🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 106:
بعد من الباب وقرب جيهتها...
توبة: لشمبر تحفة انت الي خيرتها؟...
ابراهيم: اممم انا...
حط يدو حطو وراء راسها فتح نقاب...
توبة: خ. خلي عليك انا...
ابراهيم: اشششت
كمل نحالها الخيمار وقرب لدرجة يتنفسو مع بعض فتح شعرها... فوت يدو على كامل عليه مغلغل صوابع يديه وسطهم... نفس تاعو يحرق في خدها الي قريبة لدرجة شفافو قريب تلامسهم...
توبة وهي ترجف: وش تعمل؟
جبد روحو ابراهيم: نعاون فيك حرام نعاون مرتي ...
حركتلو راسها لا دقات قلبها زادو تحس بسخانة لهفتها من تصرفاتو...خلاها واقفة ترجف .... فاتها وهز فاليز حلها... جبد حوايجو راح يبدل...هز تريكو راح ينحيه دورت وجها مغطياتو بيديها ... عقد حواجبو يشوف فيها...رجع هبطو وقربلها حكمها من يديها يرص عليها...
ابراهيم: شوفي معايا لهنا توبة ... من زوجتك وانا حامل تصرفاتك... كل مرة نقول مزالها صغيرة عاملها كما بنتك... امك الله يرحمها ماتت وقعدتي في داركم شهر مع انك عروسة جديدة... قلت معليش حازنة على امها... كنت كل مرة نجيك ترفضي تروحي... والي زاد طين بلة وقت قتللك كيفاه حتى روحتي... قلتي خويا قالي... علاه مش راجل تشوفي فيا... ماتحسيش انت ماعندكش قلب... مش مؤمنة وتخافي ربي... علاه ماخفتيش ربي فيا... ولا ااا حلاتلك وانا ندور وراك في كل بلاصة...(مسح على وجهو ودار رايح جاي في البيت...وهي تشهق بالبكاء )
ابراهيم: يكفي مابقتيش تبكي مش من نحكي معاك تحلي مناحة... اسمعي يابنت ناس كل شيء بسيف غير حبني تجي بالكيف... نخليلك وقت تخمي فيه ورديلي رايك حابة تكملي معايا مرحبا ولا مش حابة مكان حتى مشكل نعفس على قلبي نقلعو من بلاصتو...ولا نخلي بنت مرأة تعفس عليه ... اني خارج وقت نرجع نعرف وش قررتي... مزال ماخطاش خطوة حتى...
تفتحو عيونو وقت دورت يديها على كرشو محضنتو من لوراء راسها حطاتو على ظهرو...
توبة: خلاص متعيطش مكانش قصدي هذا شيء الي حاملو في قلبك... ممكانش قصدي ابراهيم..
جبد روحو من غير مايشوف معاها...
ابراهيم: الي حاملو في قلبي من 5 سنين مايقدرش بنادم يتحملو من غيري... نحبك ايه نعشق فيك ايه... اما وقت توصل لكرامتي لا توبة... انا راجل تفهمي راجل ووراجل عمرو يحمل دل نتع مراة
توبة: راجل وتاج راسي من الفوق... انا دايما هك نخسر لعباد بغبائي... اما طلبت شوي وقت حتى نتعودو على بعض...
ابراهيم: ههههههه الوقت... الوقت قريب شهرين وانا نسمع في نفس لحكاية... راح نسقسيك حاجة ونتمنى تجاوبيني... اما امسحي دموعك هذو...
توبة: امم خلاص مابقيتش نبكي سقسي...
ابراهيم: تحبيني ولا ماتحبينيش...
توبة: لارد
ابراهيم: هههه مش راح تجاوبي كما العادة راح تبقي ساكتة... شوفي راح نسقسيك لاخر مرة... قابلة تكوني مرتي قولا وفعلا توبة؟
#يتبــــــــــــــع
