#الحہلقہة_115:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
#فؤاد_مروان...
ضاغط على عينيه الليل كامل وهو يطلع ويهبط... ماعرفش منين يلقالها حل... دار شواف معاه وقت تلفونو صونا...
مروان: هز رحمة على والديك مانيش ناقص صداع راس...
فؤاد: وشبيك شاعل على صباح ربي غير الخير...
مروان: هز برك...
شاف ورجع عاود لخوه...
اسحاق: سلام عليكم راجل...
فؤاد: وعليكم سلام ورحمة الله وبركاته... وش لحوال ابو حميد...
اسحاق: اخويا سوال عليك هيثم راه غير يكبر ومزال ماشافش عمو..
فؤاد: ومزال مايكبر مايشوفنيش كامل...
اسحاق: علاه اسيدي غير الخير...
فؤاد: وش نجي ندير عندك... الوالدة دايم ربي لبنات كل وحدة عايشة حياتها... وين نجي بعدما فرغت دار من ماليها...
اسحاق: علاه مش خوك ماتجيش عندي...
فؤاد: والله فكني من الهدرة هذي...
اسحاق: مريقلة اسيدي فكيناها... وانت وقتاش ناوي تكمل نص دينك وتفرح امك في قبرها...
فؤاد: حسب شوفة لاازمني في اقرب وقت...
اسحاق: هيا خف وشوف شكون نخطبولك...
فؤاد: خليني نحكي مع توبة بالك تعرف شكون...
اسحاق: إن شاءلله... انا نخليك راجع للفلاحة نحكو إن شاءلله...
فؤاد: مريقلة...
قطع عليه وهز راسو لمروان الي وقف...
مروان: نجيب قهوة ونجي...
فؤاد: ماتكثرليش سكر... ويزيك بلا غش عروق رقبتك راح تتقطع...
مروان: خليتها على ربي...
خرج ضربت فيه شمس غطاها بيديه يحجب في ضوء... تنهد وتخطى خطوة حتى سمع صوتها...
بية: على سلامتك...
عض على شفتو هز يديه يعصر على عينو... مزال مش واجد باه يحكي ولا يفهمها... قربت بحداه حكت يدو مطلع حاجب ومهبطة حاجب...
بية: قولي سي شباب وينك من لبارح نطلب ونعاود وانت مطفيني...
فؤاد: بية يهديك ربي امشي روحي من بعد نحكو...
بية: بية هههه رجع اسمي بية درك مروان... شبيك اش لصرالك بكري كنا ملاح عين الله علينا... فيسع تقلب كل شيء ولا خلاص ماعادش حاجتك بيا... كرهتني مروان
شاف مع جنابو لزوج وحكمها من يديها طلعها لطموبيل تعها الي جات فيها... طلع ركب جيهة لخرى...
مروان: وراس امي الغالية لا كرهتك ولا خممت اني نكرهك... راك عين من عيني... يشهد عليا ربي انو حبيتك وعشقتك...
بية: ماتقولهاش عاد رد بالك تقولي كل وا على روح... والله نموت مروان....
دور وجهو عينيه حمارو جمر... حطت يديها على دقنو...
بية: بجاه ربي لا تعملها مروان...
حط يدو على خدها يشوف في عينيها... دموعها محصورة بين شفارها...
مروان: نحبك بية حتى وخممت ليلة كاملة باه نخليك طلع صباح وبطلت عليها لحكايةة...
بية: شنوة صار في هذي الي الليلة..
مروان: الي نعملو فيه حرام بية...
بية: كيفاه حرام؟...
مروان: ايه لازم مانبقاوش هك من غير زواج...
بية: مزوجو ميرو... مهم نكونو مع بعضنا...
مروان: مستحيل
هبطت دمعتها تجري كواتها شواتها شعلت جمرةة وقداتها... من دمعة رجعت شهقةة. ومن شهقة شهقات...
بية: اهبط يعيش وصلني جوابك...
مروان: بيا ياعمري ماتفهمينيش غالط... انا جدارمي مانقدرش نزوج بمراةةمن غير جنسية جزايريةة... راني الليل كامل نطلع ونهبط نحب حل... الليل كامل ماغفلتش ولا شفت نوم...
مسحت دموعها تشوف معاه وهو يضرب على رجلو بصبعو... بية: شنوة جنسية هذي ثاني مافهمت شيء راني...
مروان: وقت نفهم نفهمك حبي...
بية: نبه عليك راهو ماتخممش فيها حكاية تخليني بروحي...
مروان: نخلوها للمكتوب بية...
بية: اعمل الي تنجم... مهم نكون معاك..
مروان: هيا روحي من بعد نحكو
#يتبـــــــــع
