🌙رمضان_يجمعنا 🌙
🍁🌾حبہــــــر _العہــــــــون🌾🍁
🤍نہـــــــــوا يہــــــــــآ🤍
❌⛔ ممنوع النقل ⛔❌
بقلمي: zaineb_mer
#حبہــــــر_العہــــــــون:
الحہلقہة 08:
حاطين الpc بيناتهم توريلها كيفاه تعمل تخطيط على اتوكاد...
إيمان: بربي قوليلي كيفاه فاهمة لهم هذا...
رحمة: انت الي بهيمة ومخك مغلق فيه غير لـ...
إيمان: هايوااااا بلعقل علينا اخيتي تعلمتي تخدمي حاجة راح طيري... ديجا راح ندخل نعمل دورة نتع اتوكاد ونتعلم ولا يمزيلك مزية..
شافت معاها عاضة على شفافها حاكمة ضحكة...
رحمة: شبيك يا ااا كليتيني من بديتي تحكي لا سكتي...
وقفت عدلت قشها شافت معاها على جنب ووقفت قدام طاقة تطل...
ايمان: لهدرة حرمت معاك رجعتي قطة تخبشي ومن الفوق ماتخديش راي...
حطت ال Pc على جنب ووقفت حتى هي حداها تطل
رحمة: شبيك حوالك من روحتي مش عاجبتني... الي يحكي معاك كلمة تشعلي فيه
من غير ماتدور تشوف معاها تنهدت مجاوبتها...
إيمان:باينة عليا لدرجة هذي؟
رحمة: ايه وبزاااف ثاني...
إيمان: ايه شويا وقت ونرجع كما كنت مايهمكش فيا...
جبدتها من يديها قعدتها على سرير...
رحمة: احكيلي مش انا اختك اممم... مش هك تقولي علاه حالتك ماتعجبش ...
تهرب في عينيها الي تملاو دموع عاضة على خدها من داخل... غصة حاصلة وسط حلقها...
رحمة: احكي نسمع فيك... وش صرالك وقت روحتي لداركم...
تنهدت وهبطت راسها إيمان:ر. راح يارحمة...
رحمة: شكون هذا؟
ايمان: شكون غيرو أيوب...
رحمة: وين راح ثاني ياك كل مرة يروح ويرجع نرمالمون راكي والفتي...
ايمان: لا مرة هذي مابقاش يرجع...
رحمة: كيفاه يعني راح...
إيمان: حرڨ وخلاني رحمة... بالي حاولتو بالي بكيت بالي تشحت فيه قريب نبوسلو رجليه... راح وخلاني وحدي
شفت مع دموعها الي تجري... قربت ليها حضنتها تمسح على ظهرها...
رحمة: علاه لبكاء درك زعمة راح يفيدك ولا راح يرجعو امم... راح الله يسهل عليه... درك شوفي حياتك ومصلحتك قبل كل شيء... صح ولا غالطة
(بعدت من حضني تمسح في دموعها بكم تريكو الي لبساتو... ورجعت شعرها وراء وذنها) بوخنونة هذي...
إيمان: مارانيش نبكي عليه نبكي على روحي وعلى عمري الي فوتو معاه...
رحمة: درك خلاص ارمي وراء ظهرك وماتزيديش تخمي فيه... عمرك تحطي راجل هو اول اهدافك...
إيمان: بصح نحبو...
شفت معاه على جنب مدة هزيت لمخدة وضربتها بيها نضحك...
رحمة: مزالك تقولي نحبو سيد هج راهو عامل رجلو في بلاد الكفار وانت ابكي عليه... وش تحبو دراما انتم لبنات...
إيمان: محسوب انت ذكر... بالاك مش فايقة بيك الالة انا... راني خبزاتك وعجانتك...
شفت معاها بتشكيك وهبطت رجلي لبست بانتوفل... ورحت صبيت كاس ماء نشرب
رحمة: وش خابزة الالة...
إيمان: أكرم...
رحمة: شكون هذا ثاني؟
إيمان: امممم محسوب ماعرفتيهش... شوفي معايا لهنا شوفي...
(عقدت حواجبي ودرت نشوف معاها معوجة فمي نحب نعرف وين حابة توصل...)
رحمة: هاني نشوف الالة وش حابة تحكي؟...
إيمان: علبالي بيك راسم على أكرم... وصراحة نقلك عندك الحق... راجل تحفة خالصة... خظام بدراهمو بطموبيلتو و...
رحمة: هاتنفسي بالعقل وين راح بالك... ايمان أكرم مجرد استاذ فقط لا اكثر ولا أقل... نحي تخمام هذا من راسك...
ايمان: محسوب ايه...
رحمة: يا إيمان ياحبيبتي راجل ماشفاش معايا حتى بربع عين...
إيمان: ايه اما انت يعجبك احكي صح.. يعجبك؟
هبطت راسي نلعب بصوابع يديا وانا وليا مالقيتش الجواب... تنهدت
رحمة: مانعرف والله...
خلعت وقت قفزت عليا تضحك.. خلاتني حتى نضحك...
إيمان: ههههههه كنت عارفة والله كنت عارفة...
رحمة: بعدي عليا يالمهبولة بعدي غميتيني ...
إيمان: ههههههههههه ياو واحد لايفوتها عليا...
رحمة: ياللا بلا هبال خلينا نكملو قرايتنا...(عقدت حواجبي ) اسمعي مش كنت درك تبكي على الاطلال ولا خلاص نسيتي...
إيمان: ا (طبطب الباب ) اصبري نفتح... بالعقل برك طيروه الباب خير
سناء: انت كون ماتنطقيش تصرا فيك حاجة... يالااهبطو عندنا حفلة لتحت راهم جابو dj الحالة مهولة...
رحمة: علاه وش كاين اليوم...
ايمان: ماتقوليش عيد المراة هذا وين فاقو وراح يديروه...
سناء: ايه هيا خفو رواحكم خلينا نزهاو شوي...
ايمان: روحي برك دوك نلحقوك...
رحمة: والله جات في وقتها حتى انا تغميت...
إيمان: مكانش منها الي يشوفك اول ماجيتي... يكذب درك ايا البسي خلينا نهبطو...
رحمة: ساهل حالي انا نحط الجلباب وهي تفرزت
ايمان: جلباب بلقوسطو ياخي حالة...
رحمة: يالا قدامي وبلا حلان فم...
#يتبع
