#الحہلقہة_113:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الإقامة...
كانت ليلة كحلة مافيها ضوء... اخطاء قاعدة تخلص فيهم بالوحدة... طريق العوجة والبعد على كلام ربي... راح تكون نهايتو سيئة... راقدة حاشية يديها بين فخادها متكورة على روحها تحرك في جسمها بهستيريا...عقلها يخمم في حل الي اصلا مستحيل تلقاه.... رجع بيها الوقت كما هزت عليه...
🔙🔙🔙🔙🔙🔙
يديها ترجف تسمع في صوتو... زادت قولت في لبكاء...
اسحاق: الو رحمة الو...
حركت راسها وقت حكم طاكسي فران قدام الاقامة... مالقات حتى حل غير تعمل mut وتخليه يحط مشكل نتع ريزو... للحظة تعدى قدامها فيلم انو هو سمع كل شيء واليوم اخر نهار في حياتها... هبطت تجري دخلت حكمت شمبرتها... قفلت الباب وطاحت على الارض... عاودت شافت مع تلفون مسحت دموعها بكف يديها... وهزت
رحمة: سلام عليكم
اسحاق: وين كنتي...
تفتحو عينيها رحمة: وين كنت؟
إسحاق: تسقسي فيا... من صباح نعيط مرة تهزي مرة تكوبي خير إن شاءالله
رحمة: لا غير كنت احم... ريزو مكانش بسيف ماقدرت نسمعك...
اسحاق: كنت تبكي؟
رحمة: لا
اسحاق: الغالية ادعيلها برحمة علاه تبكي عليها... والله شغشبتيني عليك...
تحكي بغصة رحمة: لا ماتقلقش من جيهتي اصلا مابقاش ونرجع...
اسحاق: راني بعتلك دراهم مع عماد خو ابراهيم تلاقيتو لبارح ... مالقيتش مع شكون نبعتلك... وقت يوصل للاقامة نعيطلك اهبطي اديهم من عند الحرس..
رحمة: مزال عندي خويا مكان لاه...
اسحاق: نعرف عندك اما خليهم عندك كشما تحتاجي... وانا اخر الاسبوع نجي نطل عليك اوكي...
رحمة: إن شاءلله...
قطعت عليه تضرب على وجها... مش مستوعبة الي عملاتو...
🔚🔚🔚🔚🔚🔚
تفتح الباب ودخلت على روس صوبعها... هبطت عليها توشوش في وذنها...
ايمان: رحمة فيقي يالا لازم تهربي...
رحمة: وين رايحة نروح تحبي نتفضح؟
ايمان: شوفي وش جبت شوفي...
رحمة: وش هذا؟
ايمان: تلفون لفعى خلصت الي معاها باه تجيبهولي... راني فورماتيتو خلاص...
رحمة: يعني خلاص منعت خلاص ماعادش تهددني؟
ايمان: لازم تخرجي من الاقامة درك... كان فاقت راح تحرق الاخضر واليابس...
رحمة: وين نروح انا درك ماعندي وين...
ايمان: عيطي لاكرم ولا روحي لامو هذا احسن حل سمعتي... يالا نوضي وجدتلك حوايجك... وجلبابك هذا هو البسيه... توبي رحمة طريق العوجة وصلاتك للهلاك...
وقفت على رجليها في لفراش حضنتها بكل قوتها...
رحمة: ماغلطش وقت قلت عليك اختي الي ماجابتهاش امي... خيرك عمري ننساه... راح يجي يوم ونردهولك...
ايمان: مابناتناش... انا كان عليا نوصلك والباقي عليك...
بعدتها عليها وجبدتلها دراهم...
ايمان: هذو مدهملي عادل قالي واحد جابهملك لبارح وراح...
رحمة: بعتهم اسحاق مع نسيبنا...
ايمان: يالا نوضي ماعندناش الوقت... مدام مزال عادل مزال لهنا...
رحمة: رجعتيلو؟
ايمان: مش وقتها لحكاية هذي... بينا تلفون اوكي
#يتبـــــــــع
