#الحہلقہة_128:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
طبطب عليها في الباب حابة تهدو...
سارة: حلي يا ### حلي... حاطة روحك منعتي ولا... مش انا الي تلعبوها عليا... حلي الباااااب
تضرب في الباب برجليها ويديها وتعيط نار خارجة من عينيها... سكتت وقت حكات من وراها...
ايمان: على شكون تحوسي...
زربت حكمت فيها مش شعر...
سارة: يا### انا تعملي معايا هك...
جبدتها ايمان وبركت فوقها تضرب ولبنات تتفرج وكاين الي تفلمي...
ايمان: واش كنت حاطة روحك اااه... راح تخربي حياتنا كامل ونبقاو نتفرجو فيك...
خبشتها من وجها تعيط سارة: رايحة تشوفي عملتك تخلصيها غلية يا #### ولا حاطة هذوك فديوات الي حذفتيهم غير في تلفون راك غالطة...
حكمتها من فمها ترص عليه ايمان: ماتنسيش فديو تاعك وانت في لفراش مع استاذك راه عندي... تخمي تخرجي فديوات رحمة ولا غيرها... نخرج فديو تاعك ياخامجة...
سارة: ههههههههههه ياو عمري نخاف مايسمونيش لمعلمة هكذاك... كان حاب نڨتلك مايهمنيش وماترفليش جفنة...
ايمان : وانا ماعندي وش نخسر... من اليوم يا أنا يانتي...
سارة: تخلصيها غالية يا #### ...
وقفت من فوقها تعدل في قشها...
ايمان: اعلى ما في خيلك اركبيه... ونزيدك من اليوم وتزيدي دوري برحمة ولاطفلة خلاف نخرج عارك ياخامجة... وزيد جامعة تكحلي عليها وماتشوفيهاش مرة خلاف... امالا لمي طرف نتع لقدر الي مزالك وواحكمي سابعك خيرلك...
دارت تشوف مع الي كانو ملمومين عليهم...
ايمان: هذا فاه فلحتو اااه تتلمو تصورو وتعمرو قراعي وتروحو... واحد لا يدخل ولا يهدر كلمة الحق... سكتت وتفتحو عينيها وقت دخلت سك... ينة وسط جنابها...
وقفت بعدما حطتهالها ترص عليها وتعاود تحكي في وذنها...
سارة: مش قتلك ماتخربيش فيا... مشقتلك بعدي على طريقي... ودرك نتلقاو في جهنم حبي... جبدت طاوة وهربت تجري كلمرة تشوف وراها... ضربت في سكريتي وزادت كملت طريقها تجري مرة خلاف...
ايمان طاحت على ركايبها تسمع في الاصوات تروح وترجع... شريط حياتها فات قدامها من نهار دخلت لجامعة دهشت فيها وخلعتها بالمظاهر الي خلاتها توصل لنهار خسرت شرفها بعدما تعدى عليها عادل...حتى دغرتها وسط جنابها... طاحت على الارض وعينيها تغلقو... ماحست لحتى حاجة من غير ظلام ... لبنات الي كانو دايرين بيها كلها هربت تجري من خلعة وحدة لا خممت تقربلها ... مدة حتى وصل الامن و وقف على جث.. تها الهامدة على الارض ودمها سايحة في الارض...
👤: اطلبو درك الانسة توفات عندنا جري..... مة قت..... ل
#يتبـــــــع
