#الحہلقہة_137:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
دخل حط المفتاح على طاولة... وقف يشوف معاه هز المصحف يقرا فيه... تبسم وقت هز راسو شاف معاه بعدما غلقو...
فؤاد: شبيك ثبت فيا ...
قعد مقابلو حط يدو متركز بيها على دقنو...
مروان: والله نحسد فيك على التزامك مع ربي... رغم مكسر وهك مشك مسبل... ولعباد بصحتها تضرب جبل تهدو نحكي على روحي يعني...مرة نصلي مرة لا... مصحف ماشفيتش اخر مرة هزيتو...
فؤاد: وفرحان بروحك... دقيقة من وقتنا بحقها وقت تستغلها فيحوايج تافهة... كنت تهز المصحف وتقرا فيه ممكن وقتها ربي يطرحلك البراكة في حياتك ورزقك وكل شيء... مقصرين في كلام ربي وقاعدين نجرو وراء دنيا الفانية...
مروان: ربي يهدينا وخلاص...
فؤاد: أمين أجمعين يارب...
مروان: تعبت اليوم زاد كملت عليا مليكة بلكسيدون...
فؤاد: معليه تلقاها في ميزان حسناتك...تعرفها يتيمة وماعندها حتى واحد...
غمزو مروان: خير من وقتاه رجعت تخاف عليها...
فؤاد: يزي بلا هبالك... طفلة ماعندي ماداني ليها...
مروان: علاه بينا برك ماتعجبكش؟
شاف معاه عاقد حاجبو
فؤاد: ممن وقتاه انا نشوف مع بنات ناس بعين شهوة...
مروان: ياولدي شبيك مسكر... فرق بين شهوة والاعجاب... مش انت تحب تخطب؟ هاي مليكة تعرفها طفلة صغيرة وطيوبة وتاخد راي... شفت وقت نصحتها على لحجاب خدات رايك ولبساتو...
شاف معاه وبقى ساكت
مروان: وين رحت
فؤاد: بصح هي متحررة زيادة انا واياها مانتوالموش... تعرفني دمي حامي الي يغلط يخلص...
مروان: مد لروجك وليها فرصة اسيدي جرب ماخاسر حتى شيء... اخطبها وتعرفو على بعضاكم في فترة الخطوبة...
فؤاد: وانت كيفاه حتى جاتك فكرة هذي في بالك؟ انا وماحطيتهاش كامل في راسي...
مروان: تعرف خوك يحبلك غير الخير...
فؤاد: اممم خليها للمكتوب... وانت وش خممت في حكايتك وين رايح بيها...
مروان: نقلك وماتتغشش
فؤاد: خير
مروان: ياك مابقاش وتخلاص 4 سنين نتع العقد...
فؤاد: هيه
مروان: مش راح نجددو ومنا للوقت هذا راح نقرا عليه الفاتحة ترجع مرتي ووقت نخرج نتزوجها...
فؤاد: وكيفاه تعمل في لخدمة؟ بانتلي قاعد تخمم بقلبك مش بعقلك
مروان: هذا هو الحل مكانش غيرو... مستحيل نخليها بيها..
فؤاد: زيد خمم مع روحك اولدي راهو مستقبلك هذا..
مروان: مستقبل مافيهش بية ماعندي ماندير بيه... نفتح مشروع صغير نعيشو منو وخلاص وان شاء الله ربي يباركلنا...
فؤاد: ووهك نقلك زيد خمم من بعد تندم...
مروان: خليها على ربي انا نوض نتوضاء ونصلي فاتني لعشاء...
شاف معاه وقت خرج رجع حط يدو تحت راسو يخمم... جات صورتها وهي بالحجاب بين عينيه استغفرة مرة وزوج امت اما هدرة مروان احتلت تفكيرو... اصلا ماجتش لحكاية لبالو اصلا
#يتبـــــــــع
