🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 80:
ابراهيم: مزال ماسمعتش رايك فيها ...
توبة: مليحة
ابراهيم: برك؟
توبة: هايلة والله كل شيء فيها حلو...
ابراهيم: وانت احلى واحلى... تعرفي هذا وين رجعت فيا روح...
توبة: علاه وش كان بيك...
هزيت يدي حطيتها على قلبي...
ابراهيم: كان قلبي يوجع فيا...
توبة: مريض؟
ابراهيم: ايه مريض بيك... مافتش يوم من نهار شفتك وماصليتش ودعيت تكوني حلالي...
(هزيت صبعي فوتو على شفار عينيها)تكون هذي العينين ليا وحدي...(هبطت لخدها فوتت صبعي وقربت ...) وهذا ثاني ليا...(فوتت نيفي على نيفها) حتى هذا ثاني ليا...
جبدت روحها وعطاتني بظهر.... هزت يديها تحب تنحي تاج والخيمار الي حطاتو... قربت جيهتها بعدت يديها وبديت نحيلها فيه... حاط طاح شعرها لاسود على طول ظهرها خلاص مابقاش فيافوتت يديا على مغمض عينيا ... هزت روبتها تمشات جيهة سرير...
توبة: معليش تجيبلي فاليز روب تقيلة نحب نبدلها...
من غير مانجاوبها خرجت جبتها وحطيتهالها فوق سرير...
توبة: اقفل الباب وراك ...
ابراهيم: علاه؟
توبة: كيفاه علاه نحب نبدل ...
ابراهيم: ههههه بدلي نرمال...
توبة: هيه اخرج خليني نبدل...
ابراهيم: ههههه معليه مع الوقت ونبدلولك الفكرة هذي...
هزت حاجبها توبة: وينا فكرة؟...
ابراهيم: معليه اسيدي مكان حتى مشكل انا نخرج نتوظى ونجيك...
توبة: اوكي...
خرجت توضيت ورجعت للكوزينة جبت فاكهة هزيت تلفوني شفت معاه وقفلتو مانحب حتى واحد يقلقني ودخلت عندها... كانت بدلت ولبست فوند غوب بيضاء طويلة وفوقها كاب تعها... قريب ندوخ من شفتها
حطيت صحن فوق طابل دونوي...
ابراهيم: حطي جلبابك خلي نصلو...
بقات مهبطة راسها ترص على صوابع يديها... قربت جيهتها نتبسم...
ابراهيم: توبتي ياك هذا الي لازم نعملوه علاه حاشمة؟
توبة: هو.. هو...
ابراهيم: اهدري علاه خايفة؟ راجلك انا مش غول...
توبة: مانقدرش نصلي...
قالتها فرد مرة جابتلي ضحك...
ابراهيم: مريضة؟
حركتلي راسها بزربة وراء بعضو... قربت حكمتها راسها بست جبينها وفوتت يدي على شعرها...
ابراهيم: معليه حبيبة قلبي مش كاتب تصلي ورايا اليوم... مزال ورانا ايام بزااف...
هزت راسها تشوف معايا...
توبة: سامحني ماكنتش عاملة حسابها... ماقدرتش نعطيك حقك...
حكمت وجها بين يديا...
ابراهيم: وراسك وقفتك درك قدامي ويديا الي تحسست كل ركن في وجهك عطاتني طاقة تخليني نستنى لعمر الكل...
توبة: صح؟
ابراهيم: والله
توبة: مش متغشش مني
ابراهيم: لا حتى طرف... يكفي انت تباتي مقابلة عينيا وعلى نفس مخدتي الباقي يهون... انا زوجت حبيبة قلبي وهذا يكفيني توبتي...
تبسمة وبعدت عليا راحت جيهة سرير بعدت لغطاء ودخلت فيه... رحت انا ثاني في جيهتي ودخلت معاها
ابراهيم: تاكلي فاكهة؟
توبة: لا نحس في قلبي مقبوض نحب نرقد بالاك يخف...
ابراهيم تحبي نقرالك شوي قرآن لعلى يخف... ايه بصح انت حائض
توبة: انا حائض اما هذا مايمنعش ...
ابراهيم: كيفاه مافهمتش ...
توبة: في عهد رسول ﷺ وقت سألتو سيدة عائشة رضي الله عنها لما حاضت فى حجة الوداع اذا تقرا القرآن او لا... ردلها “افْعَلِي مَا يَفْعَلُ الْحَاجُّ غَيْرَ أَنْ لَا تَطُوفِي بِالْبَيْتِ حَتَّى تَطْهُرِي” ا مامنعهاش من قراة القران انما من طواف فقط والا كان بين هذا شيء صح؟
ابراهيم: صح احسنتي...
توبة: ممكن تقرالي سورة الواقعة نرتاح وقت نسمعها
ابرايهم: اكيد نقراها لروحي ...
وقفت جبت المصحف وحطيت على سورة الواقعة ويدي على قلبها رجعت نرتل... ﷽
إِذَا وَقَعَتِ ٱلۡوَاقِعَةُ (1) لَيۡسَ لِوَقۡعَتِهَا كَاذِبَةٌ (2) خَافِضَةٞ رَّافِعَةٌ (3) إِذَا رُجَّتِ ٱلۡأَرۡضُ رَجّٗا (4) وَبُسَّتِ ٱلۡجِبَالُ بَسّٗا (5) فَكَانَتۡ هَبَآءٗ مُّنۢبَثّٗا (6) وَكُنتُمۡ أَزۡوَٰجٗا ثَلَٰثَةٗ (7) فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ (8) وَأَصۡحَٰبُ ٱلۡمَشَۡٔمَةِ مَآ أَصۡحَٰبُ ٱلۡمَشَۡٔمَةِ (9) وَٱلسَّٰبِقُونَ ٱلسَّٰبِقُونَ (10) أُوْلَٰٓئِكَ ٱلۡمُقَرَّبُونَ (11) فِي جَنَّٰتِ ٱلنَّعِيمِ (12) ثُلَّةٞ مِّنَ ٱلۡأَوَّلِينَ (13) وَقَلِيلٞ مِّنَ ٱلۡأٓخِرِينَ (14) عَلَىٰ سُرُرٖ مَّوۡضُونَةٖ (15) مُّتَّكِِٔينَ عَلَيۡهَا مُتَقَٰبِلِينَ (16) يَطُوفُ عَلَيۡهِمۡ وِلۡدَٰنٞ مُّخَلَّدُونَ (17) بِأَكۡوَابٖ وَأَبَارِيقَ وَكَأۡسٖ مِّن مَّعِينٖ (18) لَّا يُصَدَّعُونَ عَنۡهَا وَلَا يُنزِفُونَ (19) وَفَٰكِهَةٖ مِّمَّا يَتَخَيَّرُونَ (20)
حتى شفتها غفات قفلت المصحف ورقدت مقابلها نشوف مع تفاصيل وجها...
#يتبع
