🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 81:
#دار_حليمة...
واقفين الكل ودعوها محضنة خوها اسحاق وتبكي...
رحمة: خلاص راحت توبة راحت توامي نصفي ثاني...
بعدها عليه حكم وجها بين يديه...
اسحاق: اختك كان لازم تأسس عايلة... نحب اختي توقف معانا درك... تكوني قوية على قبل وتعرفي تتصرفي من غيرها..
مسحت دموعها رحمة: عندك الحق... غاضتني ماما الي ماشافتهاش قبل لا تروح...
غمض عينيها بقوة دور راسو لفؤاد الي كمل دخل لدار...
اسحاق: رحمة امي دايم ربي...
رحمة: مافهمتش تتمسخر صح...
اسحاق: وغلاوتك امي ماتت امي خلاتنا وراحت...
ضحكت رحمة: ههههه مكانش منها عندي ساعتين من كنت نحكي معاها... هههه لا
دخلت تجري تعدات نساء الي كانو لتم... وجوهم بالخلعة ماتتفسرش اكيد فؤاد قاللهم... دخلت لبيت امها شفاتو قاعد بحدى رجليها ويبكي...
رحمة: مستحيل مستحيل مستحيل ههههه مستحيل هذي غير راقدة ...
وقف فؤاد حضنها...
فؤاد: اششششت ادعيلها برحمة...
هبطت هزت يديها باستها قعدت على رجليها حكمت وجها بين يديها تبوس فيها من كل شبر فيه
رحمة: ماما فيقي ماما علاه تعملي فينا هك... فيقي ياروحي شوفي انا هنا معاك... علاه مغمضة عينيك... فيقي ياعمري والله ناخد رايك... ندير وش تحبي انت غير فيقي... ماقتلكش هههه توبة خلاص خرجت عروسة كانت تحوس عليك تحب تشوفيها... مش انت تحبيها اكثر منا فيقي على جالها هيا... هيااا حلي عينيك مااااماااا حلي عينيك... رجعت تهز فيها وتحكي... الي كانو واقفين لتم كلهم يبكو بشهقة... عرس تحول جنازة وفي نفس دقيقة... قرب اسحاق جبدها وهي تحكي كما المهبولة... عينها مفتوحة بصدمة ودموع حاصلة...
اسحاق: قتلك لازم تكوني قوية...
قربت حنان حضنتها...
حنان: ادعيلها بالرحمة... قدر الله وماشاء فعل...
تشوف معاهم مازادت حتى كلمة... واقفة من غير روح...
انفال: حنان مش لازم تعرف توبة...
وقت سمع عماد عينيه لمعو ماستناش وهز تلفون يعيط لخوه هذي فرصتو يفسد عليهم...
اسحاق: واحد لا يقلهم خلوها...
محمود: ربي يرحمها ويجعل مثواها الجنة..
سعاد: سبحان الله امها تموت نهار عرسها ماتكون غير منحوسة...
شاف معاها اسحاق على جنب وخرج...
محمود: كون ماتفسديش صورتك قدام ناس ماتتهنيش...
حنان: خالتي مش وقت لحكايات هذي...
انفال: صعيبة والله ماكنتش نتوقع نعيشو حاجة كما هاذي...
دارت حنان تشوف مع رحمة... الي قاعدة تشوف مع نقطة وحدة... قربت جيهتها...
حنان: ادعيلها رحمة ماتعمليش هك...
نطقت وهي تشوف في نقطة وحدة...
رحمة: ماما ماماتتش غير راقدة برك... دوك شوي وتنوض...
جبدتها ليها تمسح على راسها فوق الخيمار... تشوف مع ناسالي قاعدة تبكي تفكيرها في توبة وش راح تكون ردت فعلها...
حتى شاورلها عماد تجيه...
عماد: رايح نخبر إبراهيم تلفونو مقفول...
حنان: عماد يهديك ربي خليهم غدوة ونعلموهم... شوف حالة خاوتها يكفي...
جات عينو في رحمة الي قاعدة من غير حركة...
عماد: هذيك رحمة؟
حنان: ايه اختها توام...
عماد: مليح ربي يصبرها...
حنان: آمين يارب...
#يتبع
