ရုံးခန်းထဲအလုပ်ဆက်ရှုပ်နေတုန်းနေ့လည်စာဘူးနဲ့ဝင်လာတဲ့ရှောင်းလုံးပေါင်းကသူ့ပေါင်ပေါ်အပြေးလေးတက်လာပြီးတင်းတင်းကျပ်ကျပ်ဖက်ပါတယ် ။
"ပြောပါဦး ဘာတွေအလုပ်ရှုပ်နေလို့နောက်ကျရတာလဲ "
"နေ့လည်စာပြင်နေတာလေ "
"ဘယ်မှာသွားပြင်တာလဲ "
"ဘာကို? "
"အိမ်မှာမနက်ထဲကမရှိတာမလား? ကိုယ်ဆယ်နာရီကျော်မှထွက်လာတာ ၊ ဘေဘီ့ကိုစောင့်ပြီးသွားမလို့... ပြန်ရောက်မလာတာနဲ့ထွက်လာလိုက်တာ ဘေဘီ့အိမ်ကို မေးရအောင်လည်းဘေဘီဖုံးကွယ်ထားတာဆိုရင်မကောင်းဘူးလေ "
ဒီရှောင်းလုံးပေါင်းလေး သူ့အပေါ်မကွယ်ဝှက်စေချင် ။ လိမ်ညာတာလည်းမရှိစေချင်တာကြောင့်သူအကုန်ဖွင့်ချပြပြီးစကားခင်းပေးလိုက်တယ် ။
"ရှောင်းကျန့်လည်းအလုပ်လေးတွေရှိလို့ပါ ...နေ့လည်စာစားရအောင် ရှောင်းကျန့်ကြိုးစားလာတယ် "
ဟင်းမချက်တတ်တဲ့ ၊ ဟင်းချက်ခွင့်မရှိတဲ့ ရှောင်းလုံးပေါင်းရဲ့နေ့လည်စာဘူးကိုကြည့်တော့ အတော်လေးသပ်သပ်ရပ်ရပ်လှနေတယ် ။ သေချာပေါက်အိမ်မှာချက်ခွင့်ရမဲ့ကိစ္စမျိုးမရှိဘူး ။ ရိပေါ်သံသယတွေကိုမျိုချပြီး ရှောင်းလုံးပေါင်းကိုသာဖျစ်ညှစ်လိုက်တယ် ။ ဘာဖြစ်သေးလဲ ရှောင်းလုံးပေါင်းသူ့ကိုကျွေးချင်လွန်းလို့ဆိုတာနဲ့တင်လုံလောက်ပြီလေ ။
. . .
ရုံးခန်းထဲရိပေါ်ရဲ့သက်ပြင်းချသံက ခပ်လေးလေးထွက်ပေါ်လာတယ် ။
ယနေ့ပဲရှောင်းအိမ်တော်ကလူကြီးတွေရိပေါ်နဲ့သီးသန့်တွေ့ဆုံပြီးမထင်မှတ်ထားတဲ့အရာတွေကြားခဲ့ရသည် ။ အဲ့ဒါက ပူးပေါင်းလုပ်ဆောင်ဖို့စကားစရှိထားတဲ့လုပ်ငန်းမှာသူတို့သမီးငယ်လေးကို
အမြင့်တစ်နေရာအတွက်ထောက်ခံပေးဖို့ ။
"သမီးလေးကငယ်သေးပေမဲ့ သူ့အရည်အချင်းကိုမောင်ရင်စစ်ကြည့်ပါဦး ၊ လက်တွေ့အကဲခတ်ချင်လည်း ဒေါ်ဒေါ်တို့သူနဲ့မိတ်ဆက်ပေးမယ်... မောင်ရင့်လုပ်ငန်းမှာသူလေ့လာသင်ယူနေချင်ရှာတာ "
YOU ARE READING
-BOYS-
FanfictionIt's Soft Boy × Tough Boy Type . So won't be suit for people who love only Strong × Strong Type.
