#الحہلقہة_151:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
#صباح_جديد
صونا رفاي نتع تلفون اكثر من مرة ... مزال ماشبعتش نوم مزال حابة نزيد نرقد... جبدتو بيدي شفت مع ساعة ورجعت حطيتو على طابل دونوي... تلفت نشوف معاه راقد شعرو هايج اما ملامح وجهو الهادية خلاتني نتبسم وحدي... حطيت يدي على يدو الي محاوطتني رفعتها شوي باه نقدر نوض... لحسن حضي دار وتلفت لجيهة لخرى...تنفست بعدما قطعت نفس ماحبيتش نفيقو وهو تقريبا مارقدش وزيد رايح للخدمة ... زربت لبست في رجلي حطيت لخيمار وهزيت نقاب وخرجت من غير مانعمل حس... تلاقيت انا ورحمة في دروج قربت باستني من خدي حسيت بتغيرها... حمدالله بدات تفيق مع روحها
رحمة: صباح الخير توبتي...
توبة: صباح النور كيفاه صبحتي...
رحمة: لباس الحمدلله
كملت دخلنا للكوزينة وقفت معايا... هي حطت لقهوة والحليب وانا زربت روحي وعملت ليكراب حاجة خفيفة ...
توبة: وش حوال قرايتك...
رحمة:عادي نحاول ننجح ونخرج منها باقل اضرار...
قربت حكمت يديها وتبسمت...
توبة: حاولي اختي وفرحي ميمتي في قبرها... شفتي وش فوتت باه انت تروحي وتقراي...
تنهدت رحمة: ايه نعرف وانا كنت راح نغلط اختي قريب خرجت طريق...
توبة: خلاص انسي لحكاية...
سكتنا وقت دخل عماد انا هبطت نقاب ورحمة كملت تصب في لحليب...
عماد: صباح الخير
رحمة وتوبة: صباح الخير...
عماد: ريحة تشهي وش عملتولنا...
رحمة: غير كراب برك تعمل فيه توبة...
عماد: اممم راح ترجعنا توبة نوزنو قنطار حسب تنواع نتع المكالة...
نسمع فيه مش حابة نردلو اصلا مافهمتش علاه جاي ويحكي من لفوق...
وجدت طاولة وهو عينو ماتنحاتش مني رجعت نرعش... وهو يحاول يجبد لهدرة مع رحمة اما حسيتها مش مرتاحة... وقفت بعدما شربت لحليب...
رحمة: توبة رايحة مابقاش عليا الوقت...
عماد: اصبري نوصلك في طريقي...
رحمة: لا مانحتاجش من غير ماتقلق روحك...
عماد: ايه كما تحبي...
رحمة: يعطيك الصحة... توبة من بعد نعيطلك قوليلي وش نجيبلك... لانو تعرفي مانحكمش في راسي...
شفت معاها بعيني نتع مانخرجيش اما مافهمتش عليا...
توبة: اوكي يعيشك...
خرجت بقيت متبعتها بعيني رجعت كملت لكراب الي ظهرت ماتخلاصش... حتى حسيتو واقف وراء ظهري... مقرب لدرجة خلاتني نترعب كان دخل ابراهيم... نهاري وننهارو اليوم... درت بسرعة...
توبة: وش تعمل هبلت؟
عماد: ايه هبلت توبتي... مهبول بيك يا روحي...
دزيتو بيدي نحاول نبعدو اما كان اقوى مني...
توبة: ابعد لا يشوفك واحد حرام عليك راني مرت راجل... وش راح يقولو وقت يشوفوك هك...
عماد: وانت مش حرام عليك تزوجي براجل غيري اااه... مش كنت تقولي انو انت تاعي توبة...
توبة: ابعد مش وقت لهدرة هذي ابعد...
عماد: مش راح نبعد تفهمي انت تاعي وحدي تسمعي فيا...
حط يدو يحب يطلع نقاب...
رجعت نبكي بصوت مخنوق توبة: حرام الي تعمل فيه مرت خوك... حرام والله حرام...
عماد: اشششت خليني نشم ريحتك الي نعشقها...
ضربتو على صدرو اكثر من مرة... بالي حاولت نفلت منو غير يزيد يضغط عليا حاصرني مع بوطاجي... خفت نعيط والكل يسمع وقتها... نخرج انا الغالطة وانا مجرد ضحية مراهقة.... بكل جهد الي عندي دزيتو حتى فقد توازن نتاعو وهربت...
عماد: نهايتك بين يدي تسمعي فيا...
ماقدرتش نسمع تكثر من هك طلعت نجري دخلت لدوش وقفلت الباب طحت في لارض نرد في نفس الي نحس فيه تقطعلي...
#يتبــــــــــع
