🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 55:
نروحو بلاصة اخرى فيدار سي #محمود... بعد نص الليل وناس الكل راقدة دنيا سكات وظلام...راقدة بجنبو تمسح على شعرو وتخمم...
حنان: ايه يا ولدي إن شاء الله تكبر ماتتغشش مني... كان لازم عليا نعمل هذا شيء... كان لازم نبعد على هذيك العيشة...
ضرب ضوء نتع طموبيل في طاقة نتع بيتها... بعدت على ادهم بشوي غطاتو وراحت تطل تشوف شكون فيهم الي جاء... قابلها خارج يغني رجل تضرب في رجل مش قادر يوقف عليهم... حطت يديها على فمها اليوم نهارو لكان فاق بيه باباها... زربت لبست كاب فوق بيجامتها وخرجت فتحت الباب... قابلها متكي على الحيط يضحك...
عماد: اووووه حناااان هههه جات استقبلتني...
قربت بسرعة حطت يديها على فمو مسكاتاتو... ودارت تشوف وراها... لكان واحد فاق بيه... وهو يحب ينحي يديها باه يزبد يحكي...
حنان: اششششت هبلت كون يسمعوك...
عماد: ويسمعوني وش فيها...
حنان: نقص صوتك ربي يسترك... هيا قدامي... نطلعك لبيتك وغدوة نحكو فيها جاي شارب لدار...
عماد: هههههه اا شكون قالك شارب...
حنان: عدي قدامي ماتهبلنيش تحب بابا يفيق...
حكمتو من يدو دورتهاعلى رقبتها... تجبد فيه لبيتو وهو يتمايل...
عماد: علاه علاه مالقى حتى واحد يزوج بيها غير هي...
طلعت راسها تشوف معاه...
حنان: شكون؟
وصلتو للبيت ورمى روحو على لفراش... يضرب على صدرو
عماد: نحبها انا نحبها مش هو...
هلطت عدلتلو المخدة تشوف معاه...
حنان: انت شارب على روحك وقاعد تخلط...
ناض يضحك بصوت... زربت قفلتلو فمو...
حنان: اسكت اربي اسكت راح تهبلني ولا...
عماد: انا مهبول بيها ههههه...
هبطت نحاتلو صباط وغطاتو...
حنان: غدوة نحكو فيه موضوع هذا وقت تفيق...
حكملها يديها حبسها يحكي وهو عين مقفولة وعين مفتوحة...
عماد: حنان اعملي حاجة مانقدرش نشوفها معاه...
عقدت حواجبها مش حابة تحط في بالها ولا حتى تحب تخمم انو يحكي على خوه...
طاحت يدو وتمتم بكلمات شبه مسموعين...
عماد: توبة تاعي انا وحدي...
تفتحو عينيها يعني الي شكت فيه صح... حطت يديها على فمها مشوكيا... شافت معاه مدة وهو يتمتم وخرجت تكركر في رجليها... دخلت لبيتها قفلت الباب بقات رايحة جاية... مش مستوعبة لحكاية هذي... حاطة يديها وسط شعرها تسل فيه... مش عارفة منين خرجت لحكاية هذي ثاني... خرجت من بيتها راحت للكوزينة هزت كاس ماء شربتو... ودارت على دخلت بوها...
محمود: وش تديري...
حنان: نشرب في الماء
محمود: صبيلي معاك...
هزت كاس اخر صبتلو ماء وحطاتو بحداه من غير حتى كلمة... وجات خارجة مشحابة يزيد يبخصها...
محمود: وشمسهرك لدرك؟
حنان: هاااا
شرب من كاس نتع الماء محمود: سؤال واضح...
حنان: غير نخمم في عرس ابراهيم... تعرف حنا يتامة الام لازم نوقف معاه...
محمود: ماكمش يتامة مدامني حي...
قربت جيهتو حنان: بصح انا رجعتني يتيمة بابا....
شاف معاها مدة ورد ....
محمود: انت الي وصلتي روحك
حنان: انا كنت ضحية بابا علاه مشحابة تفهم...
محمود: ومش راح نفهم....
#يتبع....
