအုပ်ချုပ်နေရသူဖြစ်တာကြောင့် အရမ်းသတိကြီးသည်။စစ်သူကြီးသတိထားမိလောက်တဲ့အထောက်အထားမျိုးတစ်ခုပြမှသာ သူတို့ကတွေ့ခွင့်ရမှာဖြစ်သည်။မင်းသားဂျက်ဖရီမှာ အယ်လီဘားမားရဲ့တော်ဝင်အမှတ်တံဆိပ်ပါတဲ့ဓားရှိပေမယ့်လည်း အယ်လီဘားမားရဲ့အခြေအနေကမငြိမ်သက်သည်မို့ အခွင့်အရေးသမားတွေကတစ်ခုခုလုပ်မှာစိုးရိမ်ရသည်လေ။
" အဲ့အတွက် မပူပါနဲ့ ...ဒီပစ္စည်းကိုယူသွားလိုက်ပါ "
လက်ထဲသို့ရောက်လာတဲ့ပစ္စည်းဟာ တစ်ခြားထူးခြားတဲ့ပစ္စည်းမျိုးမဟုတ်ဘဲ လှပတဲ့ဆံထိုးတစ်ချောင်းဖြစ်နေတာကြောင့် ချာဝီဆင်အံ့သြသွားသည်။သို့ပေမယ့် ဘာမှပြန်မပြောဘဲ ဂျက်ဖရီတို့ကို ခံတပ်ရဲ့ဂိတ်ဝမှာခနစောင့်ခိုင်းကာ စစ်သူကြီးရဲ့ တဲသို့အမြန်ဝင်သွားသည်။ထိုဆံထိုးလေးက ဂျက်ဖရီရဲ့မယ်တော်ပိုင်တဲ့ပစ္စည်းလေးဖြစ်သည်။
" ကိုကို ...."
" ဟင် "
" ကျွန်တော်တို့က ဒီကိုဘာလို့လာတာလဲဟင် "
မော်ဘလိတ်ကနားမလည်သလိုမေးလိုက်တော့ ဂျက်ဖရီက မော်ဘလိတ်ရဲ့ခေါင်းလေးကိုပုတ်ကာပြန်ဖြေသည်။
" ဘာလို့ဆို နောက်ဆိုရင်ကိုကိုတို့ကဒီမှာနေမှာလေ "
"နန်းတော်ကိုမပြန်ရတော့ဘူးလား "
ဂျက်ဖရီကတော့ ကူးပြောင်းလာသူမို့ နန်းတော်ကိုသံယောဇဥ်မရှိပေမယ့် မော်ဘလိတ်ကတော့ထိုသို့မဟုတ်ပေ။မွေးကတည်းက နန်းတော်မှာဘဲနေလာခဲ့သူမို့ မခွဲခွာချင်ပေ။ဒါကိုဂျက်ဖရီကနားလည်သည်မို့စိတ်မကောင်းဖြစ်သွားသည်။
YOU ARE READING
Blue eye (system)
General FictionStart Date - 21.1.2022 End Date -???????? တေးရတုဟာအောင်မြင်ကျော်ကြားတဲ့သရုပ်ဆောင်တစ်ယောက်ဖြစ်တယ်။သူချစ်မြတ်နိုးတဲ့အလုပ်ကိုစွန့်လွှတ်ကာချစ်ရသူကိုအလုံးစုံထောက်ပံ့ပေးခဲ့တယ်။အချိန်တစ်ခုကြာတဲ့အထိသူဟာထိုလူအတွက်ဟာသဖြစ်နေမှန်းမသိခဲ့ဘူး။သူလှည့်စားခံခဲ့ရတယ်။...