📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 35:
#فؤاد_يحكي
بسيف قدرت نوض تاعب من طريق البارح ... اما لازم عليا نوضت عملت روتيني ولبست كومبا تاعي وحطيت كاسكاتوزيد كملتها بالو سانتريوز... ومن غير مانفطر خرجت حطيت رقمهم نسقسي انا ماشي وهزت عليا ...
توبة: رجعت تبكر مسكين...
فؤاد: تستشافي الغالية...
توبة: لا هههه ربي يعينك...
فؤاد: اممم وصلت ايه... قوليلي وشحوالهم نتع دار لباس؟
توبة: لباس الحمد كل بخير ويسقسو عليك...
فؤاد: هيا مليح عيطت نسقسي برك... ايا نخليك تهلاو من بعد نعيط نسقسي...
توبة: هيا نخليك في امان الله...
كملت طول للبيرو نتاعي حتى نلقى جماعة ملمومين...
فؤاد: خير وش كاين على صباح؟
###: عندنا اجتماع عاجل مانعرف وش كاين...
دخلنا الكل عند الكابيتان... فسرلنا حكاية الاجتماع... بعدما وصلتنا معلومة على سيارة مرصوصة بلكوكا.. ين... قسمنا على زوج دوريات... ركبنا في سيارتنا وحطينا براج واقفين سيارة الي تعدي نفتشوها... فات الوقت قريب نص نهار هزيت قرعة ماء نشرب... حتى جاني زميل يسقسي فيا روحت طليت على لمراة الي عاملة مشكلة هههه ظهرة طفلة ... وقفت قدام سيارة نتعها حيتها وطلبت اوراقها...
فؤاد: سلام اوراقك آنسة...
هبطت نظراتها شافت معايا خلاتني نشوف معاها...
مليكة: وعليكم سلام... قلت لزميلك نسيتهم شاف...
دورت وجهي نتبسم يعني ناقصني نهاري حتى تكمل عليا بوحدة تسوق بلا وراق...
فؤاد: اهبطي...
مليكة: علاه والله يفوت عليا الامتحان... ويروح عليا العام...
فؤاد: كنت تعملي حسابك اهبطي خلي نخدم خدمتي...
مليكة: ربي يسترك والله يفوتني l'examen ونخسر العام...
فؤاد: امورك هذي اهبطي خليني نخدم خدمت...
درت شفت معاهم وعطيتهم امر بتفتيش سيارتها... وهي واقفة عاملة حالة بالتلفونات... كون تجيب مانعرف شكون غير نكمل خدمت على اصولها... بنات اخر زمان يتلاحو لشيء اكبر منهم... بعد تفتيش طلبت يهزوها للبريڨاد ويتحققو من ماتريكل... ورحت نحكي معاها...
فؤاد: راح تجي معانا للبريڨاد وشوفي شكون يجيبلك الاوراق...
مليكة: علااااااه هذا الكل... وش عملت جر.. يمة حتى تجرجروني للبريڨاد... نسيت لورق هذا مكان...
فؤاد: اطلعي من غير ولا كلمة لا نقلهم يحطولك مينوط...
مليكة: ههههههه مي مهبول انت صح...
فؤاد: اممم باينة تحبي نكبرهالك ونزيدلك فوق الاوراق... سب قائد في الجيش... ونكبروهالك ونشوفو لسانك طويل وين يديك ..
شافت معايا بدهشة حسيت الكلام حصل وسط حلقها... والحق انا شخت عليها عجبتني وقت شفت الخوف في عينيها... ايه تستاهل باه مرة اخرى تعرف وش تحكي...
فؤاد: مزالك واقفة يالا شرفينا الالة...
طلعت في طموبيل تعنا دموعها تسيح.. بين غاضتني وماغاضتنيش هذي هي خدمتنا لازم غلطة لا...
وصلنا دخلناها للمكتب حتى عملنا تحقيق طموبيل نتع امها صح... ستنينا شيء نصف ساعة وجات امها جابت اوراقها متغشة تعيط عليها وهي مهبطة راسها... عطينها بروسي وخليناها توقع وخرجت مع امها... اما عاودت رجعت شافت معايا وعينيها بدموع...
مليكة: غير جبال الي ماتتلقاش
وقتها عقدت حواجبي حسيت انو زدت فيها معاها... اما هذي هي الخدمة... هبطت راسي نلعب بستيلو في يدي... حتى خرجت وعاودت هزيت الملف نتعها نقرا في معلوماتها المدنية...
#يتبع
