📿🌙رمضان_يجمعنا 🌙📿
🍁🌾حبہــــــر _العہــــــــون🌾🍁 📿🤍نہـــــــــوا يہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 29:
#عند_حليمة
واقفة عند راسها عدلتلها لمخدة من تحت راسها...
حليمة: يعطيك صحة بنيتي...
توبة: دايما نقلك واجبي ماتقوليش هك...
حليمة: يرضى عليك إن شاءلله
توبة: إن شاء الله
حليمة: قالي اسحاق بالي حكى معاك...
هزت لحوايج الي بدلتهم لامها...
توبة: اممم
حليمة: علاه يابنت ماقبلتيش... لوقتاه تبقاي شادة جنابي..
توبة: حتى يدي ربي امانتو يايديني انا يايديك... نبقى جنبي جنبك...
حليمة: تعاقبي في روحك هك... ابراهيم ماتلقايش كيفو راح يهنيك ابنتي...
توبة: مقتنعة امي بالي نعمل فيه... وابراهيم ربي يعطيك زوجة صالحة تهنيه... الله غالب مكتوب (توحشت المكتوب😢)
حليمة: بنتي ارواحي اقعدي هنا قابليني... عملت كما قالتلها...
حليمة: وش يقول نبينا صلى الله عليهم وسلم
توبة: عليه صلاة والسلام
حليمة وهي تمسح على يديها: رضا الله في رضا الوالد وسخط الله في سخط الوالد.
توبة هبطت راسها بحزن... عاودت هزتهولها حليمة...
حليمة: بنتي لكان تحبي رضايتي تقبلي بإبراهيم...
توبة: أمي ياروحي انا!
طبطب الباب... جاهم صوت من وراء الباب...
محمود: نقدر ندخل؟
حليمة: ادخل خالي ادخل...
فتح الباب طل عليهم...
محمود: وش تفاهمنا على كلمة خالي... راني تريبك في العمر...
حليمة: صعيبة عليا نعيطلك بإسمك...
محمود: انت برك مصعبتها على روحك...
توبة: نروح نجيبلك دواك ونجي امي...
حليمة: ايه...
محمود: جيبيلي معاك كاس يرضى عليك...
توبة: حاضر خالي...
تبسم معاها ومسح على شعرها محمود: قوليلي بابا مش في مقام باباك...
حركتلو راسها من غير ماتجاوبو وخرجت...
قرب الكرسي من سرير حليمة وقعد...
حليمة: فرحت وقت جيت...
محمود: وانا فرحان اني وسطكم...
هبط راسو وهاود هزو يشوف معاها...
محمود: حليمة وش ردكم على طلب إبراهيم...
رجعت راسها لوراء وتنهدت
حليمة: وش راح نقلك نتمنى نمدهالو اما هي مش قابلة...
محمود: طفل رفضتوه قبل الله اعلم على وش ودروك نفس شيء مش حرام... طفل شاريها قال نعمل مستحيل حتى تكون ليه...
حليمة: كانت صغيرة وقتها ماحبش باباها يمدها... وانا ماكنت نقدر نحكي ولا نمد راي فيها لحكاية... ولدك راجل وسيد رجال ماخصو شيء... يلقى الف وحدة تتمناه...
محمود: بصح وقتها ابراهيم قال غير نحط عليها الكلمة مش يهزها... حيرني منين رفض كمال ولدي
حليمة: انا وحيرني اما مانقدرش نحكي افهمني وقتها كنت مريضة روحي مش عاقلة عليها...
مسح هلى وجهو ودورو يشوف على جيهة
محمود: نسقسيك ونتمنى تجاوبيني بصراحة...
حليمة: ايه اكيد...
محمود: مليح نحب نعرف سبب الي رفض بيه كمال ولدي...
