🌙📿رمضان_يجمعنا 🌙📿
🍁🌾حبہــــر _العہـــون🌾🍁
📿🤍نہـــــــــوايہــــــــــآ🤍📿
❌⛔ ممنوع النقل ⛔❌
#بقلمي: zaineb_mer
#حبہــــــر_العہــــــــون:
الحہلقہة 88:
#توبة..
اول مافتحت باب دار ودخلت... حسيت وكانو غريبة وسطها...بلاصة خاطية بلاصتي... شفت مع كل ركن من اركانها... تنهدت من الاحساسلينحس فيه...يعني اليوم تبدأ حياة جديدة تلفت وقت حطلي اسحاق حوايجي... شاف معايا وتبسم...
اسحاق: نحب اختي تفرحني... يقولو اخت رجال... عيشي حياتك تولهي بدارك وراجلك... نحب يحكو على اختي غير بالخير... بيضيلي وجهي يالغالية...
توبة: إن شاءالله...
قرب حضني بإيد وحدة وهبط باس راسي...
اسحاق: الله يرضى عليك... انا نخليك واي حاجة تسحقيها خوك لهنا...
قربت حضنتو مدورة يدي على ظهرو نحب نشبع من ريحتو... جبدني وعاود باس جبيني وخرج... حسيت بفرااااغ كبييير.... رجعت شفت مع دار كل حاجة في بلاصتها وكل حاجة منظمة... دخلت لبيتي نفس شيء... بقيت نشوف مع سرير تفكرت الليلة الي رقدت فيها لهنا بقربو وعلى صوت تلاوتو للقرآن... كانت راح تكون ذكرى حلوة لو ماصراش الي صرا... تنهدت وقت تفكرت روحي الي راحت وخلاتني... مسحت دموعي الي طاحو هي في قلبي وعقلي وفي كل حركة مني...ربي يقدرني على العيشة من غيرها... خرجت غوب في الاصفر لبستها وخرجت للكوزينة على الاقل نعمل عشاء... فتحت فريجدار مكان حتى حاجة بخلاف طماطم والبيض... خرجتهم قصيتهم وحطيتهم يطيبو وزدت عليهم البيض وغطيتهم... رجعت غسلت حالتي وتوضيت صليت وهزيت المصحف نقرأ ماتيسر من القرآن...
﷽: سُورة أَنزَلۡنَٰهَا وَفَرَضۡنَٰهَا وَأَنزَلۡنَا فِيهَآ ءَايَٰتِۢ بَيِّنَٰتٖ لَّعَلَّكُمۡ تَذَكَّرُونَ (1) ٱلزَّانِيَةُ وَٱلزَّانِي فَٱجۡلِدُواْ كُلَّ وَٰحِدٖ مِّنۡهُمَا مِاْئَةَ جَلۡدَةٖۖ وَلَا تَأۡخُذۡكُم بِهِمَا رَأۡفَةٞ فِي دِينِ ٱللَّهِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۖ وَلۡيَشۡهَدۡ عَذَابَهُمَا طَآئِفَةٞ مِّنَ ٱلۡمُؤۡمِنِينَ (2) ٱلزَّانِي لَا يَنكِحُ إِلَّا زَانِيَةً أَوۡ مُشۡرِكَةٗ وَٱلزَّانِيَةُ لَا يَنكِحُهَآ إِلَّا زَانٍ أَوۡ مُشۡرِكٞۚ وَحُرِّمَ ذَٰلِكَ عَلَى ٱلۡمُؤۡمِنِينَ (3)» سورة نور " غلقت المصحف ووقفت حطيتو في بلاصتو... بقيت ندور في دار نسكتشف فيها حتى فات الوقت شفت مع ساعة لدرك مازال مادخل... رجعت للكوزينة وجدت طاولة وبقيت قاعدة نستنى ونفس شيء مزال مادخلش... ماقدرتش ناكل اصلا رجعت وقفت رحت لصالة فتحت tv حطيت على حصة وسام يوسف...حتى دخت في نوم...
#إبراهيم
رجعت الايام نفس شيء... نوض نخرج نخدم ونرجع لدار الي ظلامت بعدما نورتها... عاذرها على حزنها تبقى امها في لاخير ومن حقها تحزن... اما انا الي تضريت في الحكاية الكل... هبطت من طموبيل بعدما قاريتها بحد دار... هزيت البيتزا الي جبتها وفتحت الباب اول مادخلت ضربتني ريحة ماكلة... عقدت حواجبي حرت زعما انا نتخيل ولا هبلت... حطيت لمفاتح دخلت لكوزينة طاولة محضرة هزيت لغطاء على المقلة طماطم بالبيض تبسمت وعاودت غطيتها ... زربت خرجت للبيت مكان حتى واحد... حتى تولهت لضوء في صالة... دخلت نلقاها راقدة بالقاعد قلبي خض... يعني هي رجعت... جبدت نفس كبير وقربت جيهتها حطيت يدي على يدها نحرك فيها...
ابرهيم: توبتي ياروحي...
تبسمت وقت فتحت عيونها زمرد تحك فيهم ولا صوتها دابل مخلاش فيا...
توبة: جيت؟
ابراهيم: جيت اروحي... وانت كفاه رضى علينا قلبك وجيتي...
هبطت راسها حاشمة... هزيتهولها بيدي...
توبة: اسحاق قالي لازم تروحي لدارك
هبطت يدي مشوكي من ردها الي قهرني... كونت نتوقع اي جواب غير هذا...
ابراهيم: حتى انا حرت...
وقفت رحت لكوزينة وهي لحقتني هزيت كاس ماء شربتو فرد نفس...
توبة: نحطلك تتعشى؟
ابراهيم: من غير ماتعبي روحك...
جيت متعديها حكمت يدي...
توبة: متغشش مني؟ كشما قلت انا...
ابراهيم: لا ماقلتي حتى حاجة... يالا روحي ترقدي...
توبة: وانت وين رايح؟ ...
#يتبع
