🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 52:
#عند_توبة
حليمة: وين راهو خوك فؤاد... مدة ماعيطش...
توبة: صباح كان يحكي معايا...
حليمة: علاه مافوتيهوليش...
توبة: كنت راقدة ماحبيتش نقلقك...
حليمة: وانت شبيك مزال هازة خشمك علينا...
عدلتلها لغطاء وبعدت من غير مانرد عليها...
حليمة: نحكي معاك...
توبة: وش تحبيني نقول اااه... هاك زوجتيني وقريب تتهني مني...
حليمة: نتهنى منك؟ شبيك تخلطي في الهدرة...
توبة: هذا هو صح حابة تبعديني عليك... هاني رايحة وتتهنو مني كلكم...
حليمة: اقعدي هنا ارواحي...
توبة: مانجيش ومانحبشنسمع وش راح تقولي... قبلت قلت خطبة ومن بعد عامين ولا ثلاثة زواج معليش... اما وقت قريتو فاتحة تاعي وزيد عرس في ثلاث شهور ماعندها حتى تفسير غير حابين تتهنو مني...
تبسمت على هدرتها وعاودت مدتلها يديها باه تحكمها...
حليمة: عمرنانتهنو منك انت نوارت الدار... تحسبي وقت تروحي راح نفرح؟ ...
توبة: اكيد راح تفرحي... وشراح تعملي بيا وحدة نهار كامل وهي كما لخديمة ماتقدر تحكي حتى كلمة ولا تتنفس غير وقت ما انتم تحبو...
حليمة: وشكون خلى روحو يوصل لهنا...
توبة: كنت صغيرة امي كنت صغيرة علاه ماتفهموش... وزيد مشها غلطتي على اساس ماتعرفينيش
حليمة: وانا ماقلت والو علاه قالقة هك...
توبة: مارانيش قالقة بالعكس هااااادية للخر..
حليمة: ربي يهدي سرك بنتي وانا ماقصديحتى شيء من هذي زواجة غير مصلحتك برك...
توبة: انا رايحة نحط قهوة... تحبي ندرلك حاجة معاها...
حليمة: لا
خرجت من البيت ودمعت هبطت من صغري وانا نخلص... وثمن كل مرة اغلى... تمشيت طفيت tv كان شاعل وحدو في صالة وخرجت رايحة للكوزينة... حتى نسمع صوت بكاء جايمن عند سوسن... قربت لبيتها صوتها هي... طبطبت اما ماردتش عليا... فتحت الباب متكية وهي تتغوصر من سطر... قربت نجري حكمت يديها نسقسي فيها...
توبة: سوسن شبيك...
سوسن: سطر توبة سطر قاعد ويقوى...
توبة: راح تولدي؟
سوسن: مانعرف وين نعؤف كل مرة نروح لسبيطار يقلولي نفس شيء مزال باه تولدي... اااااه
توبة: بصح وجهك تبدل وسطر اقوى...
سوسن: ااااه ماعدتش قادرة اااااااه... توبة عيطي لاسحاق...
وقغت ندور ماعرفتش وش ندير...
توبة: تلفونك هات تلفونك نعيطلو...
سوسن: اممم ش. شوفي فوق كوافز...
رحت نجري حكمتني الخلعة اكثر منها.... حطيت رقمو وستنيت يهز نشوف معاها كيفاه تتلوى...
اسحاق: وي روح...
توبة: سامحني خويا اما سوسن قوالها سطر... ولازم تجي...
اسحاق: كيفاه نجي راني بعيد... ماتقدرش تصبر حتى نجيها؟
توبة: قالك تنجمي تصبري حتى نجيك؟
سوسن وهي عاضة على شفتها: لااااا مش قادرة...
توبة: راهي في حالة مستحيل تصبر...
اسحاق: يااه ربي نهار الي تحركت فيه ظهرت راح تولد... توبة اسمعيني كاين دراهم وسط لخزانة اجبديهم واحكمي طاكسي واديها لسبيطار... ومن بعد نلحق...
توبة: ياخويا وين نعرف دنيا انا كيفاه نديها وحدي...
اسحاق: راح نجهل شبيك اطفلة احكمي طاكسي وقلهم اديني لسبيطار ساهلة...
توبة: نخاف والله نخاف...
اسحاق: كوبي نشوف خوها ولا باباها يجيكم...
توبة: صحا...
رجعت بحداها وين قاعدة مطبسة راسها... وحطيت يدي على كرشها ندعي...
اللهم أسألك حُسْن الخُلُق وهَوْن الطَّلْق، يا خالق النفْس من النفْس، يا مُخَلِّص النفْس من النفْس، يا مُخْرِجَ النفْس من النفْس، خلِّصها".
- "اللهم يا مسهِّل الشديد، ويا مليِّن الحديد، ويا مُنْجِز الوعيد، يا من هو كل يومٍ في أمر جديد، أخرجها من حلق الضيق إلى أوسع الطريق، بك تدفَعُ ما لا تطيق، ولا حول ولا قوة إلَّا بالله".
- "اللَّهُمَّ لا سَهْلَ إِلا مَا جَعَلْتَهُ سَهْلًا، وَأَنْتَ إِنْ شِئْتَ جَعَلْتَ الْحَزَنَ سَهْلًا".
- "يا حي يا قيُّوم انها برحمتك تستغيث...
#يتبع
