🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 101:
توبة: غدوة بعد نروحو؟
ابراهيم: ايه
توبة: بصح حوايجنا بزاف كيفاه نرفدوهم في ليلة...
ابراهيم: لا غير حوايجنا نتع لبسة برك... نخلو دار كما راهي... وقت نحبو نرجعو في اي وقت نلقاوها واجدة...
توبة: بصح ماودعتش اسحاق...
ابراهيم: غدوة صباح نعدولو ونروحو...
توبة: اوكي... ودراكم علبالهم بالي جايين؟
ابراهيم: ايه فرحو بزاف وقت سمعو... قتلهم يوجدولنا شمبر تاعي...
توبة: مليح... انا نسبقك نحط لحوايج وانت وقت تكمل الحقني...
ابراهيم: اصلا شبعت نغسل هذو ونلحقك...
توبة: لا خليهم لازم نرجع كل حاجة لبلاصتها...
فات الوقت واقفين لزوج نعمرو في لفاليز... مايفلتش فرصة يتغزل بيا... حسسني اني اميرة صح...
وقفت نمسد على ظهري من دايما يوجعني وقت نتعب بزاف...
ابراهيم: شبيك؟
توبة: شوي سطر في ظهري من تحت...
ابراهيم: اقعدي ارتاحي... مابقاش بزاف ونكملو دروك ندبر راسي في الباقي...
وصح ماقدرتش نوقف اكثر قعدت على سرير.. جاء حطلي مخدة وراء ظهري وكمل يدور كل مرة يسقسيني على حاجة وين يحطها وقت كمل تمد حدايا على سرير...
ابراهيم: اووووف خلصنا...
توبة: خليتك وحدك؟
جبد ايدي باس كفها اكثر من مرة خلاني نرجف...
ابراهيم: تعبك راحة اميرتي...
توبة: يعيشك... انا نرقد شوي لازم نوض من بعد...
إبراهيم: كيفاه راح تقدري توقفي في صلاة وظهرك يوجع...
توبة: نعمل شوي pommade يخف عليا ونقدر نوض بقدرة ربي...
ابراهيم: هات pommade خلي نعملك وارقدي ارتاحي...
فتحت عيوني مجرد فكرة يعملي دوختي... تنطرت واقفة رجعت شعري وراء وذني... وخرجتها من درج
توبة: لا نعمل وحدي...
وقف مقابلني رجعت يدي الي حاكمة pommade وراء ظهري... قرب اكثر تفصلنا مسافة صغيرة... خلاني نجمد في بلاصتي... وقت دور يد على خصري واليد لخرى نحالي بيها بوماد...
ابراهيم: وانا قتلك انا نعملك... مرتي مش عيب هذا شيء... وشيء الي تخبي فيه شايفو اليوم ولا غدوة...
توبة: ابراهيييم...
ابراهيم: اميرتي...
توبة: خلاص ماعدتش نحب نعملها... بعد خليني نرقد...
ابراهيم: مش قبل لا نعملك بوماد...
توبة: لا مانحبش...
ابراهيم: علاه هذا كل وكانو قاعد نعمل في حاجة حرام ومع مرتي،...فيقي مع روحك توبة فيقي... راني صابر ولصبري حدود... شيء الي تعملي فيه مايجوزش...
محسيتش غير ودمعتي طاحت وقت عيط عليا... وخرج قفل الباب بقوة... دخلت في فراشي وتكمشت وسطو... دموعي تهبط وحدها...كنت عارفة مستحيل تكون فرحتي كاملة... استنيتو يدخل للبيت لانو يعرف بالي نخاف نبقى وحدي... زاد خوفي اكثر وقت طول ... وانا خايفة نخرج ومانلقاهش استغفرت وشهدت اكثر من مرة... حتى حسيت بعينيا ثقالو... وايدين حاوطتني تبسمت وسط نومتي وقت همس في وذني...
ابراهيم: سامحيني اميرتي مكانش قصدي نبكيك...
درت جيهو حطيت يدي على تريكو تاعو وكبست عليه... نحكي وانا شبه غايبة في نوم...
توبة: مابقيتش تخليني وحدي نخاف...
#يتبـــــــــع
