📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 37:
#عند_توبة
رابطة قندورتها بالحزام تسيق في الحوش ... من الوسخ نتع دجاج... خيمارها على راسها... كملت هزت تويو (هذاك الي يعمرو بيه الماء ) سقات نبتات الكل عاد دخلت لدار... بدلت حوايجها ودخلت لصالون وين كان قاعد خالي محمود وخوها...
توبة: نحطلكم تتغداو...
محمود: ايه والله غير جعت ويحة الملوخية ثقبتلي خشمي...
توبة: تحبو نجيبلكم لهناء ولا في لكوزينة...
اسحاق: كما تحبي...
محمود: كما تبغي عروستي زينة...
مافهمتش علاه حشمت من هدرتو مع انو رافضة الفكرة.. عديت للكوزينة حطيتلهم من كل شيء في سنيوة... وهزيت وديتها لصالة كل مرة نديلهم بالحاجة حتى حطيتلهم كل شيء... وقتها طلت سوسن...
سوسن: بصحتكم...
محمود واسحاق: الله يسلمك...
هزو بداو ياكلو وانا جيت خارجة حتى تصدمت بهدرت اسحاق...
اسحاق: ارواحي الالة سوسن دوقي وتعلمي كيفاه يطيبوولملوخية تاكلي صوابعك معاها...
من هدرتو جمدت في بلاصتي... وهي وجها حمار حتى من عينيها حوالو
سوسن: علاه غير اختك تعرف طيبها حتى تاعي عسل...
اسحاق: ماقلنا والو اسيدي... غير نضحك...
سوسن: محسوب عندك الحق... لازم تكون أبن من تاعي... لازم تتقنها مدامها ماقراتش وماخرجتش غير قاعدة في دار...
شفت معاها ومع اسحاق ومع خالي محمود الي حط الكسرة ومسح فمو... نحس في غصة واحلة في قلبي اما لازم مانبينش...فاعندما تدمع عينك على شيء مكتوم بداخلك... وبسرعة تمسك دموعك على أساس انك قوية... هذا شعور اقوى من المو. ت بحد ذاته... تبسمت كما العادة والعوايد... مش ضعف مني ام جبر بخاطر خويا...
توبة: بصح انا تعجبني ملوخية تاعك اكثر بنينة وحلوة... خويا مش ذواق على روحو...
تبسمت معايا على جنب تبسيمة صفراء
سوسن: مانحتاجش رايك في ماكلتي نعرف قدراتي مليح...
اسحاق: سوســــــن...
سوسن: ههههه فهمت نحكم بيتي احسن...
خرجت من غير ماتعمل حساب لحتى واحد لا لراجلها ولا لضيف الي عندنا... خرجت انا ثاني هزيت سنيوة لامي وقعدت مقابلتها وناكل معاها... دموع تجري من خشمي من كثر لوجيعة الي نحس فيها...
حليمة: شفتي علاه قتلك زوجي؟
هزبت راسي وطاحو دموعي خانوني...
توبة: وبرغم من هذا الكل مانخليكش...
حليمة: علاه تحبي روحك تعيشي دليلة... علاه ماتحطيش كل واحد في مقامو صح... علاه تخليهم يبكوك... مايكفيش الي عشتيه في صغرك... تحبي حتى فيكبرك تعيشيه...
توبة: كاين رب يتولهم... انا وكلت امري ليه... من غير مانكسر راسي مع حتى واحد...
حليمة: سامحي هذا ذل وخلاص... انفضي لغبار على روحك اني نقلك... ولكان تحبي نرضى عليك راح تقبلي بابراهيم ولا انساي عندك ام...
شفت معاها وشهقت اخر حاجة كنت نتوقعها منها
#يتبع
