📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 36:
#رحمة_تحكي
من صباح وانا نستنى في ل10 تجي باه نروح عندو... اما زهري ونعرفو...Prof ظهر يحكمنا ساعة زايدة قاعدة على جمر نستنى غير وقتاه يخرج... حتى لكور مش معاه خلاص...
إيمان: ياو بالعقل على روحك... دوك يخرجنا واطلعيلو...
قربت نهمس في وذنها...
رحمة: يابنت وش يقول عليا ماعنديش كلمة...
ايمان: انت مكبرة لحكاية...
كملنا الكور ماصدقت خرج لprof هزيت pc وصاك وخرجت نجري طلعت للبيرو من غير حتى مانستنى ايمان... وففت قدام باب نتع المكتب خديت نفس مليح... عدلت خيماري وطبطبت الباب... وقتها تحل قابلني واقف بوهرتو برجوليتو طاغية ريحت برفان المخلطة مع ريحة دخان... تبسمت معاه ورجعت خطوة لوراء...
رحمة: سامحني هذا وين خرت من الكور ...
أكرم: اممم كنت نستنى فيك وقت طولتي قلت مش جاية...
رحمة: لا كنت جاية في الوقت اما عطلني الكور...
بعدلي من الباب وعمللي اشارة بيدو ندخل... ترددت للحظة من بعد تفكرت كلام ايمات دخلت... وبقيت واقفة نشوف معاه وقت الي قعد...
اكرم: اقعدي علاه واقفة...
قعدت وحطيت الpc فوق البيرو... وخرجت اوراقي وريتلو وين حصلت وانا بكلي نرجف...
اكرم: مدام عندك pc افتحيه نوريلك في لوجسيال خير...
حركتلو راسي وفتحتو... حليت على اوتوكاد... جبدو ليه بدا يبربش فيه من بعد وقف ورايا وهبط عليا يوريلي بالخطوة... صراحة ماقدرتش نركز نحس في قلبي عامل طبلة وزرنة لداخل... انفاسو قاعدة تحرق فيا... اصلا قربو زايد خلاني نتوتر اكثر... حكيت جبيني نحاول نركز فقت عليه وقت قالي...
اكرم: جربي اعمليها وحدك...
رحمة: انا؟
ضحك حتى بانو سنيه نحى نواظر نتاعو ورجع لبلاصتو...
اكرم: ماتقوليش من صلاح وانا نفهموفي لاخير مافهمتي شيء...
حسيت بإحراج كبير وكانو حس بيا مش معاه... زربت لميت حوايجي وتبسمت معاه...
رحمة: سامحني عطلتك... نظن مخي حابس خليني نحاول مرة اخرى...
اكرم: كما تحبي... ماقلتليش وش اسمك...
رحمة: اسمي رحمة رحماني...
اكرم: اسمك شباب بزاف خارج عليك...
حسيت وجهي رجع كعبة طماطم هبطت عيني انتبهت مع صوابعو... لابس خاتم يعني مزوج... زادت وثيرت تنفس نتاعي وصدري ضياق... غاضتني عمري وين وصلت روحي... رجعت ننهج نفس ضاق عليا... ناض يجري حكمني رفعلي راسي يسقسي فيا...
اكرم: رحمة شبيك وش صرالك...
ماقدرتش نجاوبو... حاولت نجبد بخاخة brequal نتاعي خلاص طحت في الارض... وهو دخل يدو في صاك يحوس وحطهالي في فمي ظغط عليها حسيت روح رجعتلي... وقفني وحطني على الكرسي جابلي كاس ماء...
اكرم: لباس درك؟
حركتلو راسي مش حابة نشوف معاه...
اكرم: عندك ربو؟
رحمة: سامحني على الفوضى الي عملتهالك...
وقفت هزيت حوايجي وجيت خارجة اما حبسني...
اكرم: خليكي حتى ترتاحي اكثر واخرجي على روحك... كون دوخي ولا حاجة...
عاودت شفت مع صبعو مرة اخرى وعضيت على شفتي... خرجت جث. ة من غير روح...
#يتبع
