📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 34:
#عند_احمد
وقفت قدامو جيهتو وين يسوق وهو يتكيف...
انفال: وش تسحق ياخي حبيت نهبط هاني هبطت... ودرك مابقيتش نحب نشوف خليقتك...
نفخ دخان في وجها ورماه ... شاف قدامو عينيه شاعلة فيها نار
احمد: اركبي...
انفال: هههه هبلت نظن... رانا قريب نص الليل...
احمد: اركبي ولا نهبطلك...
قلبت عينيها وراحت من جيهة لخرى ركبت...
مزالت ماحطت رجليها في طموبيل حتى ديمار خلاها تروح وتجي... ناضت تعيط على طول صوتها...
انفال: وين هبلت انا وين مديني... احمد وين(ناضت تبكي بصوت وتضرب فيه...حكملها فمها قفلهولها بيديها وكمل يسوق...حتى وصل لطريق خالية وضلمة في نفس الوقت...تضرب فيه على يديه تحبو تحبو ينحيها تتبربص من الخوف الي ركبهولها...رجع راسو على لكوسانة وسكت يسمع في صوت شهقاتها... )
انفال: احمد رجعني راك خوفتني...
احمد: علاه خليتيني نوصلو للحالة هذي ...
انفال: رجعني احمد ربي يسترك... والله مانقول لحتى واحد...
احمد: ههههه محسوب خفت... شوفي يابنت ناس... جبتك لهنا زكارة...
انفال: علاه وش عملتلك انا...
احمد: علاه تشطحو في هم تيكتوك علاه تعملو هك...
انفال: حاجة تخصني احمد انت وش دخلك فيا...
قرب منها عروق الي فوق جبهتو تنفخو... من كثر ماعاقدها حكم فكها بين يديه يرص عليه خلاها تعيط...
احمد: قتلك نحبك ومانحبش نشوف حاجة منك تبان... تفهمي ولا لا...
حركتلو راسها تبكي...
انفال: ربي يسترك خليني نروح وانساني لانو مش راح نساعدك...
قرب حط جبهتو على جبهتها يدو وراء رقبتها...
احمد: عمري ننساك ياطفلة... وقتلك من قبل ونزيد نقلهالك... راح ترجعي مرتي وزينة داري...
انفال: بصح انا معمرة اخطاء انت ماتحبهمش راح تتعب معايا... وفوق هذا الكل انا مانحبكش ومش راح نحبك...
احمد: اممم على هذيك صوت قبلك قريب يثقبلي طبلة نتع وذني...
انفال: من الخوف احمد شوف ساعة وشوف وين جايبني... وزيدها الله اعلم وش عملت في مايا وجيتني هك كما المهبول... وتحبني نتصرف عادي وقلبي مايتمردش يحب يخرج من بلاصتو...
بعد عليها يضحك بصوت...
احمد: ههههههه هاك ظهرتي بالعة بوبينة نتع شاب حسني...
انفال: سامط اقسم بالله...
رجع يشوف معاها بجدية...
احمد: اعطيني تلفونك...
انفال: علاه؟
احمد: هات تلفون قتلك...
انفال: هبلتي علبالك؟
احمد: حاجة تخصني... هات لهنا
(نحاهولها من يديها بالقوة...) حطي جد الكود...(حطتهولك )
انفال: الله لا تربح نهار الي تلقيتكم فيه...
احمد: زيدي كلمة اخرى نكسرهولك هذا فمك
انفال وهي تمتم : حي. وان
احمد: يمعبني وش قلتي...
سكتت وبقات تشوف وش قاعد يعمل.... دقايق ورجعولها
انفال: وش عملتي...
احمد: طيرت لكونط نتاعك كل خليتلك غير الفيس ... ونزيد نلقى حاجة من حوايجك ولا فديو اخر ولا كونط بإسمك تحل بتخبية ولا تخلصبها غالية... وحطي في بالك نتلقى عماد ونخطبك لتم تشوفي احمد واحد اخر يالالة...
انفال: تحلم نكون ليك...
دور المفتاح نتع طموبيل...
احمد: الايام تبين... درك نوصلك تطلعي تعيطيلي تقولي وصلت... نحب نفس الي تتنفسيه نعرف بيه... والا والله والي خلقني خواتك يوصلهم فديواتك ونديك من فوقها اجباري...
رجعت تبكي وتغص... هبطت من عندو طلعت على طراطش صوابعها خافت لايشوفوها... دخلت لبيتها قفلت الباب وتكات عليه... حاطة يديها على قلبها تحسو راح يخرج...
#يتبع
