#الحہلقہة_138:
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
بعدما تعشاو وغسلو لماعن... رجعو كل خاجة في بلاصتها... هزو صنية تاي مع المكسرات وراحو لصالة حطو تلفزيون وهما كل مرة يجبدو حكاية... توبة تحس في عينيها خلاص راح يتغلقو... اما محيرها سطر يديها... منين تتحرك توجعها...
حنان: طول بابا وخالتي سعاد..
توبة: بالاك بايتين عندها؟
حنان: نن والله مانعرف ممكن بصح كون غير خبرونا...
توبة: الغايب حجتو معاه...
حنان: ايه ربي يقدر الخير وخلاص...
توبة وهي تمسد على يديها...
توبة: إن شاءلله...
حنان: توبة حسيتك حاجة مقلقاتك كشما صرالك مع خويا...
توبة: لا ابراهيم حاطني في عينيه الحمد الله ماخصني والو معاه؟
حنان: بصح ماشفتش هذا شيء في عينيك...
تبسمت معاها توبة؛: تبانلك برك...
حنان: توبة راك كما اختي صغيرة...نعرف لعرس جاك على غفلة وانت ماتعرفيهش من قبل... ابراهيم راه طيب وحنين وفي حاجتو مايسبلش... اما انت ثاني اعملي جهدك شوي معاه... راجل يحب لمراة الي تتوله بيه تحطو كما بيبي صغير... تحاول ترضيه وفي نفس الوقت ترضي نفسها... ماتكوني حشامة ولا جريئة في نفس الوقت... البسي واعدلي وريلو مفاتنك لانو وقت مايلقاش شيء هذا عندك يحوس عليه عند غيرك... حتى ويحبك ويعشق في تراب الي تمشي عليه... كاين حوايج تغطي على حوايج غير اهتمام لمراة براجلها مايغطي عليه شيء... وسامحيني لكان تدخلت غي خصوصياتك...
توبة: بلعكس حنونة يعيشك على نصايحك والله ارتحت وقت حكيت معاك...
حنان: ربي يهنيكم يارب انت واياه تستاهلو كل خير...
عماد: وانا مانستاهلش؟
زربت دورت وجها مش لابسة نقاب... وقفت رايحة...
عماد: شبيك مرت خويا غوال ناكلو لعباد حتى تهربي وقت تشوفيني؟
حنان: عماد: مش وقت هبالك...
عماد: علاه وش قلت انا
كملت طلعت لبيتها رجعت ترعش بكلها من هدرتو ... لازم تبعد من طريقو على قد ماتقدر...ماتحبش تعمل مشاكل معاه... فتحت الباب وقت قابلها راقد حط يدو فوق عينيه... لعشاء بحداه كما جباتو... عضت على شفتها وقت تفكرت هدرتو...«اما انا نحب مرتي تباتي عندي وفي حضني... حتى ماشبعتش بيك...» وقفتقدام لخزانة تفكرت هدرت حنان... حطت يديها تحوس على غوب الي جابهالها هزت تشوف فيها قصيرة بزاف.مستحيل تلبسها .. رجعتها لبلاصتها وجبدت وحدة طويلة...هزت يديها باه تنحي قندورتها ماقدرتش رجعت تأن وهي تحاول... حتى دموعها طاحو من كثر سطر... شافت مع يديه الي طلعولها جبة الي كانت لابستها منطرها...وجها رجع حبة طماطم تبلع في ريقها ماحطتش في راسها راح طيح في موقف كما هذا ... حط يدو على جيهة ضربة يتحسس فيها...ومن غير مايحكي جبدها قعدها على سرير ورجع يحوس على بوماد يحطهالها...كمل ومن غير مايحكي هز لغوب لخرى عاونها تلبسها ودخل لدوش غسل يدو وحكم بلاصتو... وهي نفس شيء حكمت جيهتها كانت راح تعطيه بظهر اما تفكرت وعدها ليه.. دارت تشوف معاه مغمض عينه وفجأة فتحهم...
ابراهيم: شبيك؟ مزال سطر؟
حركتلو راسها بلا...
ابراهيم: حاولي ترقدي غدوة صباح نروحو لطبيب... اخر مرة ن
قربت جيهتو اكثر دخلت وسط حضنو من غير ماتحكي حاجة خلاتو حاير... كل مرة يتفاجىء من تصرفاتها ... تبسم على حنانتها برغم من قصوتها معاه اما تبقى تصرفاتها تصرفات طفلة صغيرة... مزال تتعلم باه تعيش... هبط عليها شوي باسها من راسها يمسح عليه حتى حسها ترخفت رقدت... اما مزالها تأن من سطر
#يتبـــــــــع
