ပြဿနာတက်ပြီးနောက်ပိုင်း ရှောင်းကျန့်ကသူ့အပေါ်ကပ်သီးကပ်ဖဲ့ပူဆာတာတွေမရှိတော့ ။ အလုပ်ကိုပဲလုပ်နေရင်း အနေစိမ်းသွားခဲ့တယ် ။ အချိန်ယူချင်ခဲ့တာကြောင့်ရိပေါ်ကိုယ်တိုင်လည်း တိတ်တဆိတ်သာနေလိုက်တယ် ။ ညီမဖြစ်သူကိုပိုချီးကျူးပြသည့်တိုင် ရှောင်းလုံးပေါင်းကတုပ်တုပ်မျှမလှုပ် ။
"ဒီစာရင်းတွေဒီညအပြီးစစ်ထား "
"ရှောင်းကျန့်မအား... "
"အဲ့ဒါဆိုအလုပ်ထွက်လိုက်လေ ၊ အကုန်သူလုပ်နေရတာပဲ ၊ အလုပ်ရှင်ဆီကမျက်နှာသာရဖို့လည်းမကြိုးစား၊ အလုပ်လုပ်ဖို့လည်းမအားဘူးဆိုရင် အလုပ်လုပ်စားမနေနဲ့တော့ "
"လုပ်လိုက်ပါ့မယ် "
လက်သီးကိုတင်းတင်းဆုပ်ထားရင်း ပေါက်စီလုံးလို ပိကျသွားအောင်ထုချပစ်ချင်တာလွန်မလား ။ တမင်လုပ်မှန်းသိပါလျက် ပြန်ချေတာကပက်ခနဲ။
"ဒီညမပြီးရင်မပြန်ရဘူး "
"ဟုတ်ကဲ့ သူဌေး "
"ကောင်းပြီ ရုံးအကူလေး "
"ဟုတ်ကဲ့ပါ သူဌေး "
တကုပ်ကုပ်နဲ့အလုပ်လုပ်နေတဲ့ လုံးစိလေးကို
ထိုင်ကြည့်ရင်းသူဘာမှဆက်မလုပ်နိုင်ခဲ့ ။
. . .
လက်ထောက်အန်းဆီကအဆက်အသွယ်ထပ်ရတော့ လုပ်ငန်းအသစ်အတွက် အရေးပါသူထဲ ရှောင်းကျန့်ညီမကထိပ်ဆုံးစာရင်းထဲမှာဖြစ်သည် ။ ဒါကတရားမဝင်တဲ့လိမ်လည်မှု ။ လုပ်ငန်းပိုင်ဆိုင်တဲ့သူအစစ်အမှန်ကရှောင်းကျန့်ဖြစ်ပြီး ထိုပိုင်ရှင်ခွင့်ပြုချက်မပါဘဲသူတို့တွေလက်ဝါးကြီးအုပ်ဖို့လုပ်နေတာ ။ ပေါ်လာတဲ့တစ်ရက်ဘာတွေနဲ့ဆင်ခြေပေးရှောင်လွှဲဦးမလဲသူမသိ ။ ကားပေါ်မှာအတွေးတွေများပေမဲ့ကားပေါ်ဆင်းတာနဲ့သူအတွေးတွေပယ်ထုတ်ကာ ရှောင်းလုံးပေါင်းရှိနေတဲ့အဆောက်အဦးထဲဝင်လာခဲ့လိုက်တယ် ။
ရှောင်းကျန့်က ဓာတ်ပုံဟောင်းလေးကိုကိုင်ရင်းခပ်ဆွေးဆွေးငေးနေတယ် ။ လာခွင့်ပိတ်ထားရာကနေ အလုပ်ပိတ်ရက်ကြီးထဲတွေ့ဖို့ချိန်းခဲ့တာက အပြင်မှာ ။ သူ့စိတ်တွေလေးနေပေမဲ့ ရှောင်းလုံးပေါင်းစိတ်ကွက်မဲ့ စကားမဟမိဖို့ ခပ်တင်းတင်းသတိထားနေရတယ် ။ သူဝင်လာတဲ့အထိငေးနေတဲ့ရှောင်းလုံးပေါင်းကိုသူတစ်ချက်နမ်းပြီးဘေးမှာဝင်ထိုင်လိုက်တယ် ။
YOU ARE READING
-BOYS-
أدب الهواةIt's Soft Boy × Tough Boy Type . So won't be suit for people who love only Strong × Strong Type.
