🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 77:
#دار_توبة
دار معمرة بالي قالت مانعملش عرس... انا نساء دوار الكل تلمت عندهم...كلهم يد باليد... واقفين عليها... الي في الكوزينة والي في صالة... حالة مروية كما حالة كل العراس... صوت الهدرة والحسنتع دري داخلين خارجين...
رحمة: زعمة نلحقو من لليل نعشو ناس كامل...
توبة: والله غلبة صح...
حليمة: انت ريحي روحك بنتي... كاين الي عاون... عماتك واقفين عليها هما وبناتهم كلهم بخبوك وفرحانين لعرسك...
رحمة: قولي حابين يقرعجو...
حليمة: احشمي ياطفلة نعرفك وجهك مقصدر...
توبة: خسارة سوسن وهيثم مش معانا؟
رحمة: ايييي على سيرتهم... نسيت نوجد كابة تع هيثومي...
توبة: انت كيفاه نعول عليك بعدي...
حليمة: ربي يستر وخلاص...
رحمة: صاااار...
تحل الباب وطلت منو كوثر...
كوثر: جات طفلة الي تعملك المكياج وين تحبي ندخلها...
حليمة: جيبيها هنا دوك نخرجو...
كوثر: حاضر مرت خالي...
توبة: امي شبيك علاه حاكمة جيهة صدرك ووجهك اصفر...
تبسمت ومسحت على خدها...
حليمة: غالب عليا فراقك بنتي...
توبة: ماتكنيش
حليمة: لا وبغلاوتك عندي لا تعمليها خليني نفرح بيك...
رحمة: دراما بزاااف لهنا...
حليمة انت اخرجي عليا... عندي مانحكي مع اختك...
رحمة: علاه حرام نسمع؟
حليمة: اخرجي عطلي طفلة الي جات قلها تخدملك ومن بعد دخليها
رحمة: صحااا هاني رايحة... توبة من بعد عاوديلي وش تقلك ماتنسيش اااه...
توبة: اخرجي برك وش تغلبي لعبد...
رحمة: صااااحااا مش مشكل نشوفوك من بعد سوايع...
توبة: اخرجي ربي...
رحمة: خرجت هااه (قفلت الباب )
حليمة: قربي عندي بنتي...
قربت قعدت بحدى رجليها...
توبة: نسمع فيك امي...
حليمة: شوفي بنتي وصاتني جداتني وقالت... يابنتي كوني مرأة نتع زمان الي من صبان الماء ماتبان... قللي ناسك يرتاح راسك... وعرك تعاودي سرك لعزيز.. كل عزيز عندو عزيزة... ومن عزيز لعزيزة سرك سافر بلا فيزا... يابنتي زين راجل كلمة وزينك انت الحشمة... وعرك تمدحي راجل صحيح يشوف روحو احسن وأنت بلا قيمة... وماترجعيش معاه لكلام لقبيح... حبيه وقدريه وكوني معاه حكيمة.. شوفي يابنتي لافاتوك بزين فوتيهم بالنظافة... ولا فاتوك بالفهامة فوتيهم بضرافة...يابنتي لاتحكي على نعمة الي عطهالك ربي... ولا تحكي على هناك في دار راجلك... لبنت لمرأة طيحي في وحدة مغيارة خبث فيها طبيعة... سن يضحك لسن والقلب معمر خديعة... كوني كما لبحر حد لا يعرف همك ولا سرك... ردي بالك تردي على بنادم وانت غضبانة... فهمتيني يابنتي...
توبة: ااااه يامي راح نتوحش هذو الكلمات... وتهني كل كلمة قلتيها راهي هنا في البال...
حليمة: يهنيك ويسعد ويفرحك دايما... حتى ومتت نموت فرحانة تهنيت عليك مع سيد رجال... اما اوعديني سر باباك واحد لا يسمعو...
توبة: عمري واسنين وانا مخبيتو في قلبي... مش راح يجي يوم ونهدرو....
حليمة: اااه يابنت في سبابي غبنتي روحك رضتيني ورضيتي مولاك...
هزت يديها باست كفهم...
توبة: شيء الي درتو معاك وقليك امي...
حليمة: تعيطيلي لاسحاق وفؤاد؟
توبة: غير الخير امي بيك حاجة؟
حليمة: لا بنتي غير حابة نرتاح واحتجتهم في حاجة... وانت وقت تكملي نجي نشوف بنتي وقت تخرج يدها في يد راجلها...
توبة: حاضر امي دقيقة يكونو عندك...
حليمة: روحي راضية عليك دنيا واخرة...
وقفت شافت معاها وكانها تحفظ في معالم وجها... وخرجت راحت تشوف خاوتها
حليمة:في آمان الله بنتي...
#يتبع
