🌙رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 78:
فؤاد: زعما يما وش تسحق...
اسحاق: مانعرف ان شاء الله خير...
فؤاد: مانيش مامن توبة مابقات راح تبقى معانا في دار...
اسحاق: لازم تبني مستقبلها يكفيها ماتعبت معانا...
فؤاد: في هذي عندك الحق...
طبطبو على بيت امهم ودخلو...
فؤاد: روح قالو تحتاجونا...
حركتلو راسها شبه دايخة والعرق يصب معاها...
حليمة: حطوني في بلاصتي...
هزها اسحاق بين يديها وحطها... قعد بحداها
اسحاق: امي غير الخير شبيك...
حليمة: انا مليحة...
قؤاد: تروحي لسبيطار يضربولك ابرة؟
حركتلو راسها بلالة...
حليمة: نحب نشرب الماء...
قربلها كاس كان بحداها شربها...
حليمة: مانوصيكمش على خواتكم لبنات... حطوهم بناتكم مش خواتكم...
قاتد يمسحلها بيدها لعرق الي قاعد يهبط...
فؤاد: من غير ماتقوليها هذي امي... ربيتينا 4 في قلب واحد مش هدرة هذي...
حليمة: توبة خاصة توبة... ظلمت بزاااف معانا حطوها في عينيكم
اسحاق:متهنية انت ارتاحي امي تكوني تعبتي...
شافت معاهم بعدما حركتلهم راسهم وسكتت مرة وحدة... هذي هي راحة الي طلبها منها... تحصلت عليها روح راحت لعند مولاها... طلع راسو شاف مع خوه..
اسحاق: رقدت...
قرب فؤاد حط يديه يشوف تتنفس ولا لا... رجع حطيدو على رقبتها مكان والو... دار للحيط ضرب راسو...
فؤاد: علاه امي علاه مزال مافرحتيش بيها... علاه تروحي وتخلينا امي...
اسحاق: فهمني شبيك وشبيها امي...
هبطت دمعة تحرق من عينو حتى هو فراق الغالية قطعة من قلبو...
فؤاد: دايم ربي
اسحاق: لاااا ماتقولهاش كيفاه كانت درك تحكي...
فؤاد: كن فا يكون... امي راحت... هبط على رجليه اجونو حط راسو بين يديه...
اما اسحاق وقف مسح على وجها وباسها يشم في ريحتها الي كما المسك... بين الفرح والحزن شعرة تفصل بينهم... عرس اخت خارجة بالابيض... وامو الي راح تلحقها بنفس اللون... غاطاها بملحفة
اسحاق: نوض...
فؤاد: وامي؟
اسحاق: تخرج اختك نتولهو بجنازتها... ورد بالك يسمع واحد يكفيها توبة الي فات عليها مش نهار عرسها نبكوها...
فؤاد: لكان سقسات عليها؟
اسحاق: ندبر راسي...
وقف قدام الباب دار شاف معاها حرقة كبيييييرة وسط قلبو... اما هذا الي لازم يكون... قفل الباب بالمفتاح وخباه في جيبو... رسمت بسمة القهر على وجهو وخرج... عينو على فؤاد الي دمعتو تجري من غير حساب... العريس جاء وجاء وقت خروج لعروسة... عيطتلهم رحمة بتلفون دخلولها... اول ماجات عينهم على توبى بروبة العرس الخيمار مزينها... طاحت دمعت رجال دمعة فرحة وحزن... بين كبدتهم الممعوسة على امهم الي مطيشة في بيت وحدها... وبين فرحة قلبهم بنتهم توبة... قربت حضنتهم لزوج تسلم عليهم...
رحمة: حبت تصور معاكم
اسحاق: كلمة ملاك وشويا فيك...
توبة: ربي يخليكم ليا يارب ولا يحرمني منكم...
رحمة: هيا يكفي راح تبكوها ويفسد مكياجها...
مسح فؤاد دمعتو: ايه صح خلينا نخرجوها لراجلها...
توبة: لا امي مزال ماشافتنيش...
اسحاق: عطيتها دواها ورقدت... عيب نخليو ناس تستنى صح؟
توبة: بصح نحب نشوفها انا...
فؤاد: هيا خودي راينا يزيك بلا دلال...
توبة: اوكي...(دارت لرحمة شافت معاها) حطيلي طرحة على وجهي...
قربت حطتهالها وصورتها اكثر من صورة... خرجت حاكمة في يدين خاوتها تحت زغاريط مدوها لراجلها الي حكم يديها...
ابراهيم: فاليز تعها؟
راحت رحمة تجري جابتها لقاتهم ركبو في طموبيل نتعهم... حوست على خاوتها مكانش... سقسات حنان لمن تمدها... شاورتلها على واحد شبهت فيه... ولات حطتها بحدى الباب ورجعت تطل على المهرجان الي عملوه لبرا شطيح وغناء وبارود يتكلم...
#يتبع
