🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 73:
#رحمة
راكبة بحداه نشوف معاه بنص عين... يعني انا درك راكبة بحداه... وش هذي صدفة الي خلاتني نتلاقى بيه... نضغط على صوابعي بين بعد حتى رجعو حمر متناقضة مع روحي هذي رحمة الي كانت تخاف تتحرك خطوة من غير ماتعمللها حساب... صونا تليفوني كانت ايمان هزيتو من فوق حجري وكوبيت عليها... ودرت وقت سقساني...
أكرم: أحسن درك..
رحمة: اممم الحمد الله
رجعت نشوف مع طاقة... من بعد جات لبالي كون تشوفو مرتو معايا مشتعمليمشكل وانا مش في وقتو...
رحمة: حبس لهنا...
اكرم: علاه؟
رحمة: قتلك حبس وخلاص...
ڨارا على جنب رصيف وقفل طموبيل...
اكرم: شبيك وش صرالك ...
رحمة: ماخممتش كون تشوفك مرتك معايا وش راح تعمل...
عقد حواجبو اكرم: شكون قالك مزوج؟
شفت مع الخاتم: وهذاك وش؟
هز صبعو يحرك في الحاتم...
اكرم: والي يلبس خاتم معناها مزوج؟
رحمة: هك نظن...
اكرم: تهناي مش مزوج كاعندك علاه تخافي...
وقت قال مش مزوج قلبي خض بقوة... مزلت مش مأمن زدت عاودت سقسيتو بدهشة ...
رحمة: مش مزوج؟
اكرم: كنت اما درك كل واحد راح لحالو...
زادت رجعت علامات الخيبة مرة اخرى... منفصل ولابس خاتمها لدرجة هذي يحبها...
اكرم: هااا نقدر نكمل نوصل عند الحاجة خلي نروح لداري و نريح؟ حركتلو راسي بإيه...حطيت راسي على زجاج تايها في تفاصيل حياتي... حتى هز فرمان ونحى سبتة...
اكرم: وصلنا يالا...
بقيت مدة مترددة اما خلاص وصلت نزلت وراه بعد هز كابة نتاعي... وصلنا بحدا الباب حط المفتاح يفتح حسيت الخوف زاد مافهمتش علاه... اما وقت ناض يعيط على امو الي خرجت من الكوزينة فرحت ماخيبش ظني فيه... قرب حضنها سلم عليها... حسيت علاقتهم بزاااف قوية...
اكرم: حاجة يالروح هذي رحمة طالبة عندي لقيتها في طريق بعدما خرجت من الاقامة لانها تعرضت لمحاولة إغتـ... صاب...
قربت جيهتي سلمت عليا...
كريمة: تنكسر يديه إن شاءلله الله لاتربحو... شوف وجها مسكينة...
رحمة: سامحيني طاطا جيت مكانش عندي حل اخر...
قربت حضنتني تمسح على ظهري...
كريمة: مرحبا ببنتي نحطك في عينيا...
اكرم: نحن هنا...
كريمة: ادخلو تعشاو... علاه واقفين...
اكرم: انا تعشيت بكري... نخليكم نروح تاعب راح نطيح من تعب... وانت رلهي معاك رحمة توانسو...
كريمة: زين ماعملت ولدي...
رحمة: شكرا استاذ خيرك ماننساهش...
غمزني وعمللي تحية بزوج صوابو الي كانو فيهم المفاتح... وخرج قفل الباب وانا حاجة كريمة دخلتني لبيت بدلت وخرجت لاكوزينة...
كريمة: ادخلي علاه حاشمة...
رحمة: اكيد تقولي طغلة هذي مش متربية... داخلة على ناس ماتعرفهمش...
قربت حكمت يديا بين يديها كريمة: لا ماقلتش لانو الي صرالك مش شويا اما الي حيرني اهلك وين؟
رحمة: نسكنو في دوار بعيد... حاولت نحكم طاكسي نروحلهم اما ماحبسوش...
كريمة: احسن ماروحتيلهمش وانت بالحالة هذي... والا وش كان راح يكون موقفهم...
هبطت راسي مع دمعتي الي طاحت...
رحمة: اقل شيء يحبسوني قرايا...
كريمة: هيا يزيك بلا بكاء... ربي بعتك ليا باه تونسيني... اقعدي نتعشاو... حسيت روحي حييت وانا من شوي نضت بقدرة قادر...
تبسمت وقربت بعدت الكرسي قعدت عليه... نشوف معاها وهي تحط في صحني وتحكي... حسيت بلامان وكانو امي هي الي واقفة...
تعشينا وغسلت لماعن بعد عدت محاولات باه قبلت... قعدنا ساهرين وكل مرة تجبد حكاية على اكرم من غير حكاية مرتو ماجبدتهاش...
#يتبع
