📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 32:
#عند_حليمة
هرت عينيها متوترة من سؤالو... مدت يديها تحاول تهز كاس الماء تشرب... قرب مدهولها وعاونها تشربو...
محمود: بصحة
حليمة: يسلمك يعطيك الف صحة...
رجع حط الكاس وقعد يشوف معاها مدة وهي تهرب في عينيها
محمود: قلقك سؤالي نظن...
حليمة بتوتر: لا علاه يقلقني...
محمود: هاني نستنى تجوبيني...
حليمة: قالك هو اكبر منها وزيد محبسة قرايا يعني مشنفس المستوى خاف يعايرها بقرايتها نهار اخر...
محمود: الي حيرني كيفاه توبة بعدما كانت هي الاولى و bem كانت الاولى على مستوى الولاية... كيفاه حتى حبست مافهمتش انت دوار هذا كامل يحكي وفخر بيها...
حليمة: هذا الي كتب وانا نهار الي قالت نحبس قراية الي بكيتو يعلم ربي بيه... حالتها نفسية دهورت تحب غير تقعد وحدها
محمود: علاه وش صرالها...
حليمة: لا هك وخلاص حبت تقعد في دار... وتعرف عقلية دوار...
محمود: كيفاه عقلية دوار تخلوها ضيع مستقبلها؟
حليمة: تعرف بوها وقت حبست قالها لكان حبست تموت وماترجعش مرة اخرى...
مسح على وجهو راح يجهل...
محمود: ايه وين وصلنا في حكاية ابراهيم...
حليمة: لكان قبلت الف مبروك ليا وليك...
دخلت تحكي هازة صينية في يديها...
توبة: سامحوني طولت عليكم... كنت ندخل في القش المطر بدات تصب...
محمود: نعمة من عند ربي... وانت علاه تشقي في روحك وجايبة الفاكهة... راني تعشيت وتنفخت مكانش بلاصة وين...
توبة: زيد حتم على روحك هههه...
محمود: كون تقبل تكون كنتي راح نتهنى وقتها وناكل حتى ندوخ...
هبطت عينيها وتبسمت بقهر...
توبة: خالي محمود لكان ماتتغشش مني الموضوع هذا حكم فيها ابي قبل وانا المرة هذي ثاني من رأيو.. مانقدرش نخلي امي وهي بالحالة هذي... تخرج 3 مرات في الاسبوع تصفي... مش انا الي نفسرلك حالتها... انت ادرى بحالها خالي...
محمود: اما انت مش راح تخليها ولا تبعدي عليها...
توبة: كيفاه؟
محمود: تعرفي بالي انا ثاني عندي دار لهنا في دوار نخليكم تسكنو فيها وامك راهي هلى عينيك...
توبة: خالي ربي يخليك ماتضغطش عليا مانقدرش... ربي يخليك ارحموني مش قابلة وخلاص...
محمود: مش راح نفقد الامل متاكد راح تخمي مع روحك ولكان تحبي تقابلي ابراهيم واحكو ممكن تتفاهمو...
سكتت ماردت حتى كلمة... وقف متبسم...
محمود: نخليكم تصبحو بخير... ويعطيك صحة بنتي توبة على لعشاء وكل شيء...
توبة: من غير مزية فرحت الي عجبك...
بقاو يشوفو معاه حتى خرج...
توبة: امي نتمنى ماقلتليوش علاه رفض ابي قبل...
حليمة: لا اما نحب نقلك بابك ضيعك على جال مصلحتو نتمنى انت ماتكونيش غبية وتضيعي روحك...
وقفت باستها على جبينها...
توبة: تصبحي بخير امي مابقاش الحال بكري نحب نرتاح شوي... كما تعرفي لازم نقوم بواجيباتي مع ربي...
حليمة: مليح امالا استخيريه...
حركت راسها متبسمة تعرف امها وقت تضرب على الوتر الحساس... توبة: حاضر يجعل فيها خير...
#يتبع
