🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 98:
#مليكة...
واقفة مع طاقة نشوف جو الي غيم فجأة... وقطرات لمطر الي نزلت... طلعت ريحة تراب الي تخليني نحس بفرحة من ريحتو... يفكرني بصغري انا وبابا... تبسمت وقت حضنتني مدورة يديها على كرشي...
بية: خايفة برشا...
عقدت حواجبي وكانو نفس شعور نحس بيه...
مليكة: مزال مايعطش؟
حركتلي راسها وسكتت... تنهدت نشوف مع سماء...
مليكة: إن شاء الله يرجعو بخير...
بية: إن شاءالله...
درت نشوف معاها ومع ملامح وجها...
مليكة: جربتي عيطتي؟
بية: اي اكثر من مرة... اما كما العادة مغلق...
مليكة: عاودي عيطي مرة اخرى...
بية: باهي إن شاءالله مرة هذي يشد...(حطاتو مدة على وذنها ) لا مكان شيء... راح نهبل راهو...
مليكة: خوافة وخوفتيني معاك...
بية: سع شوفي الوقت...
مليكة: نعرف وراس اختي نعرف...هاتي نزيد نجرب لعلى يهز...
بية: يارب... مانحبش نسع خبر عليه مش باهي... راح نهبل جرايرو...
حطيت تلفون في وذني رايحة جاية نطلب ونعاود... فاتت اكثر من نصف ساعة حتى هز مروان زربت حطيتو في وذنها...
بية: ياروحي انت وينك لتوة حيرتني عليك...
مروان: الله لايحيرك...
بية: شبيه صوتك عيش حبي... انت لباس توا؟...
مروان: انا لباس جروح خفيفة برك...
حطيت وذني معاها على تلفون... وشوشتلها
مليكة: سقسيه على فؤاد؟
بية: وصاحبك فؤاد؟
مروان: طاح طيحة خايبة من فوق تلة...
نحيتلها تلفون وسقسيتو...
مليكة: وهو لباس وش صرالو... وين راهو درك؟
مروان: في مستشفى العسكري... دخلوه للعمليات... ادعيلو مايصرا شيء...
مليكة: جايين...
قبل لايحكي قطعت تلفون وشفت مع بيه الي باهتة فيا...
مليكة: البسي نروحو لعندو...
بية: وإنت شبيك خفت عليه...
مليكة: هيا بلا هدرة زايدة...
لبست خيماري بسرعة وهزيت مفاتح طموبيل وصاكي خرجت سبقتها... بالي لعندو ماعرفتش نبرر سبب خوفي عليه اما الي يهمني اني نشوفو درك... اول ماركبت قلعت ماستنيتش ثانية وحدة... ماحسيتش كيفاه وصلت... طلعت نجري سقسيت عليه رجعو شاورولي على طابق... اول ماطلعت وشفت مروان بكلو خباش في وجهو... قلبي زاد عصر عليا... درت شفت مع بية الي حطت يديها على فمها وشهقت دموعها سبقو نازلين...
مروان: اشسشت خلاص هاني بحداك علاه لبكا...
هزت يديها تمسح على خبشات وهي تبكي...
بية: فيا ولا فيك ياروحي... شوف وجهك كل خبوش وش الي صرامعاكم...
مروان: هذي هي خدمتنا وكل مرة يصرا نفس شيء... قربت راح تحضنو... اما هو سبقها حكم وجها بين يديه...
مران: يزي بلا خوف نحب مرتي بعشرة رجال...
تبسمت معاه وحركتلو راسها... كامل تفكيري مع فؤاد. وماعرفتش كيفاه نسقسي عليه... اما رحمتني بية وقت سقساتو...
بية: وفؤاد؟
مروان: منع على شعرة والا كنا في جنازتو...
مليكة: وش العملية؟
مروان: سلامات كسر في رجلو... وشوي جروح في ظهرو وكرشو خيطوهملو...
مليكة: نقدر نشوفو...
مروان: ايه هذيك بيت نتاعو...
مافهمتش علاه نعمل هك وعلاه حابة نشوفو... مايربطني بيه حتى شيء... فتحت الباب قابلني راقد
#يتبـــــــــــع
