🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 102:
#سوسن...
فقت صباح على صوت دجاج الي عامل حالة يتناقر مع بعضاه ... تبسمت وقت شفت معاهم لزوج راقدين نفس رقدة... هذا وين رجعت حياتي تمشي كما قبل... اسحاق حاطني وسط عينيه... مايحبش لا يقلقني ولا حتى يغششني طرف... وانا زدت في دلالي... نعرفو يحبني وانا نعشق تراب الي يمشي عليه لدرجة رجعت مهووسة بتفاصيلو... كل بلاصة في دار هذي تفكرني بشيء الي فوتو معاهم... خالتي حليمة الي كانت اكثر من ام... دايما واقفة على راصي تنصحني وتوريلي... لدرجة كانت حتى تعارك اسحاق عليا... اما شيطاني عملها بيا غرني وطلعني لسابع سماء وقت عرفت روحي بالحمل... وكاني ملكت دنيا الكل... ولا هذيك المغبونة الي رجعتها بونيشة في هذي دار... لانو كنت نغير منها... ايه نغير منها ماحبيتش اسحاق يحبها اكثر مني... مانحملش وقت يحضنها ولا حتى يمدحها... كا كل مرة يقلها حاجة تخليني نزيد نكرها اكثر واكثر بالرغم هي كانت طيبة وتخاف ربي... عمرها قالتي كلمة تقيصني وانا كنت دايما نحب نقلقها ونفرح وقت نبخصها قدام ناس نحس صغرت منها... مكانش علبالي بالي راني نصغر من روحي تاع الصح ربي عاقبني على الي عملتو فيها... غيرتها بصغار ربي حرمني منهم طول... الحمد لله منعت بهيثم الي رجع كل دنيتي... هبطت بستو وقت ناغا... ورجعت نشوف مع اسحاق الي راقد... تعب لبارح وهو ساهر معايا... حطيت يدي نفوت فيها على لحيتو... فتح عينو يتبسم...
اسحاق: صباحو حبي...
سوسن: صباح الخير...
شاف مع هيثم اسحاق: مزال راقد...
سوسن: اممم اشششت خلي يرقد شوي نوجد لفطور...
اسحاق: وين راه فطوري انا صح...
سوسن: نوض برك تلقاه واجد...
اسحاق: لا نحب فطوري الي تفاهمنا عليه...
سوسن: صوت الباب شكون الي جاء في الوقت هذا؟...
وقف لبس في رجلو...
ابراهيم: خير انشاء الله...
سوسن: بدل واخرج...
اسحاق: نشوف شكون ونبدل... ماتخرجيش حتى نرجعلك...
سوسن: اوكي...
وقفت لبست قندورة فضفاضة... ومشطت شعري... انا هزيت الخيمار وهو دخل...
اسحاق: توبة وراجلها...
سوسن: غير الخير كشما صرا؟
اسحاق: رايحين لدار لكبيرة جاو يودعونا...
سوسن: خلعتني حسبت كشما صرا بينهم... انا نخرج نسلم عليها ونوجد لفطور...
إسحاق: يرضى عليك حبي نبدل قشي ونلحقك...
خرجت دخلت لصالة لقيت توبة قاعدة وحدها سلمت عليها وحضنتها...
سوسن: شرفتي دارك حنونتي...
توبة: يعيشك... وش حوالكم؟
سوسن: لباس الحمد... نحاول نرجع احسن...
حطت يديها فوق يدي...
توبة: اكيد ترجعي احسن نعرفك قوية...
سوسن: إن شاءلله يارب... وانت وش حوالك مع زواج...
توبة: الحمد لله... جيت نودعكم رايحة لدار لكبيرة...
سوسن: سامحيني توبة على الي عملتو فيك.. نعرف روحي غالطة وغلطت معاك بزااف...
توبة: عمري تغششت منك لانو نعرف معدنك طيب... الوقت هو الي تبدل وبدلك...
سوسن: نعرف اما نحب نسمع منك إنو سامحتيني.
توبة: مسامحة دنيا وآخرة...(صونا تلفونها ابراهيم ) لازم نخرج تعرفي طريق طويلة...
سوسن؛: كان قعدتو فطرتو معانا... علاه زاربين؟
توبة: تعرفي اليوم جمعة لازم يوصل قبل جمعة...
اسحاق؛: خلاص رايحة مزال ماشبعتش منك...
توبة: هذاك هو نتلقاو في ساعة الخير... وبوسولي هيثم حبيت نشوفو اما ماكتبش...
قرب لاختو حضنها وسلم على راسها... وصلها للباب وخرجت... برغم سامحتني اما مزال ضميري يأنب فيا...
#يتبــــــــع
