🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 72:
درت نشوف وش الي صرا نلقاها طايحة في لارض... وطفلة الي معاها تعيط... رجعت نجري بعدتها وحطيت يدي على رقبتها... كاين دقات تنهدت رجعت فيا روح...
بية: حرام عليك
فؤاد: بعدي شوي خليني نشوفها...
(رجعتها على ظهرها) وش صرالها نظن سبب مش من دواء ميأترش فيها بسرعة هذي...
بيةبالبكاء : وانا وين نعرف انا وين... اختي راح تروح اعمل حاجة...
هزها بين يديه يحكي...
فؤاد: حلي باب نت طموبيل لازم نسعفها...(حطها من لوراءورجع من قدام راح يركل )
بية: والمطعم شنو نعملو كيفاش نلحق عليكم...
فؤاد: وش يهمني فيه المطعم درك... هات تليفونها عيطيلي فيه نقلك حنا وين...
بية: باهي...
رجعت تجري جابت تلفونها وهي تبكي...
بية: هذا
فؤاد: صحا...
ديماريت حارق طريق مافهمتش الي صرالها... كما مانحبش نكون سبب في ضرر نتع حتى واحد... حبيت نربيها برك باه مابقاتش تلعب لعب دري... اما في لاخير انا الي حصلت... درت شفت معاها لدرك مزال مافقت اول ماوصلت... هبطت هزيتها وهي مسبلة تقول جـ... ثة من غير روح... رجعت نعيط على طبيب يعاونا... اما ياحسرا واحد لا علبالو ناس مرمية الي يعيط والي دمو سايح... حطيتها فوق سرير لتم وخرجت نعيط على طول صوتي ونهدد وقتها خرج طبيب مع فرملية مش عاجبها الحال...
فؤاد: حكيم شربت قرعة كاملة ponctuel gouttt اما طاحت في ساعة... زرب جيهتها فتح عينيها يشوف وبعدها حط سماعات يسمع في دقات قلبها... نسمع فيه يقلهم ينقلوها لازمها غسيل معوي... خرجوها بسرعة وجها اشحب ندمت للحظة على الي عملتو... صونا تيلفونها مسحت على رقبتي وهزيت...
مريم: انا امها وينا سبيطار انتم...
فؤاد: في #####
مريم: اوكي...
بقيت رايح جاي نسقسي عليها يقولو مزال مكان حتى خبر...تكيت على الحيط هزيت شفت مع تلفونها حاطة صورتها فونديكرون مزالها صغيرة... إن شاء الله تفوت على خير... شفت امها وهذيك طفلة جاين يجرو ووقفو قدامي...
مريم: مكان حتى خبر...
فؤاد: لا
بية(تبكي ): يارب تكون بخير مانقدرش من غيرها...
فؤاد: اما مافهمتش علاه داخت...
قعدت على الكرسيملامح جامدة وكأنو مش بنتها الي لداخل...
مريم: عندها فوبيا...
عقدت حواجبي مش مستوعب لحكاية... وشفت طبيب الي كان معاها خرج قربتلو نحكي...
فؤاد: حكيم وش صرالها...
ح: خلاص عملنالها غسيل معدة...
مريم: هيا لباس درك؟...
ح: ان شاءلله ترجع لباس... عملنالها ابرةديازيبام (Diazepam).
فراد: اما علاه داخت؟
ح: عندها
La nosophobie... appelée aussi pathophobie... est la peur de contracter une maladie...
مريم: ايه عندها فوبيا من المرض...
فؤاد: يعني تخاف تمرض؟
ح: Oui malheureusement
بية: وخياني بالعقل عليا مافهمت شي راهو...
ح:la nosophobie تعني الخوف من التعاقد مع مرض... على هذي وقت شربت هذاك الدواء خافت تمرض صرالها خوف شديد ماتحملتش طاحت...
فؤاد: والابرة هذي تنقص عليها...
ح: oui وزدتها لامورفين باه ماتحسش بالوجع...
فؤاد: يعطيك صحة تعبناك معانا...
ح: واجبي هذا...
مريم: وقتاه نقدرو نخرجوها؟
ح: غير تفيق ويخلاص سيروم تقدر تروح... بشفاء عليها...
مريم: الله يسلمك...
بية: كلو منك ياهم...
فؤاد: احترمي نفسك...
مريم: خلاص الي صرا كاتب... وانت يعطيك صحة تقدر تروح...
فؤاد: خلي نطمن عليها ونروح...
فاتت مدة مليحة حتى خرجت فرملية تعيط باسمها...
مريم: راني هنا...
ف: المريضة فاقت... تقدرو تخرجوها...
مريم: ربي يعيشك اختي...
دخلت امها وبية شافوها بعدها خرجت حاكمة فيهم تمشي بسيف... قربت جيهتها..
فؤاد: نقدر نعاونكم...
هزت عينيها دابلة فيا...
مليكة: لا
مريم: يعطيك صحة ولدي راك طمنت درك تقدر تروح...
تالمون حاكمة متركزة مالت قريب طيح زربت حكمتها...
فؤاد: نعرف غلطت معاك اما لازم نعاونك...
بية: إيه خلي يعاونك خير...
ماستنيتش تجاوب وهزيتها بين يديا ووخرجت حطيتها في طموبيل امها... ربي يغفرلي برك غرضي نعاونها برك...
#يتبع...
