⭕❌ممنوع نقل ذون إذني ❌⭕
#على_قروب_chronique_dz وفقط
#قيــد_الكتـــابة
#كوفر_من_تصميمي
#حبہــــــر_العہــــــــون:
📿🤍نہـــــــــوا يہــــــــــآ🤍📿
#بقلمي_انا : zaineb_mer@
بمناسبة الشهر الفضيل ... شهر الرحمة والغفران.... رجعت بعد #المكتوب القصة الي جابت تفاعل كبير خلاتني نكمل معاكم #بطوفان_سيلا... اليوم رجعت وبعد غياب كبير مع قصة جديدة راح #نضحكو كما راح #نبكو... وأكيد راح نتعلمو بزاف حوايج مع بعض...فيها عبر وحكايات من الواقع كما راح نحط فيها لمستي الخاصة نحاول نحسن من احداث الواقع... وقبل لا نبدا راح نحط بعض شروط...
#اول_حاجة_راح_نحط_يوميا_حسب_تفاعل_انتم_الي_تقررو 🤷🏻♀️
#حاجة_ثانية_تفاعل_بليييييز😍
#ممنوع_النقل_من_ذون_اذني ❌❌❌
#تعليق_في_الحلقات_خارج_الرد_بلوك⭕⭕⭕
#ممنوع_لي_ايموجي ❌❌❌
#تفاعل_مع_كل_الحلقات ⭕⭕⭕
#البداية📿
اصبحت اخاف نوايا البشر ... هناك أشياء اكبر من كلمة شكرا... وأشياء لا تصلحها كلمة آسف... فدائما هناك الكذبة التي لا تغفر.. واللحظة التي لا تنسى... والنظرة التي تغير القلب... والجرح الذي لا تشفيه الأيام... هناك شك في كلمة اعدك... والكثير من الخوف وراء كلمة أحبك!... ولكن #نوايا القلوب لا تتشابه...
فانقاء القلب ليس غباء... إنما فطرة يميز بها الله من يحب... ولغير الله مأشكي ... ولو ابقى طول العمر في هم ... ابدا لا يفيد ضيق البال... مدام الالم مقسوم... انا بقلبي اصرف الخير... وضحكة مرسومة بين شفافي... البشر تظلم هنا وهناك... وتبني في الخداع قصور... وترمي في طريق اشواك... وهي لا تعلم عن زمان يدور... وكانها #نوايا عاكسة لمرايا... اعمل خيرا تلقى خير... وتعمل شرا تلقى شر... لست انا من اقول... انا العبد ضعيف الذي لا حول ولا قوة... هذا قول سيد الانبياء ورسل في حديثه... صلى الله عليه وسلم « إِنَّمَا الْأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى»
#حبہــــــر_العہــــــــون:
📿🤍نہـــــــــوا يہــــــــــآ🤍📿
#مقتطف📿
غير سمعت كلامو قلبي دق بقوة وكأنو يحب يخرج من بلاصتو ...وجهي ولا احمر حتى جسمي رجع يرعش ...حابة نكون معاه لكن خايفة من المستقبل ...قعد يشوف معيا يستنى فيا نجاوبو...
توبة :إبراهيم انا..
إبراهيم :امهم احكي توبتي...
ما قدرتش نقولو واش حابة خايفة من ردة فعلو ولا انو يفهم كلامي غالط ...قلبت عينيا يمين ويسار ضاغطة على شفافي...تنهدت براحة وقت دقدقت حنان على الباب...
حنان:لغداء واجد هيا قبل لايبرد
إبراهيم: جاين شوي ونلحقك...
قبل لايحكي سبقتو وقاطعت حديثو...
توبة: خلينا نروحو نتغداو راح نموت بلجوع... مستنيتوش يجوبني روحت وخليتو واقف في بلاصتو نعرف معجبوش لحال كيف ما جوبتهوش معندي ما ندير انا ثاني لي تعد على رأسي ماشي ساهل على لاقل لازمني شوي وقت نتأكد من مشاعري تجاهو...وصلت لطاولة حكمت بلاصتي وبدية ناكل...دقات قلبي زادو وقت جاء وقعد حدايا حاصرني...رغم انو بلاصتو من جيهة لخرى... رأسي ما هزيتوش من صحن ...نحس في عينيه راح يثقبوني ...حتى لماكلة ما عرفتش ناكل ذهبتلي كيفاه ...غير هزيت رأسي ودورتو وقت حط يدو على يدي جات عيني مع عينو...فتحتهم من الخلعة وش راح يقولو علينا درك...وزيد مش وقت الحركات هذي...
دورت نشوف معاهم كانو مهبطين راسهم ياكلو... قربت همست في وذنو...
توبة: عيب شيء الي تعمل فيه...
إبراهيم: علاه عيب الالة... اصلا وين هذا العيب الي تشوفي فيه...
شاورتلو بعيني على يدو الي حاكمة يدي رغم اني هبطها تحت طاولة باه مايشوفوهاش...
إبراهيم: ااااا قصدك يدي كما حكمتك عيب... مانحيهاش حتى تجاوبيني
حركتلو راسي بلا وعينيا تشوف مع العايلة... وجهي حمار وقت لقيت عمي محمود مركز معانا.... زربت هبطي راسي وجبدت يدي بالقوة...
توبة: بابا محمود يشوف معانا...
إبراهيم: مايهمنيش نحب جوابك...
طلعنا راسنا لزوج وقتى حكى
محمود: إبراهيم خلي طفلة على راحتها... راك قريب تخنـ... قها...
تفتحو عيوني من الحشمة نحس في خدودي رجعو نار... هزيت طرشونة مسحت فمي... ووقفت بعدت الكرسي...
توبة: بصحتكم انا نسبقكم نعمل قهوة...
محمود: اقعدي بنتي كملي غداك القهوة مش هاربة...
حنان: ايه كملي من بعد انا نعملها...
ابراهيم: ماعندك حتى هدرة بعدما حكم في بابا...
محمود: وانت اخطى طفلة شوي واعمل قدر للعايلة الي بحذاك...حركات هذو نتع ولاد مش راجل كبير...
مزال ماكملش هدرتو حتى وقف وخرج ضرب الباب بقوة من وراه خلاني نبلع ريقي ربي يفوت الليلة هذي على خير...
سعاد: بالعقل على طفل راه مابقاش صغير كبر ورجع راجل وبمرتو... ماتجيش تبخصو قدام ناس...
محمود: وين راهم ناس...
#يتبع..
