🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 104:
#توبة
فات الوقت ماحسيتش كيفاه وصلت... رقدت نص طريق ونص لاخر فوتتو ساكتة كما هو ثاني مانطق حتى كلمة... نعرف موال متغشش مني... رغم حنانتو وطلب سماح ورقدني عندو اما لدرك من فاق ماحكى معايا حتى كلمة... شفت معاه وقت هز فرمان قدام دار كبيرة اقل مايقال عليها تحفة...
توبة: وصلنا؟
ابراهيم: اممم...
حطيت يدي على يدو
توبة: راح تبقى مغشش مني؟
ابراهيم: لا مش مغشش قاعد نعاود في حساباتي...
هدرتو هذي زادت على مابيا...
توبة: حساباتك؟
ابراهي: اممم اهبطي هذاك الوقت يكونو يستناو فينا...
توبة: حاضر...
ابراهيم: اسبقيني نجيب لحوايج ونجي...
توبة: لا نستناك مش قتلي يدك ماتتنحاش من يدي؟
شاف معايا على جنب وهبط هبط لحوايج قدام دار ووقف بحدايا... زربت حطيت يدي في يدو واليد لخرى كان حطها في الباب يفتح فيه... شفت حيرتو وقت حطيت يدي... اما هذا الي جاء لبالي حبيت نتقوى بيه....
ابراهيم: واجدة؟
حركتلو راسي ودخلت معاه لقيتهم كلهم بحدى الباب... سلمنا عليهم بلواحد ودخلنا...
محمود: ارواحي بحدايا بنتي زينة... نورتي دارك يابنت الغالية...
شفت مع ابراهيم الي حركلي راسو نروح بحداه...
سعاد: نحيتي عليك نقاب والحجاب باه ترتاحي في لقعدة...
ابراهيم: ماتقدرش تنحيهم... كان يدخل عماد...
سعاد: علاه حرام يدخل خوك لدار وهي هنا؟
محمود: مش حرام اما توبة منقبة... ماتصلحش تنحي نقاب ولا الحجاب قدام سلفها...
سعاد: مكانش على بالي بيها هذي... دينا دين يسر مش عسر...
محمود: نبي حذر منو تحذير واضح...
سعاد: ماسمعتش بيها هذي...
توبة: حذّر النبي صلى الله عليه وسلم من ذلك تحذيرًا بليغًا.. فقال: إياكم والدخول على النساء، قيل: يا رسول الله، أفرأيت الحمو؟ قال: "الحمو الموت". ويقصد بحمو الموت... نخافوه كما نخافو الموت...
حنان: بارك الله فيك...
قربت انفال لوذن حنان تهمس بهدرة شبه مسموعة ...
انفال: راح ترجع دار افتاء...
حنان: احشمي...
هبطت راسي بعدما شفت معاه وجهي رجع احمر دم وزيد نقاب ونظراتهم خلوني نقطر...
ابراهيم: وش الاحوال لهنا... مكاش جديد...
محمود: كامل بخير الحمد وجديد نستناوه منكم انتم الي تفرحونا ...
هبطت راسي على هدرتو... فهمت وين حاب يوصل... هزيت عيني على ابراهيم... الي كان يشوف معايا ويديه تمسح على فخدو...
ابراهيم: إن شاءلله معانا دايما جديد... انا وتوبة نطلعو نرتاحو شوي تعرفو تعب طريق..
حنان: ايه خويا ريحو مابين ما وجد لغداء...
ابىاهيم: يعيش اختي... انا نخليكم من بعد إن شاءالله...
محمود وسعاد: إن شاءلله
وقفت وراه طلعت نتبع فيه... حل باب شمبر... دخل ودخلت وراه نشوف مع شومبر كانت منظمة بطريقة عصرية وتحفة... تلفت على لمفتاح نتع الباب وقت دار... وهو تكى عليه...
ابراهيم: واخيرا...
#يتبـــــــــــع
