📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر _العہــــــــون:
الحہلقہة 22:
واقفة في الكوزينة تغسل في سلاطة... مسحت يديها وهزت تلفون من فوق طاولة... حطت رقمها طلبتها اما ماهزتش عليها رجعت حطاتو وكملت شغلها...
سوسن: توبة وش درتي اليوم... ولد خوك هاج على الماكلة...
توبة: على سلامتك... ايه من حقو يدلل على عمتو...
وقفت بحداها تطل على البرمة...
سوسن: ايييه ريحة تشهي تسلم يديك...
تبسمت معاها: الله يسلمك تحبي نحطلك شوي قبل لعشاء...
سوسن: ايه تعملي مزية...
راحت وقعدت على طابلة تشوف معاها... من بعد هزت حاجبها
سوسن: كون يخطبوك تقبلي؟
حطت بحداها صحن وشافت معاها حايرة...
توبة: علاه تسقسي..
سوسن: لا غير سقسيت قلت لا تقبلي ولا ...
جبدت الكرسي وقعدت مقابلتها...
توبة: لا مانقبلش واصلا مكانش الي يجي ويخطب واحد لايعرفني...
سوسن: اممم زعمة تقولي هك...
توبة: سوسن عندك حاجة قوليها ياك مابيناتناش تظلي تشري...
سوسن: نن مكان حتى شيء... غير سقسيت برك...
جبدت الكرسي ووقفت رجعت توجد في فاكهة في صحن...
توبة: كان قبلت وزوجت امي شكون يقيمها من غيري...
سوسن تمتم : يعني راح تبقي على قلبي...
توبة: والله ماسمعتك...
سوسن: اااه غير قتلك هاني انا هنا...
تبسمت بإستهزاء توبة: ايه يعطيك صحة اما مانقدرش نخليها...
حط ساشيات الي هزهم وحط يدو على جنبو...الي يسطر عليه
اسحاق: سلام عليكم...
توبة: وعليكم سلام لباس؟
اسحاق: لباس الغالية...
سوسن وهي تعوج في الهدرة: لباس الغالية...
اسحاق: سوسن وجديلي ماء سخون نغسل...
سوسن: ايه هاني جاية...
اسحاق: يعطيك صحة...
شاف معاها خارجة قعد على طاولة...
توبة: تحب نعطيك كاس ماء؟
اسحاق: اقعدي نسحقك...
توبة: هاني خير إن شاءالله...
اسحاق: تعرفي خوك قداه يحبك ويخافك عليك من نسمة...
توبة: من غير شك هذا...
اسحاق: وكون نقلك طلبوني فيك...
توبة: كيفاه مافهمتش...
اسحاق: خطبوني فيك وعطيتهم كلمة...
توبة: ههههه كيفاه عطيتهم كلمة خويا...
اسحاق: قتلهم نشاورك انت والعايلة ونردلهم لخبر...
توبة: تعلم فيا خويا ولا تشاور...
اسحاق: لزوج مانحبكش تتسرعي في قرارك خمي مع روحك ومن روديلي لخبر..
توبة: هههه خممت وخلاص من غير مانطولوها...
اسحاق: توبة مزال حتى ماعرفتيش شكون
توبة: مايهمنيش شكون...
اسحاق: وش نقوللهم...
توبة: لا باينة وعندك شك فيها خويا...
اسحاق: خممي احسن توبة من بعد ماتندميش...
توبة: خويا امي في لحكاية مانقدرش نخليها شكون بيها...
اسحاق: وانا وين رحت نقولو ماقبلتيشمرة هذي ومرة لخرى اما لوقتاه... وانا صراحة مانلقاش احسن من ابراهيم ليك...
توبة بتوتر: شكون ابراهيم؟
اسحاق: ولد خالي محمود...
توبة: خو حنان قصدك؟
اسحاق: ايه خوها...
توبة: حسب مانعرف كبير عليا لا...
اسحاق: ايه اما رتجل وسيد رجال راح يهنيك... قالي انو قادر يشري دار لهنا قريب من امي مهم تقبلي...
وقفت تقرقب فوق البوطاجي عطياتو بظهر...
توبة: قلو ربي ينوب عليه من بلاصة خلاف...
اسحاق: راح نخليلك الوقت زيدي خمي مع روحك...
توبة: قتلك لا...(طبطب الباب ) الباب نروح نفتح...
اسحاق: خليك انا الي نفتح...
خرج وخلاه واقفة حاطة يديها على رقبتها تمسح عليها... فتح الباب...
اسحاق: عمي محمود على سلامتك...
محمود: الله يسلمك مانعرف تستقبلو ضيوف الوقت هذا ولا لا...
بعدلو على الباب اسحاق: نحطك على راسي من الفوق تفضل...
#يتبع
